Mahabharata Shanti Parva mokShadharmaparva adhyAyaH 288 in a critical edition, 289 in Kinjavadekar Edition.
॥ Hansa Geetaa Bengali Lyrics ॥
॥ হংসগীতা ॥
যুধিষ্ঠির উবাচ ।
সত্যং দমং ক্ষমাং প্রজ্ঞাং প্রশংসন্তি পিতামহ ।
বিদ্বাংসো মনুজা লোকে কথমেতন্মতং তব ॥ ১ ॥
ভীষ্ম উবাচ ।
অত্র তে বর্তয়িষ্যেঽহমিতিহাসং পুরাতনম্ ।
সাধ্যানামিহ সংবাদং হংসস্য চ যুধিষ্ঠির ॥ ২ ॥
হংসো ভূৎবাথ সৌবর্ণস্ত্বজো নিত্যঃ প্রজাপতিঃ ।
স বৈ পর্যেতি লোকাংস্ত্রীনথ সাধ্যানুপাগমৎ ॥ ৩ ॥
সাধ্যা ঊচুঃ ।
শকুনে বয়ং স্ম দেবা বৈ সাধ্যাস্ত্বামনুয়ুজ্মহে ।
পৃচ্ছামস্ত্বাং মোক্ষধর্মং ভবাংশ্চ কিল মোক্ষবিৎ ॥ ৪ ॥
শ্রুতোঽসি নঃ পণ্ডিতো ধীরবাদী
সাধুশব্দশ্চরতে তে পতত্রিন্ ।
কিং মন্যসে শ্রেষ্ঠতমং দ্বিজ ৎবং
কস্মিন্মনস্তে রমতে মহাত্মন্ ॥ ৫ ॥
তন্নঃ কার্যং পক্ষিবর প্রশাধি
যৎকর্মণাং মন্যসে শ্রেষ্ঠমেকম্ ।
যৎকৃৎবা বৈ পুরুষঃ সর্ববন্ধৈর্-
বিমুচ্যতে বিহগেন্দ্রেহ শীঘ্রম্ ॥ ৬ ॥
হংস উবাচ ।
ইদং কার্যমমৃতাশাঃ শৃণোমি
তপো দমঃ সত্যমাত্মাভিগুপ্তিঃ ।
গ্রন্থীন্ বিমুচ্য হৃদয়স্য সর্বান্
প্রিয়াপ্রিয়ে স্বং বশমানয়ীত ॥ ৭ ॥
নারুন্তুদঃ স্যান্ন নৃশংসবাদী
ন হীনতঃ পরমভ্যাদদীত ।
যয়াস্য বাচা পর উদ্বিজেত
ন তাং বদেদ্রুষতীং পাপলোক্যাম্ ॥ ৮ ॥
বাক্সায়কা বদনান্নিষ্পতন্তি
যৈরাহতঃ শোচতি রাত্র্যহানি ।
পরস্য নামর্মসু তে পতন্তি
তান্ পণ্ডিতো নাবসৃজেৎপরেষু ॥ ৯ ॥
পরশ্চেদেনমতি বাদবানৈর্-
ভৃশং বিধ্যেচ্ছম এবেহ কার্যঃ ।
সংরোষ্যমাণঃ প্রতিহৃষ্যতে যঃ
স আদত্তে সুকৃতং বৈ পরস্য ॥ ১০ ॥
ক্ষেপাভিমানাদভিষঙ্গব্যলীকং var ক্ষেপায়মাণমভিষঙ্গ
নিগৃহ্ণাতি জ্বলিতং যশ্চ মন্যুম্ ।
অদুষ্টচেতা মুদিতোঽনসূয়ুঃ
স আদত্তে সুকৃতং বৈ পরেষাম্ ॥ ১১ ॥
আক্রুশ্যমানো ন বদামি কিংচিৎ
ক্ষমাম্যহং তাড্যমানশ্চ নিত্যম্ ।
শ্রেষ্ঠং হ্যেতৎ যৎ ক্ষমামাহুরার্যাঃ
সত্যং তথৈবার্জবমানৃশংস্যম্ ॥ ১২ ॥
বেদস্যোপনিষৎসত্যং সত্যস্যোপনিষদ্দমঃ ।
দমস্যোপনিষন্মোক্ষং এতৎসর্বানুশাসনম্ ॥ ১৩ ॥
বাচো বেগং মনসঃ ক্রোধবেগং বিবিৎসা বেগমুদরোপস্থ বেগম্ ।
এতান্ বেগান্ যো বিষহদুদীর্ণাংস্তং মন্যেঽহং ব্রাহ্মণং বৈ মুনিং চ ॥ ১৪ ॥
অক্রোধনঃ ক্রুধ্যতাং বৈ বিশিষ্টস্তথা তিতিক্ষুরতিতিক্ষোর্বিশিষ্টঃ ।
অমানুষান্মানুষো বৈ বিশিষ্টস্ তথা জ্ঞানাজ্জ্ঞানবান্বৈ প্রধানঃ ॥ ১৫ ॥
var জ্ঞানবিদ্বৈ বিশিষ্টঃ
আক্রুশ্যমানো নাক্রোশেন্মন্যুরেব তিতিক্ষতঃ । var নাক্রুশ্যেৎ মন্যুরেনং
আক্রোষ্টারং নির্দহতি সুকৃতং চাস্য বিন্দতি ॥ ১৬ ॥
যো নাত্যুক্তঃ প্রাহ রূক্ষং প্রিয়ং বা
যো বা হতো ন প্রতিহন্তি ধৈর্যাৎ ।
পাপং চ যো নেচ্ছতি তস্য হন্তুস্-
তস্মৈ দেবাঃ স্পৃহয়ন্তে সদৈব ॥ ১৭ ॥ var তস্যেহ দেবাঃ স্পৃহয়ন্তি
নিত্যম্ ।
পাপীয়সঃ ক্ষমেতৈব শ্রেয়সঃ সদৃশস্য চ ।
বিমানিতো হতোঽঽক্রুষ্ট এবং সিদ্ধিং গমিষ্যতি ॥ ১৮ ॥
সদাহমার্যান্নিভৃতোঽপ্যুপাসে
ন মে বিবিৎসা ন চমেঽস্তি রোষঃ । var বিবিৎসোৎসহতে ন রোষঃ
ন চাপ্যহং লিপ্সমানঃ পরৈমি
ন চৈব কিংচিদ্বিষয়েণ যামি ॥ ১৯ ॥
নাহং শপ্তঃ প্রতিশপামি কিংচিদ্
দমং দ্বারং হ্যমৃতস্যেহ বেদ্মি ।
গুহ্যং ব্রহ্ম তদিদং বা ব্রবীমি
ন মানুষাচ্ছ্রেষ্ঠতরং হি কিংচিৎ ॥ ২০ ॥
বিমুচ্যমানঃ পাপেভ্যো ধনেভ্য ইব চন্দ্রমাঃ ।
বিরজাঃ কালমাকাঙ্ক্ষন্ ধীরো ধৈর্যেণ সিধ্যতি ॥ ২১ ॥
যঃ সর্বেষাং ভবতি হ্যর্চনীয়
উৎসেধনস্তম্ভ ইবাভিজাতঃ ।
যস্মৈ বাচং সুপ্রশস্তাং বদন্তি var তস্মৈ বাচং সুপ্রসন্নাং
স বৈ দেবান্গচ্ছতি সংয়তাত্মা ॥ ২২ ॥
ন তথা বক্তুমিচ্ছন্তি কল্যাণান্ পুরুষে গুণান্ ।
যথৈষাং বক্তুমিচ্ছন্তি নৈর্গুণ্যমনুয়ুঞ্জকাঃ ॥ ২৩ ॥
যস্য বাঙ্মনসী গুপ্তে সম্যক্প্রণিহিতে সদা ।
বেদাস্তপশ্চ ত্যাগশ্চ স ইদং সর্বমাপ্নুয়াৎ ॥ ২৪ ॥
আক্রোশনাবমানাভ্যাং নাবুধান্ গর্হয়েদ্ বুধঃ । var বোধয়েদ্ বুধঃ
তস্মান্ন বর্ধয়েদন্যং ন চাত্মানং বিহিংসয়েৎ ॥ ২৫ ॥
অমৃতস্যেব সন্তৃপ্যেদবমানস্য বৈ দ্বিজঃ । var পণ্ডিতঃ ।
সুখং হ্যবমতঃ শেতে যোঽবমন্তা স নশ্যতি ॥ ২৬ ॥
যৎক্রোধনো যজতে যদ্দদাতি
যদ্বা তপস্তপ্যতি যজ্জুহোতি ।
বৈবস্বতস্তদ্ধরতেঽস্য সর্বং
মোঘঃ শ্রমো ভবতি হি ক্রোধনস্য ॥ ২৭ ॥
চৎবারি যস্য দ্বারাণি সুগুপ্তান্যমরোত্তমাঃ ।
উপস্থমুদরং হস্তৌ বাক্চতুর্থী স ধর্মবিৎ ॥ ২৮ ॥
সত্যং দমং হ্যার্জবমানৃশংস্যং
ধৃতিং তিতিক্ষামভিসেবমানঃ । var তিতিক্ষাং চ সংসেবমানঃ
স্বাধ্যায়নিত্যোঽস্পৃহয়ন্পরেষাম্ var যুক্তোঽস্পৃহয়ন্ পরেষাম্
একান্তশীল্যূর্ধ্বগতির্ভবেৎসঃ ॥ ২৯ ॥
সর্বানেতাননুচরন্ বৎসবচ্চতুরঃ স্তনান্ । var সর্বাংশ্চৈনাননুচরন্
ন পাবনতমং কিংচিৎসত্যাদধ্যগমং ক্বচিৎ ॥ ৩০ ॥
আচক্ষেঽহং মনুষ্যেভ্যো দেবেভ্যঃ প্রতিসঞ্চরন্ ।
সত্যং স্বর্গস্য সোপানং পারাবারস্য নৌরিব ॥ ৩১ ॥
যাদৃশৈঃ সংনিবসতি যাদৃশাংশ্চোপসেবতে ।
যাদৃগিচ্ছেচ্চ ভবিতুং তাদৃগ্ভবতি পূরুষঃ ॥ ৩২ ॥
যদি সন্তং সেবতি যদ্যসন্তং
তপস্বিনং যদি বা স্তেনমেব ।
বাসো যথা রঙ্গবশং প্রয়াতি
তথা স তেষাং বশমভ্যুপৈতি ॥ ৩৩ ॥
সদা দেবাঃ সাধুভিঃ সংবদন্তে
ন মানুষং বিষয়ং যান্তি দ্রষ্টুম্ ।
নেন্দুঃ সমঃ স্যাদসমো হি বায়ুর্-
উচ্চাবচং বিষয়ং যঃ স বেদ ॥ ৩৪ ॥
অদুষ্টং বর্তমানে তু হৃদয়ান্তরপূরুষে ।
তেনৈব দেবাঃ প্রীয়ন্তে সতাং মার্গস্থিতেন বৈ ॥ ৩৫ ॥
শিশ্নোদরে যেঽভিরতাঃ সদৈব var যে নিরতাঃ
স্তেনা নরা বাক্পরুষাশ্চ নিত্যম্ ।
অপেতদোষানিতি তান্ বিদিৎবা
দূরাদ্দেবাঃ সম্পরিবর্জয়ন্তি ॥ ৩৬ ॥
ন বৈ দেবা হীনসত্ত্বেন তোষ্যাঃ
সর্বাশিনা দুষ্কৃতকর্মণা বা ।
সত্যব্রতা যে তু নরাঃ কৃতজ্ঞা
ধর্মে রতাস্তৈঃ সহ সম্ভজন্তে ॥ ৩৭ ॥
অব্যাহৃতং ব্যাকৃতাচ্ছ্রেয় আহুঃ
সত্যং বদেদ্ব্যাহৃতং তদ্দ্বিতীয়ম্ ।
ধর্মং বদেদ্ব্যাহৃতং তত্তৃতীয়ং
প্রিয়ংবদেদ্ব্যাহৃতং তচ্চতুর্থম্ ॥ ৩৮ ॥
সাধ্যা ঊচুঃ ।
কেনায়মাবৃতো লোকঃ কেন বা ন প্রকাশতে ।
কেন ত্যজতি মিত্রাণি কেন স্বর্গং ন গচ্ছতি ॥ ৩৯ ॥
হংস উবাচ ।
অজ্ঞানেনাবৃতো লোকো মাৎসর্যান্ন প্রকাশতে ।
লোভাত্ত্যজতি মিত্রাণি সঙ্গাৎস্বর্গং ন গচ্ছতি ॥ ৪০ ॥
সাধ্যা ঊচুঃ ।
কঃ স্বিদেকো রমতে ব্রাহ্মণানাং
কঃ স্বিদেকো বহুভির্জোষমাস্তে ।
কঃ স্বিদেকো বলবান্ দুর্বলোঽপি
কঃ স্বিদেষাং কলহং নান্ববৈতি ॥ ৪১ ॥
হংস উবাচ ।
প্রাজ্ঞ একো রমতে ব্রাহ্মণানাং
প্রাজ্ঞশ্চৈকো বহুভির্জোষমাস্তে ।
প্রাজ্ঞ একো বলবান্ দুর্বলোঽপি
প্রাজ্ঞ এষাং কলহং নান্ববৈতি ॥ ৪২ ॥
সাধ্যা ঊচুঃ ।
কিং ব্রাহ্মণানাং দেবৎবং কিং চ সাধুৎবমুচ্যতে ।
অসাধুৎবং চ কিং তেষাং কিমেষাং মানুষং মতম্ ॥ ৪৩ ॥
হংস উবাচ ।
স্বাধ্যায় এষাং দেবৎবং ব্রতং সাধুৎবমুচ্যতে ।
অসাধুৎবং পরীবাদো মৃত্যুর্মানুষ্যমুচ্যতে ॥ ৪৪ ॥
ভীষ্ম উবাচ ।
সংবাদ ইত্যযং শ্রেষ্ঠঃ সাধ্যানাং পরিকীর্তিতঃ ।
ক্ষেত্রং বৈ কর্মণাং যোনিঃ সদ্ভাবঃ সত্যমুচ্যতে ॥ ৪৫ ॥
var
ইত্যুক্ত্বা পরমো দেব ভগবান্ নিত্য অব্যযঃ ।
সাধ্যৈর্দেবগণৈঃ সার্ধং দিবমেবারুরোহ সঃ ॥ ৪৫ ॥
এতদ্ যশস্যমায়ুষ্যং পুণ্যং স্বর্গায় চ ধ্রুবম্ ।
দর্শিতং দেবদেবেন পরমেণাব্যযেন চ ॥ ৪৬ ॥
॥ ইতি শ্রীমহাভারতে শান্তিপর্বণি মোক্ষধর্মপর্বণি
হংসগীতা সমাপ্তা ॥
– Chant Stotra in Other Languages –
Hansa Gita in Sanskrit – English – Bengali – Gujarati – Kannada – Malayalam – Odia – Telugu – Tamil