॥ Harihara Stotram Bengali Lyrics ॥
॥ হরিহরস্তোত্রম্ ॥
শ্রীগণেশায় নমঃ ॥
ধর্মার্থকামমোক্ষাখ্যচতুর্বর্গপ্রদায়িনৌ ।
বন্দে হরিহরৌ দেবৌ ত্রৈলোক্যপরিপায়িনৌ ॥ ১ ॥
একমূর্তী দ্বিধা ভিন্নৌ সংসারার্ণবতারকৌ ।
বন্দেঽহং কামদৌ দেবৌ সততং শিবকেশবৌ ॥ ২ ॥
দয়াময়ৌ দীনদরিদ্রতাপহৌ মহৌজসৌ মান্যতমৌ সদা সমৌ ।
উদারলীলাললিতৌ সিতাসিতৌ নমামি নিত্যং শিবকেশবাবহম্ ॥ ৩ ॥
অনন্তমাহাত্ম্যনিধী বিধিস্তুতৌ শ্রিয়া য়ুতৌ লোকবিধানকারিণৌ ।
সুরাসুরাধীশনুতৌ নুতৌ জগত্পতী সদা বিধত্তাং শিবকেশবৌ শিবম্ ॥ ৪ ॥
জগত্ত্রয়ীপালননাশকারকৌ প্রসন্নহাসৌ বিলসত্সদাননৌ ।
মহাবলৌ মঞ্জুলমূর্তিধারিণৌ শিবং বিধত্তাং শিবকেশবৌ সদা ॥ ৫ ॥
মহস্বিনৌ মোদকরৌ পরৌ বরৌ মুনীশ্বরৈঃ সেবিতপাদপঙ্কজৌ ।
অজৌ সুজাতৌ জগদীশ্বরৌ সদা শিবং বিধত্তাং শিবকেশবৌ মম ॥ ৬ ॥
নমোঽস্তু নিত্যং শিবিকেশবাভ্যাং স্বভক্তসংরক্ষণতত্পরাভ্যাম্ ।
দেবেশ্বরাভ্যাং করুণাকরাভ্যাং লোকত্রয়ীনির্মিতিকারণাভ্যাম্ ॥ ৭ ॥
সলীলশীলৌ মহনীয়মূর্তী দয়াকরৌ মঞ্জুলসচ্চরিত্রৌ ।
মহোদয়ৌ বিশ্ববিনোদহেতূ নমামি দেবৌ শিবকেশবৌ তৌ ॥ ৮ ॥
ত্রিশূলপাণিং বরচক্রপাণিং পীতাম্বরং স্পষ্টদিগম্বরং চ ।
চতুর্ভুজং বা দশবাহুয়ুক্তং হরিং হরং বা প্রণমামি নিত্যম্ ॥ ৯ ॥
কপালমালাললিতং শিবং চ সদ্বৈজয়ন্তীস্রগুদারশোভম্ ।
বিষ্ণুং চ নিত্যং প্রণিপত্য য়াচে ভবত্পদাম্ভোরুহয়োঃ স্মৃতিঃ স্তাত্ ॥ ১০ ॥
শিব ত্বমেবাঽসি হরিস্বরূপো হরে ত্বমেবাঽসি শিবস্বরূপঃ ।
ভ্রান্ত্যা জনাস্ত্বাং দ্বিবিধস্বরূপং পশ্যন্তি মূঢা ননু নাশহেতোঃ ॥ ১১ ॥
হরে জনা য়ে শিবরূপিণং ত্বাং ত্বদ্রূপমীশং কলয়ন্তি নিত্যম্ ।
তে ভাগ্যবন্তঃ পুরুষাঃ কদাঽপি ন য়ান্তি ভাস্বত্তনয়স্য গেহম্ ॥ ১২ ॥
শম্ভো জনা য়ে হরিরূপিণং ত্বাং ভবত্স্বরূপং কমলালয়েশম্ ।
পশ্যন্তি ভক্ত্যা খলু তে মহান্তৌ য়মস্য নো য়ান্তি পুরং কদাচিত্ ॥ ১৩ ॥
শিবে হরৌ ভেদধিয়াঽঽধিয়ুক্তা মুক্তিং লভন্তে ন জনা দুরাপাম্ ।
ভুক্তিং চ নৈবেহ পরন্তু দুঃখং সংসারকূপে পতিতাঃ প্রয়ান্তি ॥ ১৪ ॥
হরে হরৌ ভেদদৃশো ভৃশং বৈ সংসারসিন্ধৌ পতিতাঃ সতাপাঃ ।
পাপাশয়া মোহময়ান্ধকারে ভ্রান্তা মহাদুঃখভরং লভন্তে ॥ ১৫ ॥
সন্তো লসন্তঃ সুতরাং হরৌ চ হরে চ নিত্যং বহুভক্তিমন্তঃ ।
অন্তর্মহান্তৌ শিবকেশবৌ তৌ ধ্যায়ন্ত উচ্চৈর্মুদমাপ্নুবন্তি ॥ ১৬ ॥
হরৌ হরে চৈক্যমুদারশীলাঃ পশ্যন্তি শশ্বত্সুখদায়িলীলাঃ ।
তে ভুক্তিমুক্তী সমবাপ্য নূনং সুখং দুরাপং সুতরাং লভন্তে ॥ ১৭ ॥
শিবে শিবেশেঽপি চ কেশবে চ পদ্মাপতৌ দেববরে মহান্তঃ ।
ভেদং ন পশ্যন্তি পরন্তু সন্তস্তয়োরভেদং কলয়ন্তি সত্যম্ ॥ ১৮ ॥
রমাপতিং বা গিরিজাপতিং বা বিশ্বেশ্বরং বা জগদীশ্বরং বা ।
পিনাকপাণিং খলু শার্ঙ্গপাণিং হরি হরং বা প্রণমামি নিত্যম্ ॥ ১৯ ॥
সুরেশ্বরং বা পরমেশ্বরং বা বৈকুণ্ঠলোকস্থিতমচ্যুতং বা ।
কৈলাসশৈলস্থিতমীশ্বরং বা বিষ্ণুং চ শম্ভুং চ নমামি নিত্যম্ ॥ ২০ ॥
হরির্দয়ার্দ্রাশয়তাং প্রয়াতো হরো দয়ালূত্তমভাবমাপ্তঃ ।
অনেকদিব্যাস্ত্রধরঃ পরেশঃ পায়াদজস্রং কৃপয়া নতং মাম্ ॥ ২১ ॥
শেষোঽস্তি য়স্যাভরণত্বমাপ্তো য়দ্বা সুশয়্যাত্বমিতঃ সদৈব ।
দেবঃ স কোঽপীহ হরির্হরো বা করোতু মে মঞ্জুলমঙ্গলং দ্রাক্ ॥ ২২ ॥
হরিং হরং চাপি ভজন্তি ভক্ত্যা বিভেদবুদ্ধিং প্রবিহায় নূনম্ ।
সিদ্ধা মহান্তো মুনয়ো মহেচ্ছাঃ স্বচ্ছাশয়া নারদপর্বতাদ্যাঃ ॥ ২৩ ॥
সনত্কুমারাদয় উন্নতেচ্ছা মোহেন হীনা মুনয়ো মহান্তঃ ।
স্বান্তঃস্থিতং শঙ্করমচ্যুতং চ ভেদং পরিত্যজ্য সদা ভজন্তে ॥ ২৪ ॥
শিষ্টা বসিষ্ঠাদয় আত্মনিষ্ঠাঃ শ্রেষ্ঠাঃ স্বধর্মাবনকর্মচিত্তাঃ ।
হৃত্তাপহারং মলহীনচিত্তা হরিং হরং চৈকতয়া ভজন্তে ॥ ২৫ ॥
অন্যে মহাত্মান উদারশীলা ভৃগ্বাদয়ো য়ে পরমর্ষয়স্তে ।
পশ্যন্তি চৈক্যং হরিশর্বয়োঃ শ্রীসংয়ুক্তয়োরত্র ন সংশয়োঽস্তি ॥ ২৬ ॥
ইন্দ্রাদয়ো দেববরা উদারা ত্রৈলোক্যসংরক্ষণদত্তচিত্তাঃ ।
হরিং হরং চৈকস্বরূপমেব পশ্যন্তি ভক্ত্যা চ ভজন্তি নূনম্ ॥ ২৭ ॥
সর্বেষু বেদেষু খলু প্রসিদ্ধবৈকুণ্ঠকৈলাসগয়োঃ সুধাম্নোঃ ।
মুকুন্দবালেন্দুবতংসয়োঃ সচ্চরিত্রয়োরীশ্বরয়োরভেদঃ ॥ ২৮ ॥
সর্বাণি শাস্ত্রাণি বদন্তি নূনং হরের্হরস্যৈক্যমুদারমূর্তেঃ ।
নাস্ত্যত্র সন্দেহলবোঽপি সত্যং নিত্যং জনা ধর্মধনা গদন্তি ॥ ২৯ ॥
সর্বৈঃ পুরাণৈরিদমেব সূক্তং য়দ্বিষ্ণুশম্ভোর্মহনীয়মূর্ত্যোঃ ।
ঐক্যং সদৈবাঽস্তি ন ভেদলেশোঽপ্যস্তীহ চিন্ত্যং সুজনৈস্তদেবম্ ॥ ৩০ ॥
ভেদং প্রপশ্যন্তি নরাধমা য়ে বিষ্ণৌ চ শম্ভৌ চ দয়ানিধানে ।
তে য়ান্তি পাপাঃ পরিতাপয়ুক্তা ঘোরং বিশালং নিরয়স্য বাসম্ ॥ ৩১ ॥
ভূতাধিপং বা বিবুধাধিপং বা রমেশ্বরং বা পরমেশ্বরং বা ।
পীতাম্বরং বা হরিদম্বরং বা হরিং হরং বা পুরুষা ভজধ্বম্ ॥ ৩২ ॥
মহস্বিবর্যং কমনীয়দেহমুদারসারং সুখদায়িচেষ্টম্ ।
সর্বেষ্টদেবং দুরিতাপহারং বিষ্ণুং শিবং বা সততং ভজধ্বম্ ॥ ৩৩ ॥
শিবস্য বিষ্ণোশ্চ বিভাত্যভেদো ব্যাসাদয়োঽপীহ মহর্ষয়স্তে ।
সর্বজ্ঞভাবং দধতো নিতান্তং বদন্তি চৈবং কলয়ন্তি সন্তঃ ॥ ৩৪ ॥
মহাশয়া ধর্মবিধানদক্ষা রক্ষাপরা নির্জিতমানসা য়ে ।
তেঽপীহ বিজ্ঞাঃ সমদর্শিনো বৈ শিবস্য বিষ্ণোঃ কলয়ন্ত্যভেদম্ ॥ ৩৫ ॥
হরিরেব হরো হর এব হরির্ন হি ভেদলবোঽপি তয়োঃ প্রথিতঃ ।
ইতি সিদ্ধমুনীশয়তীশবরা নিগদন্তি সদা বিমদাঃ সুজনাঃ ॥ ৩৬ ॥
হর এব হরির্হরিরেব হরো হরিণা চ হরেণ চ বিশ্বমিদম্ ।
প্রবিনির্মিতমেতদবেহি সদা বিমদো ভব তৌ ভজ ভাবয়ুতঃ ॥ ৩৭ ॥
হরিরেব বভূব হরঃ পরমো হর এব বভূব হরিঃ পরমঃ ।
হরিতা হরতা চ তথা মিলিতা রচয়ত্যখিলং খলু বিশ্বমিদম্ ॥ ৩৮ ॥
বৃষধ্বজং বা গরুডধ্বজং বা গিরীশ্বরং বা ভুবনেশ্বরং বা ।
পতিং পশূনামথবা য়দূনাং কৃষ্ণং শিবং বা বিবুধা ভজন্তে ॥ ৩৯ ॥
ভীমাকৃতিং বা রুচিরাকৃতিং বা ত্রিলোচনং বা সমলোচনং বা ।
উমাপতিং বাঽথ রমাপতিং বা হরিং হরং বা মুনয়ো ভজন্তে ॥ ৪০ ॥
হরিঃ স্বয়ং বৈ হরতাং প্রয়াতো হরস্তু সাক্ষাদ্ধরিভাবমাপ্তঃ ।
হরির্হরশ্চাপি জগজ্জনানামুপাস্যদেবৌ স্ত ইতি প্রসিদ্ধিঃ ॥ ৪১ ॥
হরির্হি সাক্ষত্ হর এব সিদ্ধো হরো হি সাক্ষাদ্ধদিরেব চাস্তে ।
হীরর্হরশ্চ স্বয়মেব চৈকো দ্বিরূপতাং কার্যবশাত্ প্রয়াতঃ ॥ ৪২ ॥
হরির্জগত্পালনকৃত্প্রসিদ্ধো হরো জগন্নাশকরঃ পরাত্মা ।
স্বরূপমাত্রেণ ভিদামবাপ্তৌ দ্বাবেকরূপৌ স্ত ইমৌ সুরেশৌ ॥ ৪৩ ॥
দয়নিধানং বিলসদ্বিধানং দেবপ্রধানং ননু সাবধানম্ ।
সানন্দসন্মানসভাসমানং দেবং শিবং বা ভজ কেশবং বা ॥ ৪৪ ॥
শ্রীকৌস্তুভাভরণমিন্দুকলাবতংসং
কালীবিলাসিনমথো কমলাবিলাসম্ ।
দেবং মুরারিমথ বা ত্রিপুরারিমীশং
ভেদং বিহায় ভজ ভো ভজ ভূরি ভক্ত্যা ॥ ৪৫ ॥
বিষ্ণুঃ সাক্ষাচ্ছম্ভুরেব প্রসিদ্ধঃ শম্ভুঃ সাক্ষাদ্বিষ্ণুরেবাস্তি নূনম্ ।
নাস্তি স্বল্পোঽপীহ ভেদাবকাশঃ সিদ্ধান্তোঽয়ং সজ্জনানাং সমুক্তঃ ॥ ৪৬ ॥
শম্ভুর্বিষ্ণুশ্চৈকরূপো দ্বিমূর্তিঃ সত্যং সত্যং গদ্যতে নিশ্চিতং সত্ ।
অস্মিন্মিথ্যা সংশয়ং কুর্বতে য়ে পাপাচারাস্তে নরা রাক্ষসাখ্যাঃ ॥ ৪৭ ॥
বিষ্ণৌ শম্ভৌ নাস্তি ভেদাবভাসঃ সঙ্খ্যাবন্তঃ সন্ত এবং বদন্তি ।
অন্তঃ কিঞ্চিত্সংবিচিন্ত্য স্বয়ং দ্রাক্ ভেদং ত্যক্ত্বা তৌ ভজস্ব প্রকামম্ ॥ ৪৮ ॥
বিষ্ণোর্ভক্তাঃ শম্ভুবিদ্বেষসক্তাঃ শম্ভোর্ভক্তা বিষ্ণুবিদ্বেষিণো য়ে ।
কামক্রোধান্ধাঃ সুমন্দাঃ সনিন্দা বিন্দন্তি দ্রাক্ তে নরা দুঃখজালম্ ॥ ৪৯ ॥
বিষ্ণৌ শম্ভৌ ভেদবুদ্ধিং বিহায় ভক্ত্যা য়ুক্তাঃ সজ্জনা য়ে ভজন্তে ।
তেষাং ভাগ্যং বস্তুমীশো গুরুর্নো সত্যং সত্যং বচ্ম্যংহ বিদ্ধি তত্ত্বম্ ॥ ৫০ ॥
হরের্বিরোধী চ হরস্য ভক্তো হরস্য বৈরী চ হরেশ্চ ভক্তঃ ।
সাক্ষাদসৌ রাক্ষস এব নূনং নাস্ত্যত্র সন্দেহলবোঽপি সত্যম্ ॥ ৫১ ॥
শিবং চ বিষ্ণুং চ বিভিন্নদেহং পশ্যন্তি য়ে মূঢধিয়োঽতিনীচাঃ ।
তে কিং সুসদ্ভিঃ সুতরাং মহদ্ভিঃ সম্ভাষণীয়াঃ পুরুষা ভবন্তি ॥ ৫২ ॥
অনেকরূপং বিদিতৈকরূপং মহান্তমুচ্চৈরতিশান্তচিত্তম্ ।
দান্তং নিতান্তং শুভদং সুকান্তং বিষ্ণুং শিবং বা ভজ ভূরিভক্ত্যা ॥ ৫৩ ॥
হরে মুরারে হর হে পুরারে বিষ্ণো দয়ালো শিব হে কৃপালো ।
দীনং জনং সর্বগুণৈর্বিহীনং মাং ভক্তমার্তং পরিপাহি নিত্যম্ ॥ ৫৪ ॥
হে হে বিষ্ণো শম্ভুরূপস্ত্বমেব হে হে শম্ভো বিষ্ণুরূপস্ত্বমেব ।
সত্যং সর্বে সন্ত এবং বদন্তঃ সংসারাব্ধিং হ্যঞ্জসা সন্তরন্তি ॥ ৫৫ ॥
বিষ্ণুঃ শম্ভুঃ শম্ভুরেবাস্তি বিষ্ণুঃ শম্ভুর্বিষ্ণুর্বিষ্ণুরেবাস্তি শম্ভুঃ ।
শম্ভৌ বিষ্ণৌ চৈকরূপত্বমিষ্টং শিষ্টা এবং সর্বদা সঞ্জপন্তি ॥ ৫৬ ॥
দৈবী সম্পদ্বিদ্যতে য়স্য পুংসঃ শ্রীমান্ সোঽয়ং সর্বদা ভক্তিয়ুক্তঃ ।
শম্ভুং বিষ্ণুং চৈকরূপং দ্বিদেহং ভেদং ত্যক্ত্বা সম্ভজন্মোক্ষমেতি ॥ ৫৭ ॥
য়েষাং পুংসামাসুরী সম্পদাস্তে মৃত্যোর্গ্রাসাঃ কামলোভাভিভূতাঃ ।
ক্রোধেনান্ধা বন্ধয়ুক্তা জনাস্তে শম্ভুং বিষ্ণুং ভেদবুদ্ধ্যা ভজন্তে ॥ ৫৮ ॥
কল্যাণকারং সুখদপ্রকারং বিনির্বিকারং বিহিতোপকারম্ ।
স্বাকারমীশং ন কৃতাপকারং শিবং ভজধ্বং কিল কেশবং চ ॥ ৫৯ ॥
সচ্চিত্স্বরূপং করুণাসুকূপং গীর্বাণভূপং বরধর্ময়ূপম্ ।
সংসারসারং সুরুচিপ্রসারং দেবং হরিং বা ভজ ভো হরং বা ॥ ৬০ ॥
আনন্দসিন্ধুং পরদীনবন্ধুং মোহান্ধকারস্য নিকারহেতুম্ ।
সদ্ধর্মসেতুং রিপুধূমকেতুং ভজস্ব বিষ্ণুং শিবমেকবুদ্ধ্যা ॥ ৬১ ॥
বেদান্তসিদ্ধান্তময়ং দয়ালুং সত্সাঙ্খ্যশাস্ত্রপ্রতিপাদ্যমানম্ ।
ন্যায়প্রসিদ্ধং সুতরাং সমিদ্ধং ভজস্ব বিষ্ণুং শিবমেকবুদ্ধ্যা ॥ ৬২ ॥
পাপাপহারং রুচিরপ্রচারং কৃতোপকারং বিলসদ্বিহারম্ ।
সদ্ধর্মধারং কমনীয়দারং সারং হরিং বা ভজ ভো হরং বা ॥ ৬৩ ॥
বিষ্ণৌ হরৌ ভেদমবেক্ষমাণঃ প্রাণী নিতান্তং খলু তান্তচেতাঃ । – আদ্দেদ্।
প্রেতাধিপস্যৈতি পুরং দুরন্তং দুঃখং চ তত্র প্রথিতং প্রয়াতি ॥ ৬৪ ॥
ভো ভো জনা জ্ঞানধনা মনাগপ্যর্চ্যে হরৌ চাপি হরে চ নূনম্ ।
ভেদং পরিত্যজ্য মনো নিরুধ্য সুখং ভবন্তঃ খলু তৌ ভজন্তু ॥ ৬৫ ॥
আনন্দসন্মন্দিরমিন্দুকান্তং শান্তং নিতান্তং ভুবনানি পান্তম্ ।
ভান্তং সুদান্তং বিহিতাসুরান্তং দেবং শিবং বা ভজ কেশবং বা ॥ ৬৬ ॥
হে হে হরে কৃষ্ণ জনার্দনেশ শম্ভো শশাঙ্কাভরণাধিদেব ।
নারায়ণ শ্রীশ জগত্স্বরূপ মাং পাহি নিত্যং শরণং প্রপন্নম্ ॥ ৬৭ ॥
বিষ্ণো দয়ালোঽচ্যুত শার্ঙ্গপাণে ভূতেশ শম্ভো শিব শর্ব নাথ ।
মুকুন্দ গোবিন্দ রমাধিপেশ মাং পাহি নিত্যং শরণং প্রপন্নম্ ॥ ৬৮ ॥
কল্যাণকারিন্ কমলাপতে হে গৈরীপতে ভীম ভবেশ শর্ব ।
গিরীশ গৌরীপ্রিয় শূলপাণে মাং পাহি নিত্যং শরণং প্রপত্রম্ ॥ ৬৯ ॥
হে শর্ব হে শঙ্কর হে পুরারে হে কেশব হে কৃষ্ণ হরে মুরারে ।
হে দীনবন্ধো করুণৈকসিন্ধো মাং পাহি নিত্যং শরণং প্রপন্নম্ ॥ ৭০ ॥
হে চন্দ্রমৌলে হরিরূপ শম্ভো হে চক্রপাণে শিবরূপ বিষ্ণো ।
হে কামশত্রো খলু কামতাত মাং পাহি নিত্যং ভগবন্নমস্তে ॥ ৭১ ॥
সকললোকপশোকবিনাশিনৌ পরমরম্যতয়া প্রবিকাশিনৌ ।
অঘসমূহবিদারণকারিণৌ হরিহরৌ ভজ মূঢ ভিদাং ত্যজ ॥ ৭২ ॥
হরিঃ সাক্ষাদ্ধরঃ প্রোক্তো হরঃ সাক্ষাদ্ধরিঃ স্মৃতঃ ।
উভয়োরন্তরং নাস্তি সত্যং সত্যং নং সংশয়ঃ ॥ ৭৩ ॥
য়ো হরৌ চ হরে সাক্ষাদেকমূর্তৌ দ্বিধা স্থিতে ।
ভেদং করোতি মূঢাত্মা স য়াতি নরকং ধ্রুবম্ ॥ ৭৪ ॥
য়স্য বুদ্ধির্হরৌ চাপি হরে ভেদং চ পশ্যতি ।
স নরাধমতাং য়াতো রোগী ভবতি মানবঃ ॥ ৭৫ ॥
য়ো হরৌ চ হরে চাপি ভেদবুদ্ধিং করোত্যহো ।
তস্মান্মূঢতমো লোকে নান্যঃ কশ্চন বিদ্যতে ॥ ৭৬ ॥
মুক্তিমিচ্ছসি চেত্তর্হি ভেদং ত্যজ হরৌ হরে ।
অন্যথা জন্মলক্ষেষু মুক্তিঃ খলু সুদুর্লভা ॥ ৭৭ ॥
বিষ্ণোঃ শিবস্য চাভেদজ্ঞানান্মুক্তিঃ প্রজায়তে ।
ইতি সদ্বেদবাক্যানাং সিদ্ধান্তঃ প্রতিপাদিতঃ ॥ ৭৮ ॥
বিষ্ণুঃ শিবঃ শিবো বিষ্ণুরিতি জ্ঞানং প্রশিষ্যতে ।
এতজ্জ্ঞানয়ুতো জ্ঞানি নান্যথা জ্ঞানমিষ্যতে ॥ ৭৯ ॥
হরির্হরো হরশ্চাপি হরিরস্তীতি ভাবয়ন্ ।
ধর্মার্থকামমোক্ষাণামধিকারী ভবেন্নরঃ ॥ ৮০ ॥
হরিং হরং ভিন্নরূপং ভাবয়ত্যধমো নরঃ ।
স বর্ণসঙ্করো নূনং বিজ্ঞেয়ো ভাবিতাত্মভিঃ ॥ ৮১ ॥
হর শম্ভো হরে বিষ্ণো শম্ভো হর হরে হর ।
ইতি নিত্যং জপন্ জন্তুর্জীবন্মুক্তো হি জায়তে ॥ ৮২ ॥
ন হরিং চ হরং চাপি ভেদবুদ্ধ্যা বিলোকয়েত্ ।
য়দীচ্ছেদাত্মনঃ ক্ষেমং বুদ্ধিমান্ কুশলো নরঃ ॥ ৮৩ ॥
হরে হর দয়ালো মাং পাহি পাহি কৃপাং কুরু ।
ইতি সঞ্জপনাদেব মুক্তিঃ প্রাণৌ প্রতিষ্ঠিতা ॥ ৮৪ ॥
হরিং হরং দ্বিধা ভিন্নং বস্তুতস্ত্বেকরূপকম্ ।
প্রণমামি সদা ভক্ত্যা রক্ষতাং তৌ মহেশ্বরৌ ॥ ৮৫ ॥
ইদং হরিহরস্তোত্রং সূক্তং পরমদুর্লভম্ ।
ধর্মার্থকামমোক্ষাণাং দায়কং দিব্যমুত্তমম্ ॥ ৮৬ ॥
শিবকেশবয়োরৈক্যপ্রতিপাদকমীডিতম্ ।
পঠেয়ুঃ কৃতিনঃ শান্তা দান্তা মোক্ষাভিলাষিণঃ ॥ ৮৭ ॥
এতস্য পঠনাত্সর্বাঃ সিদ্ধয়ো বশগাস্তথা ।
দেবয়োর্বিষ্ণুশিবয়োর্ভক্তির্ভবতি ভূতিদা ॥ ৮৮ ॥
ধর্মার্থী লভতে ধর্মমর্থার্থী চার্থমশ্নুতে ।
কামার্থী লভতে কামং মোক্ষার্থী মোক্ষমশ্নুতে ॥ ৮৯ ॥
দুর্গমে ঘোরসঙ্গ্রামে কাননে বধবন্ধনে ।
কারাগারেঽস্য পঠনাজ্জায়তে তত্ক্ষণং সুখী ॥ ৯০ ॥
বেদে য়থা সামবেদো বেদান্তো দর্শনে য়থা ।
স্মৃতৌ মনুস্মৃতির্যদ্বত্ বর্ণেষু ব্রাহ্মণো য়থা ॥ ৯১ ॥
য়থাঽঽশ্রমেষু সন্ন্যাসো য়থা দেবেষু বাসবঃ ।
য়থাঽশ্বত্থঃ পাদপেষু য়থা গঙ্গা নদীষু চ ॥ ৯২ ॥
পুরাণেষু য়থা শ্রেষ্ঠং মহাভারতমুচ্যতে ।
য়থা সর্বেষু লোকেষু বৈকুণ্ঠঃ পরমোত্তমঃ ॥ ৯৩ ॥
য়থা তীর্থেষু সর্বেষু প্রয়াগঃ শ্রেষ্ঠ ঈরিতঃ ।
য়থা পুরীষু সর্বাসু বরা বারাণসী মতা ॥ ৯৪ ॥
য়থা দানেষু সর্বেষু চান্নদানং মহত্তমম্ ।
য়থা সর্বেষু ধর্মেষু চাহিংসা পরমা স্মৃতা ॥ ৯৫ ॥
য়থা সর্বেষু সৌখ্যেষু ভোজনং প্রাহুরুত্তমম্ ।
তথা স্তোত্রেষু সর্বেষু স্তোত্রমেতত্পরাত্পরম্ ॥ ৯৬ ॥
অন্যানি য়ানি স্তোত্রাণি তানি সর্বাণি নিশ্চিতম্ ।
অস্য স্তোত্রস্য নো য়ান্তি ষোডশীমপি সত্কলাম্ ॥ ৯৭ ॥
ভূতপ্রেতপিশাচাদ্যা বালবৃদ্ধগ্রহাশ্চ য়ে ।
তে সর্বে নাশমায়ান্তি স্তোত্রস্যাস্য প্রভাবতঃ ॥ ৯৮ ॥
য়ত্রাস্য পাঠো ভবতি স্তোত্রস্য মহতো ধুবম্ ।
তত্র সাক্ষাত্সদা লক্ষ্মীর্বসত্যেব ন সংশয়ঃ ॥ ৯৯ ॥
অস্য স্তোত্রস্য পাঠেন বিশ্বেশৌ শিবকেশবৌ ।
সর্বান্মনোরথান্পুংসাং পূরয়েতাং ন সংশয়ঃ ॥ ১০০ ॥
পুণ্যং পুণ্যং মহত্পুণ্যং স্তোত্রমেতদ্ধি দুর্লভম্ ।
ভো ভো মুমুক্ষবঃ সর্বে য়ূয়ং পঠত সর্বদা ॥ ১০১ ॥
ইত্যচ্যুতাশ্রমস্বামিবিরচিতং শ্রীহরিহরাদ্বৈতস্তোত্রং সম্পূর্ণম্ ।