॥ Heramba Sri Ganapati Stotram Telugu Lyrics ॥
॥ హేరంబ స్తోత్రం ॥
గౌర్యువాచ ।
గజానన జ్ఞానవిహారకాని-
-న్న మాం చ జానాసి పరావమర్షామ్ ।
గణేశ రక్షస్వ న చేచ్ఛరీరం
త్యజామి సద్యస్త్వయి భక్తియుక్తా ॥ ౧ ॥
విఘ్నేశ హేరంబ మహోదర ప్రియ
లంబోదర ప్రేమవివర్ధనాచ్యుత ।
విఘ్నస్య హర్తాఽసురసంఘహర్తా
మాం రక్ష దైత్యాత్త్వయి భక్తియుక్తామ్ ॥ ౨ ॥
కిం సిద్ధిబుద్ధిప్రసరేణ మోహ-
-యుక్తోఽసి కిం వా నిశి నిద్రితోఽసి ।
కిం లక్షలాభార్థవిచారయుక్తః
కిం మాం చ విస్మృత్య సుసంస్థితోఽసి ॥ ౩ ॥
కిం భక్తసంగేన చ దేవదేవ
నానోపచారైశ్చ సుయంత్రితోఽసి ।
కిం మోదకార్థే గణపాద్భృతోఽసి
నానావిహారేషు చ వక్రతుండ ॥ ౪ ॥
స్వానందభోగేషు పరిహృతోఽసి
దాసీం చ విస్మృత్య మహానుభావ ।
ఆనంత్యలీలాసు చ లాలసోఽసి
కిం భక్తరక్షార్థసుసంకటస్థః ॥ ౫ ॥
అహో గణేశామృతపానదక్షా-
-మరైస్తథా వాసురపైః స్మృతోఽసి ।
తదర్థనానావిధిసంయుతోఽసి
విసృజ్య మాం దాసీమనన్యభావామ్ ॥ ౬ ॥
రక్షస్వ మాం దీనతమా పరేశ
సర్వత్ర చిత్తేషు చ సంస్థితస్త్వమ్ ।
ప్రభో విలంబేన వినాయకోఽసి
బ్రహ్మేశ కిం దేవ నమో నమస్తే ॥ ౭ ॥
భక్తాభిమానీతి చ నామ ముఖ్యం
వేదే త్వభావాన్ నహి చేన్మహాత్మన్ ।
ఆగత్య హత్వాఽదితిజం సురేశ
మాం రక్ష దాసీం హృది పాదనిష్ఠామ్ ॥ ౮ ॥
అహో న దూరం తవ కించిదేవ
కథం న బుద్ధీశ సమాగతోఽసి ।
సుచింత్యదేవ ప్రజహామి దేహం
యశః కరిష్యే విపరీతమేవమ్ ॥ ౯ ॥
రక్ష రక్ష దయాసింధోఽపరాధాన్మే క్షమస్వ చ ।
క్షణే క్షణే త్వహం దాసీ రక్షితవ్యా విశేషతః ॥ ౧౦ ॥
స్తువత్యామేవ పార్వత్యాం శంకరో బోధసంయుతః ।
బభూవ గణపానాం వై శ్రుత్వా హాహారవం విధేః ॥ ౧౧ ॥
గణేశం మనసా స్మృత్వా వృషారూఢః సమాయయౌ ।
క్షణేన దైత్యరాజం తం దృష్ట్వా డమరుణా హనత్ ॥ ౧౨ ॥
తతః సోఽపి శివం వీక్ష్యాలింగితుం ధావితోఽభవత్ ।
శివస్య శూలికాదీని శస్త్రాణి కుంఠితాని వై ॥ ౧౩ ॥
తం దృష్ట్వా పరమాశ్చర్యం భయభీతో మహేశ్వరః ।
సస్మార గణపం సోఽపి నిర్విఘ్నార్థం ప్రజాపతే ॥ ౧౪ ॥
ఇతి ముద్గలపురాణే హేరంబ స్తోత్రమ్ ।
– Chant Stotra in Other Languages –
Sri Ganesha Stotram » Heramba Ganapati Stotram in Lyrics in Sanskrit » English » Kannada » Tamil