॥ Hymn to Kottai Ishvara Odia Lyrics ॥
॥ ଗୋଷ୍ଠେଶ୍ଵରାଷ୍ଟକମ୍ ॥
ସତ୍ୟଜ୍ଞାନମନନ୍ତମଦ୍ଵୟସୁଖାକାରଂ ଗୁହାନ୍ତଃସ୍ଥିତ-
ଶ୍ରୀଚିଦ୍ଵ୍ୟୋମ୍ନି ଚିଦର୍କରୂପମମଲଂ ୟଦ୍ ବ୍ରହ୍ମ ତତ୍ତ୍ଵଂ ପରମ୍ ।
ନିର୍ବୀଜସ୍ଥଲମଧ୍ୟଭାଗଵିଲସଦ୍ଗୋଷ୍ଠୋତ୍ଥଵଲ୍ମୀକ-
ସମ୍ଭୂତଂ ସତ୍ ପୁରତୋ ଵିଭାତ୍ୟହହ ତଦ୍ଗୋଷ୍ଠେଶଲିଙ୍ଗାତ୍ମନା ॥ ୧ ॥
ସର୍ଵଜ୍ଞତ୍ଵନିଦାନଭୂତକରୁଣାମୂର୍ତିସ୍ଵରୂପାମଲା
ଚିଚ୍ଛକ୍ତିର୍ଜଡଶକ୍ତିକୈତଵଵଶାତ୍ କାଞ୍ଚୀନଦୀତ୍ଵଂ ଗତା ।
ଵଲ୍ମୀକାଶ୍ରୟଗୋଷ୍ଠନାୟକପରବ୍ରହ୍ମୈକ୍ୟକର୍ତ୍ରୀ ମୁହୁଃ
ନୃଣାଂ ସ୍ନାନକୃତାଂ ଵିଭାତି ସତତଂ ଶ୍ରୀପିପ୍ପିଲାରଣ୍ୟଗା ॥ ୨ ॥
ଶ୍ରୀମଦ୍ରାଜତଶୈଲଶୃଙ୍ଗଵିଲସଚ୍ଛ୍ରୀମଦ୍ଗୁହାୟାଂ ମହୀ-
ଵାର୍ଵହ୍ନ୍ୟାଶୁଗଖାତ୍ମିକୀ ଵିଜୟତେ ୟା ପଞ୍ଚଲିଙ୍ଗାକୃତିଃ ।
ସୈଵାଶକ୍ତଜନେଷୁ ଭୂରିକୃପୟା ଶ୍ରୀପିପ୍ପିଲାରଣ୍ୟଗେ
ଵଲ୍ମୀକେ କିଲ ଗୋଷ୍ଠନାୟକମହାଲିଙ୍ଗାତ୍ମନା ଭାସତେ ॥ ୩ ॥
ୟତ୍ରାଦ୍ୟାପ୍ୟଣିମାଦିସିଦ୍ଧିନିପୁଣାଃ ସିଦ୍ଧେଶ୍ଵରାଣାଂ ଗଣାଃ
ତତ୍ତଦ୍ଦିଵ୍ୟଗୁହାସୁ ସନ୍ତି ୟମିଦୃଗ୍ଦୃଶ୍ୟା ମହାଵୈଭଵାଃ ।
ୟତ୍ରୈଵ ଧ୍ଵନିରର୍ଧରାତ୍ରସମୟେ ପୁଣ୍ୟାତ୍ମଭିଃ ଶ୍ରୂୟତେ
ପୂଜାଵାଦ୍ୟସମୁତ୍ଥିତଃ ସୁମନସାଂ ତଂ ରାଜତାଦ୍ରିଂ ଭଜେ ॥ ୪ ॥
ଶ୍ରୀମଦ୍ରାଜତପର୍ଵତାକୃତିଧରସ୍ୟାର୍ଧେନ୍ଦୁଚୂଡାମଣେ-
ର୍ଲୋମୈକଂ କିଲ ଵାମକର୍ଣଜନିତଂ କାଞ୍ଚୀତରୁତ୍ଵଂ ଗତମ୍ ।
ତସ୍ମାଦୁତ୍ତରଵାହିନୀ ଭୁଵି ଭଵାନ୍ୟାଖ୍ୟା ତତଃ ପୂର୍ଵଗା
କାଞ୍ଚୀନଦ୍ୟଭିଧା ଚ ପଶ୍ଚିମଗତା ନିଲାନଦୀ ପାଵନୀ ॥ ୫ ॥
ଶ୍ରୀମଦ୍ଭାର୍ଗଵହସ୍ତଲଗ୍ନପରଶୁଵ୍ୟାଘଟ୍ଟନାଦ୍ ଦାରିତେ
କ୍ଷୋଣୀଧ୍ରେ ସତି ଵାମଦକ୍ଷିଣଗିରିଦ୍ଵନ୍ଦ୍ଵାତ୍ମନା ଭେଦିତେ ।
ତନ୍ମଧ୍ୟପ୍ରଥିତେ ଵିଦାରଧରଣୀଭାଗେତିନଦ୍ୟାଶ୍ରୟେ
ସା ନୀଲାତଟିନୀ ପୁନାତି ହି ସଦା କଲ୍ପାଦିଗାନ୍ ପ୍ରାଣିନଃ ॥ ୬ ॥
କଲ୍ପାଦିସ୍ଥଲମଧ୍ୟଭାଗନିଲୟେ ଶ୍ରୀଵିଶ୍ଵନାଥାଭିଧେ
ଲିଙ୍ଗେ ପିପ୍ପିଲକାନନାନ୍ତରଗତଶ୍ରୀଗୋଷ୍ଠନାଥାଭିଧଃ ।
ଶ୍ରୀଶମ୍ଭୁଃ କରୁଣାନିଧିଃ ପ୍ରକୁରୁତେ ସାଂନିଧ୍ୟମନ୍ୟାଦୃଶଂ
ତତ୍ପତ୍ନୀ ଚ ଵିରାଜତେଽତ୍ର ତୁ ଵିଶାଲାକ୍ଷୀତି ନାମାଙ୍କିତା ॥ ୭ ॥
ଶ୍ରୀକାଞ୍ଚୀତରୁମୂଲପାଵନତଲଂ ଭ୍ରାଜତ୍ତ୍ରିଵେଣ୍ୟୁଦ୍ଭଵଂ
ତ୍ୟକ୍ତ୍ଵାନ୍ୟତ୍ର ଵିଧାତୁମିଚ୍ଛତି ମୁହୁର୍ୟସ୍ତୀର୍ଥୟାତ୍ରାଦିକମ୍ ।
ସୋଽୟଂ ହସ୍ତଗତଂ ଵିହାୟ କୁଧିୟା ଶାଖାଗ୍ରଲୀନଂ ଵୃଥା
ୟଷ୍ଟ୍ୟା ତାଡିତୁମୀହତେ ଜଡମତିର୍ନିଃସାରତୁଚ୍ଛଂ ଫଲମ୍ ॥ ୮ ॥
ଶ୍ରୀମଦ୍ରାଜତଶୈଲୋତ୍ଥତ୍ରିଵେଣୀମହିମାଙ୍କିତମ୍ ।
ଗୋଷ୍ଠେଶ୍ଵରାଷ୍ଟକମିଦଂ ସାରଜ୍ଞୈରଵଲୋକ୍ୟତାମ୍ ॥ ୯ ॥
ଇତି ଗୋଷ୍ଠେଶ୍ଵରାଷ୍ଟକଂ ସମ୍ପୂର୍ଣମ୍
– Chant Stotra in Other Languages –
Hymn to Kottai Ishvara Lyrics in Sanskrit » English » Bengali » Gujarati » Kannada » Malayalam » Telugu » Tamil