॥ Hymn to Krishna as Nandakumar Gujarati Lyrics ॥
॥ શ્રીનન્દકુમારાષ્ટકમ્ ॥
સુન્દરગોપાલં ઉરવનમાલં નયનવિશાલં દુઃખહરં
વૃન્દાવનચન્દ્રમાનન્દકન્દં પરમાનન્દં ધરણિધરમ્ ।
વલ્લભઘનશ્યામં પૂર્ણકામં અત્યભિરામં પ્રીતિકરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૧ ॥
સુન્દરવારિજવદનં નિર્જિતમદનં આનન્દસદનં મુકુટધરં
ગુઞ્જાકૃતિહારં વિપિનવિહારં પરમોદારં ચીરહરમ્ ।
વલ્લભપટપીતં કૃતઉપવીતં કરનવનીતં વિબુધવરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૨ ॥
શોભિતમુખધુલં યમુનાકૂલં નિપટઅતૂલં સુખદતરં
મુખમણ્ડિતરેણું ચારિતધેનું વાદિતવેણું મધુરસુરમ્ ।
વલ્લભમતિવિમલં શુભપદકમલં નખરુચિ અમલં તિમિરહરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૩ ॥
શિરમુકુટસુદેશં કુઞ્ચિતકેશં નટવરવેશં કામવરં
માયાકૃતમનુજં હલધરઅનુજં પ્રતિહતદનુજં ભારહરમ્ ।
વલ્લભવ્રજપાલં સુભગસુચાલં હિતમનુકાલં ભાવવરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૪ ॥
ઇન્દીવરભાસં પ્રકટસુરાસં કુસુમવિકાસં વંશિધરં
હૃત્મન્મથમાનં રૂપનિધાનં કૃતકલગાનં ચિત્તહરમ્ ।
વલ્લભમૃદુહાસં કુઞ્જનિવાસં વિવિધવિલાસં કેલિકરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૫ ॥
અતિપરમપ્રવીણં પાલિતદીનં ભક્તાધીનં કર્મકરં
મોહનમતિધીરં ફણિબલવીરં હતપરવીરં તરલતરમ્ ।
વલ્લભવ્રજરમણં વારિજવદનં હલધરશમનં શૈલધરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૬ ॥
જલધરદ્યુતિઅઙ્ગં લલિતત્રિભઙ્ગં બહુકૃતરઙ્ગં રસિકવરં
ગોકુલપરિવારં મદનાકારં કુઞ્જવિહારં ગૂઢતરમ્ ।
વલ્લભવ્રજચન્દ્રં સુભગસુછન્દં કૃતઆનન્દં ભ્રાન્તિહરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૭ ॥
વન્દિતયુગચરણં પાવનકરણં જગદુદ્ધરણં વિમલધરં
કાલિયશિરગમનં કૃતફણિનમનં ઘાતિતયમનં મૃદુલતરમ્ ।
વલ્લભદુઃખહરણં નિર્મલચરણં અશરણશરણં મુક્તિકરં
ભજ નન્દકુમારં સર્વસુખસારં તત્ત્વવિચારં બ્રહ્મપરમ્ ॥ ૮ ॥
॥ ઇતિ શ્રીમહાપ્રભુવલ્લભાચાર્યવિરચિતં શ્રીનન્દકુમારાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Slokam » Hymn to Krishna as Nandakumar Lyrics in Sanskrit » English » Bengali » Kannada » Malayalam » Odia » Telugu » Tamil