॥ Hymn to Nitai or Nityananda Bengali Lyrics ॥
॥ নিত্যানন্দাষ্টকম্ ॥
শরচ্চন্দ্রভ্রান্তিং স্ফুরদমলকান্তিং গজগতিং
হরিপ্রেমোন্মত্তং ধৃতপরমসত্ত্বং স্মিতমুখম্ ।
সদাঘূর্ণন্নেত্রং করকলিতবেত্রং কলিভিদং
ভজে নিত্যানন্দং ভজনতরুকন্দং নিরবধি ॥ ১ ॥
রসানামাগারং স্বজনগণসর্বস্বমতুলং
তদীয়ৈকপ্রাণপ্রমিতবসুধাজাহ্নবপতিম্ ।
সদাপ্রেমোন্মাদং পরমবিদিতং মন্দমনসাং
ভজে নিত্যানন্দং ভজনতরুকন্দং নিরবধি ॥ ২ ॥
শচীসূনুপ্রেষ্ঠং নিখিলজগদিষ্টং সুখময়ং
কলৌ মজ্জজ্জিবোদ্ধরণকরণোদ্দামকরুণম্ ।
হরেরাখ্যানাদ্বা ভবজলধিগর্বোন্নতিহরং
ভজে নিত্যানন্দং ভজনতরুকন্দং নিরবধি ॥ ৩ ॥
অয়ে ভ্রাতর্নৄণাং কলিকলুষিণাং কিং নু ভবিতা
তথা প্রায়শ্চিত্তং রচয় য়দনায়াসত ইমে ।
ব্রজন্তি ত্বামিত্থং সহ ভগবতা মন্ত্রয়তি য়ো
ভজে নিত্যানন্দং ভজনতরুকন্দং নিরবধি ॥ ৪ ॥
য়থেষ্ঠং রে ভ্রাতঃ কুরু হরিহরিধ্বানমনিশং
ততো বঃ সংসারাম্বুধিতরণদায়ো ময়ি লগেত্ ।
ইদং বাহুস্ফোটৈরটতি রটয়ন্ য়ঃ প্রতিগৃহং
ভজে নিত্যানন্দং ভজনতরুকন্দং নিরবধি ॥ ৫ ॥
বলাত্ সংসারাম্ভোনিধিহরণকুম্ভোদ্ভবমহো
সতাং শ্রেয়ঃসিন্ধূন্নতিকুমুদবন্ধুং সমুদিতং ।
খলশ্রেণীস্ফূর্জিত্তিমিরহরসূর্যপ্রভমহং
ভজে নিত্যানন্দং ভজনতরুকন্দং নিরবধি ॥ ৬ ॥
নটন্তং গায়ন্তং হরিমনুবদন্তং পথি পথি
ব্রজন্তং পশ্যন্তং স্বমপি ন দয়ন্তং জনগণম্ ।
প্রকুর্বন্তং সন্তং সকরুণদৃগন্তং প্রকলনাদ্-
ভজে নিত্যানন্দং ভজনতরুকন্দং নিরবধি ॥ ৭ ॥
সুবিভ্রাণং ভ্রাতুঃ করসরসিজং কোমলতরং
মিথো বক্ত্রালোকোচ্ছলিতপরমানন্দহৃদয়ম্ ।
ভ্রমন্তং মাধুর্যৈরহহ মদয়ন্তং পুরজনান্
ভজে নিত্যানন্দং ভজনতরুকন্দং নিরবধি ॥ ৮ ॥
রসানামাধারং রসিকবরসদ্বৈষ্ণবধনং
রসাগারং সারং পতিতততিতারং স্মরণতঃ ।
পরং নিত্যানন্দাষ্টকমিদমপূর্বং পঠতি য়ঃ
তদঙ্ঘ্রিদ্বন্দ্বাব্জং স্ফুরতু নিতরাং তস্য হৃদয়ে ॥ ৯ ॥
ইতি বৃন্দাবনদাসঠাকূরবিরচিতং নিত্যানন্দাষ্টকং সম্পূর্ণম্ ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Gujarati » Kannada » Malayalam » Odia » Telugu » Tamil