॥ Hymn to Nitai or Nityananda Malayalam Lyrics ॥
॥ നിത്യാനന്ദാഷ്ടകം ॥
ശരച്ചന്ദ്രഭ്രാന്തിം സ്ഫുരദമലകാന്തിം ഗജഗതിം
ഹരിപ്രേമോന്‍മത്തം ധൃതപരമസത്ത്വം സ്മിതമുഖം ।
സദാഘൂര്‍ണന്നേത്രം കരകലിതവേത്രം കലിഭിദം
ഭജേ നിത്യാനന്ദം ഭജനതരുകന്ദം നിരവധി ॥ 1 ॥
രസാനാമാഗാരം സ്വജനഗണസര്‍വസ്വമതുലം
തദീയൈകപ്രാണപ്രമിതവസുധാജാഹ്നവപതിം ।
സദാപ്രേമോന്‍മാദം പരമവിദിതം മന്ദമനസാം
ഭജേ നിത്യാനന്ദം ഭജനതരുകന്ദം നിരവധി ॥ 2 ॥
ശചീസൂനുപ്രേഷ്ഠം നിഖിലജഗദിഷ്ടം സുഖമയം
കലൌ മജ്ജജ്ജിവോദ്ധരണകരണോദ്ദാമകരുണം ।
ഹരേരാഖ്യാനാദ്വാ ഭവജലധിഗര്‍വോന്നതിഹരം
ഭജേ നിത്യാനന്ദം ഭജനതരുകന്ദം നിരവധി ॥ 3 ॥
അയേ ഭ്രാതര്‍നൄണാം കലികലുഷിണാം കിം നു ഭവിതാ
തഥാ പ്രായശ്ചിത്തം രചയ യദനായാസത ഇമേ ।
വ്രജന്തി ത്വാമിത്ഥം സഹ ഭഗവതാ മന്ത്രയതി യോ
ഭജേ നിത്യാനന്ദം ഭജനതരുകന്ദം നിരവധി ॥ 4 ॥
യഥേഷ്ഠം രേ ഭ്രാതഃ കുരു ഹരിഹരിധ്വാനമനിശം
തതോ വഃ സംസാരാംബുധിതരണദായോ മയി ലഗേത് ।
ഇദം ബാഹുസ്ഫോടൈരടതി രടയന്‍ യഃ പ്രതിഗൃഹം
ഭജേ നിത്യാനന്ദം ഭജനതരുകന്ദം നിരവധി ॥ 5 ॥
ബലാത് സംസാരാംഭോനിധിഹരണകുംഭോദ്ഭവമഹോ
സതാം ശ്രേയഃസിന്ധൂന്നതികുമുദബന്ധും സമുദിതം ।
ഖലശ്രേണീസ്ഫൂര്‍ജിത്തിമിരഹരസൂര്യപ്രഭമഹം
ഭജേ നിത്യാനന്ദം ഭജനതരുകന്ദം നിരവധി ॥ 6 ॥
നടന്തം ഗായന്തം ഹരിമനുവദന്തം പഥി പഥി
വ്രജന്തം പശ്യന്തം സ്വമപി ന ദയന്തം ജനഗണം ।
പ്രകുര്‍വന്തം സന്തം സകരുണദൃഗന്തം പ്രകലനാദ്-
ഭജേ നിത്യാനന്ദം ഭജനതരുകന്ദം നിരവധി ॥ 7 ॥
സുബിഭ്രാണം ഭ്രാതുഃ കരസരസിജം കോമലതരം
മിഥോ വക്ത്രാലോകോച്ഛലിതപരമാനന്ദഹൃദയം ।
ഭ്രമന്തം മാധുര്യൈരഹഹ മദയന്തം പുരജനാന്‍
ഭജേ നിത്യാനന്ദം ഭജനതരുകന്ദം നിരവധി ॥ 8 ॥
രസാനാമാധാരം രസികവരസദ്വൈഷ്ണവധനം
രസാഗാരം സാരം പതിതതതിതാരം സ്മരണതഃ ।
പരം നിത്യാനന്ദാഷ്ടകമിദമപൂര്‍വം പഠതി യഃ
തദങ്ഘ്രിദ്വന്ദ്വാബ്ജം സ്ഫുരതു നിതരാം തസ്യ ഹൃദയേ ॥ 9 ॥
ഇതി വൃന്ദാവനദാസഠാകൂരവിരചിതം നിത്യാനന്ദാഷ്ടകം സമ്പൂര്‍ണം ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Bengali » Gujarati » Kannada » Odia » Telugu » Tamil