॥ Hymn to Nitai or Nityananda Odia Lyrics ॥
॥ ନିତ୍ୟାନନ୍ଦାଷ୍ଟକମ୍ ॥
ଶରଚ୍ଚନ୍ଦ୍ରଭ୍ରାନ୍ତିଂ ସ୍ଫୁରଦମଲକାନ୍ତିଂ ଗଜଗତିଂ
ହରିପ୍ରେମୋନ୍ମତ୍ତଂ ଧୃତପରମସତ୍ତ୍ଵଂ ସ୍ମିତମୁଖମ୍ ।
ସଦାଘୂର୍ଣନ୍ନେତ୍ରଂ କରକଲିତଵେତ୍ରଂ କଲିଭିଦଂ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୧ ॥
ରସାନାମାଗାରଂ ସ୍ଵଜନଗଣସର୍ଵସ୍ଵମତୁଲଂ
ତଦୀୟୈକପ୍ରାଣପ୍ରମିତଵସୁଧାଜାହ୍ନଵପତିମ୍ ।
ସଦାପ୍ରେମୋନ୍ମାଦଂ ପରମଵିଦିତଂ ମନ୍ଦମନସାଂ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୨ ॥
ଶଚୀସୂନୁପ୍ରେଷ୍ଠଂ ନିଖିଲଜଗଦିଷ୍ଟଂ ସୁଖମୟଂ
କଲୌ ମଜ୍ଜଜ୍ଜିଵୋଦ୍ଧରଣକରଣୋଦ୍ଦାମକରୁଣମ୍ ।
ହରେରାଖ୍ୟାନାଦ୍ଵା ଭଵଜଲଧିଗର୍ଵୋନ୍ନତିହରଂ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୩ ॥
ଅୟେ ଭ୍ରାତର୍ନୄଣାଂ କଲିକଲୁଷିଣାଂ କିଂ ନୁ ଭଵିତା
ତଥା ପ୍ରାୟଶ୍ଚିତ୍ତଂ ରଚୟ ୟଦନାୟାସତ ଇମେ ।
ଵ୍ରଜନ୍ତି ତ୍ଵାମିତ୍ଥଂ ସହ ଭଗଵତା ମନ୍ତ୍ରୟତି ୟୋ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୪ ॥
ୟଥେଷ୍ଠଂ ରେ ଭ୍ରାତଃ କୁରୁ ହରିହରିଧ୍ଵାନମନିଶଂ
ତତୋ ଵଃ ସଂସାରାମ୍ବୁଧିତରଣଦାୟୋ ମୟି ଲଗେତ୍ ।
ଇଦଂ ବାହୁସ୍ଫୋଟୈରଟତି ରଟୟନ୍ ୟଃ ପ୍ରତିଗୃହଂ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୫ ॥
ବଲାତ୍ ସଂସାରାମ୍ଭୋନିଧିହରଣକୁମ୍ଭୋଦ୍ଭଵମହୋ
ସତାଂ ଶ୍ରେୟଃସିନ୍ଧୂନ୍ନତିକୁମୁଦବନ୍ଧୁଂ ସମୁଦିତଂ ।
ଖଲଶ୍ରେଣୀସ୍ଫୂର୍ଜିତ୍ତିମିରହରସୂର୍ୟପ୍ରଭମହଂ
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୬ ॥
ନଟନ୍ତଂ ଗାୟନ୍ତଂ ହରିମନୁଵଦନ୍ତଂ ପଥି ପଥି
ଵ୍ରଜନ୍ତଂ ପଶ୍ୟନ୍ତଂ ସ୍ଵମପି ନ ଦୟନ୍ତଂ ଜନଗଣମ୍ ।
ପ୍ରକୁର୍ଵନ୍ତଂ ସନ୍ତଂ ସକରୁଣଦୃଗନ୍ତଂ ପ୍ରକଲନାଦ୍-
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୭ ॥
ସୁବିଭ୍ରାଣଂ ଭ୍ରାତୁଃ କରସରସିଜଂ କୋମଲତରଂ
ମିଥୋ ଵକ୍ତ୍ରାଲୋକୋଚ୍ଛଲିତପରମାନନ୍ଦହୃଦୟମ୍ ।
ଭ୍ରମନ୍ତଂ ମାଧୁର୍ୟୈରହହ ମଦୟନ୍ତଂ ପୁରଜନାନ୍
ଭଜେ ନିତ୍ୟାନନ୍ଦଂ ଭଜନତରୁକନ୍ଦଂ ନିରଵଧି ॥ ୮ ॥
ରସାନାମାଧାରଂ ରସିକଵରସଦ୍ଵୈଷ୍ଣଵଧନଂ
ରସାଗାରଂ ସାରଂ ପତିତତତିତାରଂ ସ୍ମରଣତଃ ।
ପରଂ ନିତ୍ୟାନନ୍ଦାଷ୍ଟକମିଦମପୂର୍ଵଂ ପଠତି ୟଃ
ତଦଙ୍ଘ୍ରିଦ୍ଵନ୍ଦ୍ଵାବ୍ଜଂ ସ୍ଫୁରତୁ ନିତରାଂ ତସ୍ୟ ହୃଦୟେ ॥ ୯ ॥
ଇତି ଵୃନ୍ଦାଵନଦାସଠାକୂରଵିରଚିତଂ ନିତ୍ୟାନନ୍ଦାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Hymn to Nitai or Nityananda Lyrics in Sanskrit » English » Bengali » Gujarati » Kannada » Malayalam » Telugu » Tamil