॥ River Narmadashtakam Gujarati Lyrics ॥
॥ નર્મદાષ્ટકં ॥
સબિન્દુસિન્ધુસુસ્ખલત્તરઙ્ગભઙ્ગરઞ્જિતં
દ્વિષત્સુ પાપજાતજાતકાદિવારિસંયુતમ્ ।
કૃતાન્તદૂતકાલભૂતભીતિહારિવર્મદે
ત્વદીયપાદપઙ્કજં નમામિ દેવિ નર્મદે ॥ ૧ ॥
ત્વદમ્બુલીનદીનમીનદિવ્યસમ્પ્રદાયકં
કલૌ મલૌઘભારહારિસર્વતીર્થનાયકમ્ ।
સુમચ્છકચ્છનક્રચક્રવાકચક્રશર્મદે
ત્વદીયપાદપઙ્કજં નમામિ દેવિ નર્મદે ॥ ૨ ॥
મહાગભીરનીરપૂરપાપધૂતભૂતલં
ધ્વનત્સમસ્તપાતકારિદારિતાપદાચલમ્ ।
જગલ્લયે મહાભયે મૃકણ્ડુસૂનુહર્મ્યદે
ત્વદીયપાદપઙ્કજં નમામિ દેવિ નર્મદે ॥ ૩ ॥
ગતં તદૈવ મે ભયં ત્વદમ્બુ વીક્ષિતં યદા
મૃકણ્ડુસૂનુશૌનકાસુરારિસેવિતં સદા ।
પુનર્ભવાબ્ધિજન્મજં ભવાબ્ધિદુઃખવર્મદે
ત્વદીયપાદપઙ્કજં નમામિ દેવિ નર્મદે ॥ ૪ ॥
અલક્ષ્યલક્ષકિન્નરામરાસુરાદિપૂજિતં
સુલક્ષનીરતીરધીરપક્ષિલક્ષકૂજિતમ્ ।
વસિષ્ઠશિષ્ટપિપ્પલાદિકર્દમાદિશર્મદે
ત્વદીયપાદપઙ્કજં નમામિ દેવિ નર્મદે ॥ ૫ ॥
સનત્કુમારનાચિકેતકશ્યપાત્રિષત્પદૈઃ
ધૃતં સ્વકીયમાનસેષુ નારદાદિષતપદૈઃ ।
રવીન્દુરન્તિદેવદેવરાજકર્મશર્મદે
ત્વદીયપાદપઙ્કજં નમામિ દેવિ નર્મદે ॥ ૬ ॥
અલક્ષલક્ષલક્ષપાપલક્ષસારસાયુધં
તતસ્તુ જીવજન્તુતન્તુભુક્તિમુક્તિદાયકમ્ ।
વિરિઞ્ચિવિષ્ણુશંકરસ્વકીયધામવર્મદે
ત્વદીયપાદપઙ્કજં નમામિ દેવિ નર્મદે ॥ ૭ ॥
અહો ધૃતં સ્વનં શ્રુતં મહેશિકેશજાતટે
કિરાતસૂતબાડબેષુ પણ્ડિતે શઠે નટે ।
દુરન્તપાપતાપહારિ સર્વજન્તુશર્મદે
ત્વદીયપાદપઙ્કજં નમામિ દેવિ નર્મદે ॥ ૮ ॥
ઇદં તુ નર્મદાષ્ટકં ત્રિકાલમેવ યે સદા
પઠન્તિ તે નિરન્તરં ન યન્તિ દુર્ગતિં કદા ।
સુલભ્યદેહદુર્લભં મહેશધામગૌરવં
પુનર્ભવા નરા ન વૈ વિલોકયન્તિ રૌરવમ્ ॥ ૯ ॥
ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ
નર્મદાષ્ટકં સમ્પૂર્ણમ્ ॥
– Chant Stotra in Other Languages –
Hymn to River Narmada Lyrics in Sanskrit » English » Bengali » Kannada » Malayalam » Odia » Telugu » Tamil