॥ River Narmadashtakam Odia Lyrics ॥
॥ ନର୍ମଦାଷ୍ଟକ ॥
ସବିନ୍ଦୁସିନ୍ଧୁସୁସ୍ଖଲତ୍ତରଙ୍ଗଭଙ୍ଗରଞ୍ଜିତଂ
ଦ୍ଵିଷତ୍ସୁ ପାପଜାତଜାତକାଦିଵାରିସଂୟୁତମ୍ ।
କୃତାନ୍ତଦୂତକାଲଭୂତଭୀତିହାରିଵର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୧ ॥
ତ୍ଵଦମ୍ବୁଲୀନଦୀନମୀନଦିଵ୍ୟସମ୍ପ୍ରଦାୟକଂ
କଲୌ ମଲୌଘଭାରହାରିସର୍ଵତୀର୍ଥନାୟକମ୍ ।
ସୁମଚ୍ଛକଚ୍ଛନକ୍ରଚକ୍ରଵାକଚକ୍ରଶର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୨ ॥
ମହାଗଭୀରନୀରପୂରପାପଧୂତଭୂତଲଂ
ଧ୍ଵନତ୍ସମସ୍ତପାତକାରିଦାରିତାପଦାଚଲମ୍ ।
ଜଗଲ୍ଲୟେ ମହାଭୟେ ମୃକଣ୍ଡୁସୂନୁହର୍ମ୍ୟଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୩ ॥
ଗତଂ ତଦୈଵ ମେ ଭୟଂ ତ୍ଵଦମ୍ବୁ ଵୀକ୍ଷିତଂ ୟଦା
ମୃକଣ୍ଡୁସୂନୁଶୌନକାସୁରାରିସେଵିତଂ ସଦା ।
ପୁନର୍ଭଵାବ୍ଧିଜନ୍ମଜଂ ଭଵାବ୍ଧିଦୁଃଖଵର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୪ ॥
ଅଲକ୍ଷ୍ୟଲକ୍ଷକିନ୍ନରାମରାସୁରାଦିପୂଜିତଂ
ସୁଲକ୍ଷନୀରତୀରଧୀରପକ୍ଷିଲକ୍ଷକୂଜିତମ୍ ।
ଵସିଷ୍ଠଶିଷ୍ଟପିପ୍ପଲାଦିକର୍ଦମାଦିଶର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୫ ॥
ସନତ୍କୁମାରନାଚିକେତକଶ୍ୟପାତ୍ରିଷତ୍ପଦୈଃ
ଧୃତଂ ସ୍ଵକୀୟମାନସେଷୁ ନାରଦାଦିଷତପଦୈଃ ।
ରଵୀନ୍ଦୁରନ୍ତିଦେଵଦେଵରାଜକର୍ମଶର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୬ ॥
ଅଲକ୍ଷଲକ୍ଷଲକ୍ଷପାପଲକ୍ଷସାରସାୟୁଧଂ
ତତସ୍ତୁ ଜୀଵଜନ୍ତୁତନ୍ତୁଭୁକ୍ତିମୁକ୍ତିଦାୟକମ୍ ।
ଵିରିଞ୍ଚିଵିଷ୍ଣୁଶଂକରସ୍ଵକୀୟଧାମଵର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୭ ॥
ଅହୋ ଧୃତଂ ସ୍ଵନଂ ଶ୍ରୁତଂ ମହେଶିକେଶଜାତଟେ
କିରାତସୂତବାଡବେଷୁ ପଣ୍ଡିତେ ଶଠେ ନଟେ ।
ଦୁରନ୍ତପାପତାପହାରି ସର୍ଵଜନ୍ତୁଶର୍ମଦେ
ତ୍ଵଦୀୟପାଦପଙ୍କଜଂ ନମାମି ଦେଵି ନର୍ମଦେ ॥ ୮ ॥
ଇଦଂ ତୁ ନର୍ମଦାଷ୍ଟକଂ ତ୍ରିକାଲମେଵ ୟେ ସଦା
ପଠନ୍ତି ତେ ନିରନ୍ତରଂ ନ ୟନ୍ତି ଦୁର୍ଗତିଂ କଦା ।
ସୁଲଭ୍ୟଦେହଦୁର୍ଲଭଂ ମହେଶଧାମଗୌରଵଂ
ପୁନର୍ଭଵା ନରା ନ ଵୈ ଵିଲୋକୟନ୍ତି ରୌରଵମ୍ ॥ ୯ ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଂକରଭଗଵତଃ କୃତୌ
ନର୍ମଦାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Hymn to River Narmada Lyrics in Sanskrit » English » Bengali » Gujarati » Kannada » Malayalam » Telugu » Tamil