Jagannatha Panchakam In Odia

॥ Jagannatha Panchakam Odia Lyrics ॥

॥ ଜଗନ୍ନାଥ ପଂଚକମ୍ ॥

ରକ୍ତାମ୍ଭୋରୁହଦର୍ପଭଞ୍ଜନମହାସୌନ୍ଦର୍ୟନେତ୍ରଦ୍ଵୟଂ
ମୁକ୍ତାହାରଵିଲମ୍ବିହେମମୁକୁଟଂ ରତ୍ନୋଜ୍ଜ୍ଵଲତ୍କୁଣ୍ଡଲମ୍ ।
ଵର୍ଷାମେଘସମାନନୀଲଵପୁଷଂ ଗ୍ରୈଵେୟହାରାନ୍ଵିତଂ
ପାର୍ଶ୍ଵେ ଚକ୍ରଧରଂ ପ୍ରସନ୍ନଵଦନଂ ନୀଲାଦ୍ରିନାଥଂ ଭଜେ ॥ ୧ ॥

ଫୁଲ୍ଲେନ୍ଦୀଵରଲୋଚନଂ ନଵଘନଶ୍ୟାମାଭିରାମାକୃତିଂ
ଵିଶ୍ଵେଶଂ କମଲାଵିଲାସଵିଲସତ୍ପାଦାରଵିନ୍ଦଦ୍ଵୟମ୍ ।
ଦୈତ୍ୟାରିଂ ସକଲେନ୍ଦୁମଂଡିତମୁଖଂ ଚକ୍ରାବ୍ଜହସ୍ତଦ୍ଵୟଂ
ଵନ୍ଦେ ଶ୍ରୀପୁରୁଷୋତ୍ତମଂ ପ୍ରତିଦିନଂ ଲକ୍ଷ୍ମୀନିଵାସାଲୟମ୍ ॥ ୨ ॥

ଉଦ୍ୟନ୍ନୀରଦନୀଲସୁନ୍ଦରତନୁଂ ପୂର୍ଣେନ୍ଦୁବିମ୍ବାନନଂ
ରାଜୀଵୋତ୍ପଲପତ୍ରନେତ୍ରୟୁଗଲଂ କାରୁଣ୍ୟଵାରାଂନିଧିମ୍ ।
ଭକ୍ତାନାଂ ସକଲାର୍ତିନାଶନକରଂ ଚିନ୍ତାର୍ଥିଚିନ୍ତାମଣିଂ
ଵନ୍ଦେ ଶ୍ରୀପୁରୁଷୋତ୍ତମଂ ପ୍ରତିଦିନଂ ନୀଲାଦ୍ରିଚୂଡାମଣିମ୍ ॥ ୩ ॥

ନୀଲାଦ୍ରୌ ଶଂଖମଧ୍ୟେ ଶତଦଲକମଲେ ରତ୍ନସିଂହାସନସ୍ଥଂ
ସର୍ଵାଲଂକାରୟୁକ୍ତଂ ନଵଘନ ରୁଚିରଂ ସଂୟୁତଂ ଚାଗ୍ରଜେନ ।
ଭଦ୍ରାୟା ଵାମଭାଗେ ରଥଚରଣୟୁତଂ ବ୍ରହ୍ମରୁଦ୍ରେନ୍ଦ୍ରଵଂଦ୍ୟଂ
ଵେଦାନାଂ ସାରମୀଶଂ ସୁଜନପରିଵୃତଂ ବ୍ରହ୍ମଦାରୁଂ ସ୍ମରାମି ॥ ୪ ॥

ଦୋର୍ଭ୍ୟାଂ ଶୋଭିତଲାଂଗଲଂ ସମୁସଲଂ କାଦମ୍ବରୀଚଞ୍ଚଲଂ
ରତ୍ନାଢ୍ୟଂ ଵରକୁଣ୍ଡଲଂ ଭୁଜବଲୈରାକାଂତଭୂମଣ୍ଡଲମ୍ ।
ଵଜ୍ରାଭାମଲଚାରୁଗଣ୍ଡୟୁଗଲଂ ନାଗେନ୍ଦ୍ରଚୂଡୋଜ୍ଜ୍ଵଲଂ
ସଂଗ୍ରାମେ ଚପଲଂ ଶଶାଂକଧଵଲଂ ଶ୍ରୀକାମପାଲଂ ଭଜେ ॥ ୫ ॥

ଇତି ଶ୍ରୀଜଗନ୍ନାଥପଞ୍ଚକଂ ସମାପ୍ତମ୍ ॥

– Chant Stotra in Other Languages –

Jagannatha Pamcakam Lyrics Sanskrit » English » Bengali » Gujarati » Kannada » Malayalam » Telugu » Tamil