॥ Jaya Skanda Stotram English Lyrics ॥
॥ jaya skanda stōtram ॥
jaya dēvēndrajākānta jaya mr̥tyuñjayātmaja ।
jaya śailēndrajāsūnō jaya śambhugaṇāvr̥ta ॥ 1 ॥
jaya tārakadarpaghna jaya vighnēśvarānuja ।
jaya dēvēndra jāmātaḥ jaya paṅkajalōcana ॥ 2 ॥
jaya śaṅkarasambhūta jaya padmāsanārcita ।
jaya dākṣāyaṇīsūnō jaya kāśavanōdbhava ॥ 3 ॥
jaya bhāgīrathīsūnō jaya pāvakasambhava ।
jaya padmajagarvaghna jaya vaikuṇṭhapūjita ॥ 4 ॥
jaya bhaktēṣṭavarada jaya bhaktārtibhañjana ।
jaya bhaktaparādhīna jaya bhaktaprapūjita ॥ 5 ॥
jaya dharmavatāṁ śrēṣṭha jaya dāridryanāśana ।
jaya buddhimatāṁ śrēṣṭha jaya nāradasannuta ॥ 6 ॥
jaya bhōgīśvarādhīśa jaya tumburusēvita ।
jaya ṣaṭtārakārādhya jaya vallīmanōhara ॥ 7 ॥
jaya yōgasamārādhya jaya sundaravigraha ।
jaya saundaryakūpāra jaya vāsavavandita ॥ 8 ॥
jaya ṣaḍbhāvarahita jaya vēdavidāṁ vara ।
jaya ṣaṇmukhadēvēśa jaya bhō vijayī bhava ॥ 9 ॥
iti jaya skanda stōtram ।
– Chant Stotra in Other Languages –
Sri Subrahmanya / Kartikeya / Muruga Stotram » Jaya Skanda Stotram in Lyrics in Sanskrit » Kannada » Telugu » Tamil