॥ kaivalyopanishhat.h English Lyrics ॥
OM bhadraM karNebhiH shR^iNuyaama devaaH bhadraM pashyemaakshabhiryajatraaH .
sthirairaN^gaistushhTuvaa.nsastanuubhirvyashema devahitaM yadaayuH .
svasti na indro vR^iddhashravaaH svasti naH puushhaa vishvavedaaH .
svasti nastaarkshyo.arishhTanemiH svasti no bR^ihaspatirdadhaatu .
OM shaantiH shaantiH shaantiH.
athaashvalaayano bhagavantaM parameshhTinamupasametyovaacha
adhiihi bhagavan.h brahmavidyaaM varishhThaaM sadaa sadbhiH sevyamaanaaM niguuDhaam.h .
yayaa.achiraat.h sarvapaapaM vyapohya paraatparaM purushhaM yaati vidvaan.h ॥ 1 ॥
tasmai sa hovaacha pitaamahashcha shraddhaabhaktidhyaanayogaadavaihi .
na karmaNaa na prajayaa dhanena tyaagenaike amR^itatvamaanashuH ॥ 2 ॥
pareNa naakaM nihitaM guhaayaaM vibhraajate yadyatayo vishanti .
vedaantaviGYaanasunishritaarthaaH sa.nnyaasayogaadyatayaH shuddhasattvaaH ॥ 3 ॥
te brahmalokeshhu paraantakaale paraamR^itaatparimuchyanti sarve .
viviktadeshe cha sukhaasanasthaH shuchiH samagriivashiraHsharoraH ॥ 4 ॥
atyaashramasthaH sakalendriyaaNi nirudhya bhaktyaa svaguruM praNamya .
hR^itpuNDariikaM virajaM vishuddhaM vichintya madhye vishidaM vishokam.h ॥ 5 ॥
achintyamavyaktamanantaruupaM shivaM prashaantamamR^itaM brahmayonim.h .
tathaa.a.adimadhyaantavihiinamekaM vibhuM chidaanandamaruupamadbhutam.h ॥ 6 ॥
umaasahaayaM parameshvaraM prabhuM trilochanaM niilakaNThaM prashaantam.h .
dhyaatvaa munirgachchhati bhuutayoniM samastasaakshiM tamasaH parastaat.h ॥ 7 ॥
sa brahmaa sa shivaH sendraH so.aksharaH paramaH svaraaT .
sa eva vishhNuH sa praaNaH sa kaalo.agniH sa chandramaaH ॥ 8 ॥
sa eva sarvaM yadbhuutaM yachcha bhavyaM sanaatanam.h .
GYaatvaa taM mR^ityumatyeti naanyaH panthaa vimuktaye ॥ 9 ॥
sarvabhuutasthamaatmaanaM sarvabhuutaani chaatmani .
sampashyan.h brahma paramaM yaati naanyena hetunaa ॥ 10 ॥
aatmaanamaraNiM kR^itvaa praNavaM chottaraaraNim.h .
GYaananirmathanaabhyaasaat.h paashaM dahati paNDitaH ॥ 11 ॥
sa eva maayaaparimohitaatmaa shariiramaasthaaya karoti sarvam.h .
striyannapaanaadivichitrabhogaiH sa eva jaagratparitR^iptimeti ॥ 12 ॥
svapne sa jiivaH sukhaduHkhabhoktaa svamaayayaa kalpitajiivaloke .
sushhuptikaale sakale viliine tamo.abhibhuutaH sukharuupameti ॥
punashcha janmaantarakarmayogaat.h sa eva jiivaH svapiti prabuddhaH ॥ 13 ॥
puratraye kriiDati yashcha jiivastatastu jaataM sakalaM vichitram.h .
dhaaramaanandamakhaNDabodhaM yasmiMllayaM yaati puratrayaM cha ॥ 14 ॥
etasmaajjaayate praaNo manaH sarvendriyaaNi cha .
khaM vaayurjyotiraapaH pR^ithivii vishvasya dhaariNii ॥ 15 ॥
yatparaM brahma sarvaatmaa vishvasyaayatanaM mahat.h .
suukshmaatsuukshmataraM nityaM tattvameva tvameva tat.h ॥ 16 ॥
jaagnatsvapnasushhuptyaadiprapaJNchaM yatprakaashate .
tad.hbrahmaahamiti GYaatvaa sarvabandhaiH pramuchyate ॥ 17 ॥
trishhu dhaamasu yadbhogyaM bhoktaa bhogashcha yadbhavet.h .
tebhyo vilakshaNaH saakshii chinmaatro.ahaM sadaashivaH ॥ 18 ॥
mayyeva sakalaM jaataM mayi sarvaM pratishhThitam.h .
mayi sarvaM layaM yaati tad.hbrahmaadvayamasmyaham.h ॥ 19 ॥
aNoraNiyaanahameva tadvanmahaanahaM vishvamahaM vichitram.h .
puraatano.ahaM purushho.ahamiisho hiraNmayo.ahaM shivaruupamasmi ॥ 20 ॥
apaaNipaado.ahamachintyashaktiH pashyaamyachakshuH sa shR^iNomyakarNaH .
ahaM vijaanaami viviktaruupo na chaasti vettaa mama chitsadaa.aham.h .
vedairanekairahameva vedyo vedaantakR^idvedavideva chaaham.h ॥ 21 ॥
na puNyapaape mama naasti naasho na janma dehendriyabuddhirasti .
na bhuumiraapo na cha vahnirasti na chaanilo me.asti na chaambaraM cha ॥ 22 ॥
evaM viditvaa paramaatmaruupaM guhaashayaM nishhkalamadvitiiyam.h .
samastasaakshiM sadasadvihiinaM prayaati shuddhaM paramaatmaruupam.h ॥ 23 ॥
iti prathamaH khaNDaH ॥
yaH shataruudriiyamadhiite so.agnipuuto bhavati suraapaanaatpuuto bhavati
brahmahatyaatpuuto bhavati kR^ityaakR^ityaatpuuto bhavati tasmaadavimuktamaashrito
bhavati . atyaashramii sarvadaa sakR^idvaa japet.h ॥
anena GYaanamaapnoti sa.nsaaraarNavanaashanam.h . tasmaadevaM viditvainaM kaivalyaM
phalamashnute kaivalyaM phalamashnuta iti ॥ 1 ॥
iti dvitiiyaH khaNDaH
ityatharvavede kaivalyopanishhatsamaaptaa.