॥ Kaivalyashtakam Malayalam Lyrics ॥
॥ കൈവല്യാഷ്ടകം അഥവാ കേവലാഷ്ടകം ॥
മധുരം മധുരേഭ്യോഽപി മങ്ഗലേഭ്യോപി മങ്ഗലം ।
പാവനം പാവനേഭ്യോഽപി ഹരേര്‍നാമൈവ കേവലം ॥ 1 ॥
ആബ്രഹ്മസ്തംബപര്യന്തം സര്‍വം മായാമയം ജഗത് ।
സത്യം സത്യം പുനഃ സത്യം ഹരേര്‍നാമൈവ കേവലം ॥ 2 ॥
സ ഗുരുഃ സ പിതാ ചാപി സാ മാതാ ബാന്ധവോഽപി സഃ ।
ശിക്ഷയേച്ചേത്സദാ സ്മര്‍തും ഹരേര്‍നാമൈവ കേവലം ॥ 3 ॥
നിഃശ്ര്‍വാസേ ന ഹി വിശ്ര്‍വാസഃ കദാ രുദ്ധോ ഭവിഷ്യതി ।
കീര്‍തനീയമതോ ബാല്യാദ്ധരേര്‍നാമൈവ കേവലം ॥ 4 ॥
ഹരിഃ സദാ വസേത്തത്ര യത്ര ഭഗവതാ ജനാഃ ।
ഗായന്തി ഭക്തിഭാവേന ഹരേര്‍നാമൈവ കേവലം ॥ 5 ॥
അഹോ ദുഃഖം മഹാദുഃഖം ദുഃഖദ് ദുഃഖതരം യതഃ ।
കാചാര്‍ഥം വിസ്മൃതം രത്നം ഹരേര്‍നാമൈവ കേവലം ॥ 6 ॥
ദീയതാം ദീയതാം കര്‍ണോ നീയതാം നീയതാം വചഃ ।
ഗീയതാം ഗീയതാം നിത്യം ഹരേര്‍നാമൈവ കേവലം ॥ 7 ॥
തൃണീകൃത്യ ജഗത്സര്‍വം രാജതേ സകലോപരി ।
ചിദാനന്ദമയം ശുദ്ധം ഹരേര്‍നാമൈവ കേവലം ॥ 8 ॥
– Chant Stotra in Other Languages –
Kaivalyashtakam Lyrics in Sanskrit » English » Bengali » Gujarati » Kannada » Odia » Telugu » Tamil