॥ Kakaradi Kali Ashtottara Shatanama Stotram Bengali Lyrics ॥
॥ ককারাদিকালীশতনামস্তোত্রম্ ॥
শ্রীদেব্যুবাচ-
নমস্তে পার্বতীনাথ বিশ্বনাথ দয়াময় ।
জ্ঞানাত্ পরতরং নাস্তি শ্রুতং বিশ্বেশ্বর প্রভো ॥ ১ ॥
দীনবন্ধো দয়াসিন্ধো বিশ্বেশ্বর জগত্পতে ।
ইদানীং শ্রোতুমিচ্ছামি গোপ্যং পরমকারণম্ ।
রহস্যং কালিকায়শ্চ তারায়াশ্চ সুরোত্তম ॥ ২ ॥
শ্রীশিব উবাচ-
রহস্যং কিং বদিষ্যামি পঞ্চবক্ত্রৈর্মহেশ্বরী ।
জিহ্বাকোটিসহস্রৈস্তু বক্ত্রকোটিশতৈরপি ॥ ৩ ॥
বক্তুং ন শক্যতে তস্য মাহাত্ম্যং বৈ কথঞ্চন ।
তস্যা রহস্যং গোপ্যঞ্চ কিং ন জানাসি শংকরী ॥ ৪ ॥
স্বস্যৈব চরিতং বক্তুং সমর্থা স্বয়মেব হি ।
অন্যথা নৈব দেবেশি জ্ঞায়তে তত্ কথঞ্চন ॥ ৫ ॥
কালিকায়াঃ শতং নাম নানা তন্ত্রে ত্বয়া শ্রুতম্ ।
রহস্যং গোপনীয়ঞ্চ তত্রেঽস্মিন্ জগদম্বিকে ॥ ৬ ॥
করালবদনা কালী কামিনী কমলা কলা ।
ক্রিয়াবতী কোটরাক্ষী কামাক্ষ্যা কামসুন্দরী ॥ ৭ ॥
কপালা চ করালা চ কালী কাত্যায়নী কুহুঃ ।
কঙ্কালা কালদমনা করুণা কমলার্চ্চিতা ॥ ৮ ॥
কাদম্বরী কালহরা কৌতুকী কারণপ্রিয়া ।
কৃষ্ণা কৃষ্ণপ্রিয়া কৃষ্ণপূজিতা কৃষ্ণবল্লভা ॥ ৯ ॥
কৃষ্ণাপরাজিতা কৃষ্ণপ্রিয়া চ কৃষ্ণরূপিনী ।
কালিকা কালরাত্রীশ্চ কুলজা কুলপণ্ডিতা ॥ ১০ ॥
কুলধর্মপ্রিয়া কামা কাম্যকর্মবিভূষিতা ।
কুলপ্রিয়া কুলরতা কুলীনপরিপূজিতা ॥ ১১ ॥
কুলজ্ঞা কমলাপূজ্যা কৈলাসনগভূষিতা ।
কূটজা কেশিনী কাম্যা কামদা কামপণ্ডিতা ॥ ১২ ॥
করালাস্যা চ কন্দর্পকামিনী রূপশোভিতা ।
কোলম্বকা কোলরতা কেশিনী কেশভূষিতা ॥ ১৩ ॥
কেশবস্যপ্রিয়া কাশা কাশ্মীরা কেশবার্চ্চিতা ।
কামেশ্বরী কামরুপা কামদানবিভূষিতা ॥ ১৪ ॥
কালহন্ত্রী কূর্মমাংসপ্রিয়া কূর্মাদিপূজিতা ।
কোলিনী করকাকারা করকর্মনিষেবিণী ॥ ১৫ ॥
কটকেশ্বরমধ্যস্থা কটকী কটকার্চ্চিতা ।
কটপ্রিয়া কটরতা কটকর্মনিষেবিণী ॥ ১৬ ॥
কুমারীপূজনরতা কুমারীগণসেবিতা ।
কুলাচারপ্রিয়া কৌলপ্রিয়া কৌলনিষেবিণী ॥ ১৭ ॥
কুলীনা কুলধর্মজ্ঞা কুলভীতিবিমর্দ্দিনী ।
কালধর্মপ্রিয়া কাম্য-নিত্যা কামস্বরূপিণী ॥ ১৮ ॥
কামরূপা কামহরা কামমন্দিরপূজিতা ।
কামাগারস্বরূপা চ কালাখ্যা কালভূষিতা ॥ ১৯ ॥
ক্রিয়াভক্তিরতা কাম্যানাঞ্চৈব কামদায়িনী ।
কোলপুষ্পম্বরা কোলা নিকোলা কালহান্তরা ॥ ২০ ॥
কৌষিকী কেতকী কুন্তী কুন্তলাদিবিভূষিতা ।
ইত্যেবং শৃণু চার্বঙ্গি রহস্যং সর্বমঙ্গলম্ ॥ ২১ ॥
ফলশ্রুতি-
য়ঃ পঠেত্ পরয়া ভক্ত্যা স শিবো নাত্র সংশয়ঃ ।
শতনামপ্রসাদেন কিং ন সিদ্ধতি ভূতলে ॥ ২২ ॥
ব্রহ্মা বিষ্ণুশ্চ রুদ্রশ্চ বাসবাদ্যা দিবৌকসঃ ।
রহস্যপঠনাদ্দেবি সর্বে চ বিগতজ্বরাঃ ॥ ২৩ ॥
ত্রিষু লোকেশু বিশ্বেশি সত্যং গোপ্যমতঃ পরম্ ।
নাস্তি নাস্তি মহামায়ে তন্ত্রমধ্যে কথঞ্চন ॥ ২৪ ॥
সত্যং বচি মহেশানি নাতঃপরতরং প্রিয়ে ।
ন গোলোকে ন বৈকুণ্ঠে ন চ কৈলাসমন্দিরে ॥ ২৫ ॥
রাত্রিবাপি দিবাভাগে য়দি দেবি সুরেশ্বরী ।
প্রজপেদ্ ভক্তিভাবেন রহস্যস্তবমুত্তমম্ ॥ ২৬ ॥
শতনাম প্রসাদেন মন্ত্রসিদ্ধিঃ প্রজায়তে ।
কুজবারে চতুর্দ্দশ্যাং নিশাভাগে জপেত্তু য়ঃ ॥ ২৭ ॥
স কৃতী সর্বশাস্ত্রজ্ঞঃ স কুলীনঃ সদা শুচিঃ ।
স কুলজ্ঞঃ স কালজ্ঞঃ স ধর্মজ্ঞো মহীতলে ॥ ২৮ ॥
রহস্য পঠনাত্ কোটি-পুরশ্চরণজং ফলম্ ।
প্রাপ্নোতি দেবদেবেশি সত্যং পরমসুন্দরী ॥ ২৯ ॥
স্তবপাঠাদ্ বরারোহে কিং ন সিদ্ধতি ভূতলে ।
অণিমাদ্যষ্টসিদ্ধিশ্চ ভবেত্যেব ন সংশয়ঃ ॥ ৩০ ॥
রাত্রৌ বিল্বতলেঽশ্বথ্থমূলেঽপরাজিতাতলে ।
প্রপঠেত্ কালিকা-স্তোত্রং য়থাশক্ত্যা মহেশ্বরী ॥ ৩১ ॥
শতবারপ্রপঠনান্মন্ত্রসিদ্ধির্ভবেদ্ধ্রূবম্ ।
নানাতন্ত্রং শ্রুতং দেবি মম বক্ত্রাত্ সুরেশ্বরী ॥ ৩২ ॥
মুণ্ডমালামহামন্ত্রং মহামন্ত্রস্য সাধনম্ ।
ভক্ত্যা ভগবতীং দুর্গাং দুঃখদারিদ্র্যনাশিনীম্ ॥ ৩৩ ॥
সংস্মরেদ্ য়ো জপেদ্ধ্যায়েত্ স মুক্তো নাত্র সংশয় ।
জীবন্মুক্তঃ স বিজ্ঞেয়স্তন্ত্রভক্তিপরায়ণঃ ॥ ৩৪ ॥
স সাধকো মহাজ্ঞানী য়শ্চ দুর্গাপদানুগঃ ।
ন চ ভক্তির্ন বাহভক্তির্ন মুক্তিনগনন্দিনি ॥ ৩৫ ॥
বিনা দুর্গাং জগদ্ধাত্রী নিষ্ফলং জীবনং ভভেত্ ।
শক্তিমার্গরতো ভূত্বা য়োহন্যমার্গে প্রধাবতি ॥ ৩৬ ॥
ন চ শাক্তাস্তস্য বক্ত্রং পরিপশ্যন্তি শংকরী ।
বিনা তন্ত্রাদ্ বিনা মন্ত্রাদ্ বিনা য়ন্ত্রান্মহেশ্বরী ॥ ৩৭ ॥
ন চ ভুক্তিশ্চ মুক্তিশ্চ জায়তে বরবর্ণিনী ।
য়থা গুরুর্মহেশানি য়থা চ পরমো গুরুঃ ॥ ৩৮ ॥
তন্ত্রাবক্তা গুরুঃ সাক্ষাদ্ য়থা চ জ্ঞানদঃ শিবঃ ।
তন্ত্রঞ্চ তন্ত্রবক্তারং নিন্দন্তি তান্ত্রীকীং ক্রিয়াম্ ॥ ৩৯ ॥
য়ে জনা ভৈরবাস্তেষাং মাংসাস্থিচর্বণোদ্যতাঃ ।
অতএব চ তন্ত্রজ্ঞং স নিন্দন্তি কদাচন ।
ন হস্তন্তি ন হিংসন্তি ন বদন্ত্যন্যথা বুধা ॥ ৪০ ॥
॥ ইতি মুণ্ডমালাতন্ত্রেঽষ্টমপটলে দেবীশ্বর সংবাদে
কালীশতনামস্তোত্রং সম্পূর্ণম্ ॥
– Chant Stotra in Other Languages –
Goddess Durga Slokam » Kakaradi Kali Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil