॥ Kali Shatanama Stotra Odia Lyrics ॥
॥ କାଲୀଶତନାମସ୍ତୋତ୍ରମ୍ ବୃହନ୍ନୀଲତନ୍ତ୍ରାର୍ଗତମ୍ ॥
ଶ୍ରୀଦେଵ୍ୟୁଵାଚ ।
ପୁରା ପ୍ରତିଶ୍ରୁତଂ ଦେଵ କ୍ରୀଡାସକ୍ତୋ ୟଦା ଭଵାନ୍ ।
ନାମ୍ନାଂ ଶତଂ ମହାକାଲ୍ୟାଃ କଥୟସ୍ଵ ମୟି ପ୍ରଭୋ ॥ ୨୩-୧ ॥
ଶ୍ରୀଭୈରଵ ଉଵାଚ ।
ସାଧୁ ପୃଷ୍ଟଂ ମହାଦେଵି ଅକଥ୍ୟଂ କଥୟାମି ତେ ।
ନ ପ୍ରକାଶ୍ୟଂ ଵରାରୋହେ ସ୍ଵୟୋନିରିଵ ସୁନ୍ଦରି ॥ ୨୩-୨ ॥
ପ୍ରାଣାଧିକପ୍ରିୟତରା ଭଵତୀ ମମ ମୋହିନୀ ।
କ୍ଷଣମାତ୍ରଂ ନ ଜୀଵାମି ତ୍ଵାଂ ବିନା ପରମେଶ୍ଵରି ॥ ୨୩-୩ ॥
ୟଥାଦର୍ଶେଽମଲେ ବିମ୍ବଂ ଘୃତଂ ଦଧ୍ୟାଦିସଂୟୁତମ୍ ।
ତଥାହଂ ଜଗତାମାଦ୍ୟେ ତ୍ଵୟି ସର୍ଵତ୍ର ଗୋଚରଃ ॥ ୨୩-୪ ॥
ଶୃଣୁ ଦେଵି ପ୍ରଵକ୍ଷ୍ୟାମି ଜପାତ୍ ସାର୍ଵଜ୍ଞଦାୟକମ୍ ।
ସଦାଶିଵ ଋଷିଃ ପ୍ରୋକ୍ତୋଽନୁଷ୍ଟୁପ୍ ଛନ୍ଦଶ୍ଚ ଈରିତଃ ॥ ୨୩-୫ ॥
ଦେଵତା ଭୈରଵୋ ଦେଵି ପୁରୁଷାର୍ଥଚତୁଷ୍ଟୟେ ।
ଵିନିୟୋଗଃ ପ୍ରୟୋକ୍ତଵ୍ୟଃ ସର୍ଵକର୍ମଫଲପ୍ରଦଃ ॥ ୨୩-୬ ॥
ମହାକାଲୀ ଜଗଦ୍ଧାତ୍ରୀ ଜଗନ୍ମାତା ଜଗନ୍ମୟୀ ।
ଜଗଦମ୍ବା ଗଜତ୍ସାରା ଜଗଦାନନ୍ଦକାରିଣୀ ॥ ୨୩-୭ ॥
ଜଗଦ୍ଵିଧ୍ଵଂସିନୀ ଗୌରୀ ଦୁଃଖଦାରିଦ୍ର୍ୟନାଶିନୀ ।
ଭୈରଵଭାଵିନୀ ଭାଵାନନ୍ତା ସାରସ୍ଵତପ୍ରଦା ॥ ୨୩-୮ ॥
ଚତୁର୍ଵର୍ଗପ୍ରଦା ସାଧ୍ଵୀ ସର୍ଵମଙ୍ଗଲମଙ୍ଗଲା ।
ଭଦ୍ରକାଲୀ ଵିଶାଲାକ୍ଷୀ କାମଦାତ୍ରୀ କଲାତ୍ମିକା ॥ ୨୩-୯ ॥
ନୀଲଵାଣୀ ମହାଗୌରସର୍ଵାଙ୍ଗା ସୁନ୍ଦରୀ ପରା ।
ସର୍ଵସମ୍ପତ୍ପ୍ରଦା ଭୀମନାଦିନୀ ଵରଵର୍ଣିନୀ ॥ ୨୩-୧୦ ॥
ଵରାରୋହା ଶିଵରୁହା ମହିଷାସୁରଘାତିନୀ ।
ଶିଵପୂଜ୍ୟା ଶିଵପ୍ରୀତା ଦାନଵେନ୍ଦ୍ରପ୍ରପୂଜିତା ॥ ୨୩-୧୧ ॥
ସର୍ଵଵିଦ୍ୟାମୟୀ ଶର୍ଵସର୍ଵାଭୀଷ୍ଟଫଲପ୍ରଦା ।
କୋମଲାଙ୍ଗୀ ଵିଧାତ୍ରୀ ଚ ଵିଧାତୃଵରଦାୟିନୀ ॥ ୨୩-୧୨ ॥
ପୂର୍ଣେନ୍ଦୁଵଦନା ନୀଲମେଘଵର୍ଣା କପାଲିନୀ ।
କୁରୁକୁଲ୍ଲା ଵିପ୍ରଚିତ୍ତା କାନ୍ତଚିତ୍ତା ମଦୋନ୍ମଦା ॥ ୨୩-୧୩ ॥
ମତ୍ତାଙ୍ଗୀ ମଦନପ୍ରୀତା ମଦାଘୂର୍ଣିତଲୋଚନା ।
ମଦୋତ୍ତୀର୍ଣା ଖର୍ପରାସିନରମୁଣ୍ଡଵିଲାସିନୀ ॥ ୨୩-୧୪ ॥
ନରମୁଣ୍ଡସ୍ରଜା ଦେଵୀ ଖଡ୍ଗହସ୍ତା ଭୟାନକା ।
ଅଟ୍ଟହାସୟୁତା ପଦ୍ମା ପଦ୍ମରାଗୋପଶୋଭିତା ॥ ୨୩-୧୫ ॥
ଵରାଭୟପ୍ରଦା କାଲୀ କାଲରାତ୍ରିସ୍ଵରୂପିଣୀ ।
ସ୍ଵଧା ସ୍ଵାହା ଵଷଟ୍କାରା ଶରଦିନ୍ଦୁସମପ୍ରଭା ॥ ୨୩-୧୬ ॥
ଶରତ୍ଜ୍ୟୋତ୍ସ୍ନା ଚ ସଂହ୍ଲାଦା ଵିପରୀତରତାତୁରା ।
ମୁକ୍ତକେଶୀ ଛିନ୍ନଜଟା ଜଟାଜୂଟଵିଲାସିନୀ ॥ ୨୩-୧୭ ॥
ସର୍ପରାଜୟୁତାଭୀମା ସର୍ପରାଜୋପରି ସ୍ଥିତା ।
ଶ୍ମଶାନସ୍ଥା ମହାନନ୍ଦିସ୍ତୁତା ସଂଦୀପ୍ତଲୋଚନା ॥ ୨୩-୧୮ ॥
ଶଵାସନରତା ନନ୍ଦା ସିଦ୍ଧଚାରଣସେଵିତା ।
ବଲିଦାନପ୍ରିୟା ଗର୍ଭା ଭୂର୍ଭୁଵଃସ୍ଵଃସ୍ଵରୂପିଣୀ ॥ ୨୩-୧୯ ॥
ଗାୟତ୍ରୀ ଚୈଵ ସାଵିତ୍ରୀ ମହାନୀଲସରସ୍ଵତୀ ।
ଲକ୍ଷ୍ମୀର୍ଲକ୍ଷଣସଂୟୁକ୍ତା ସର୍ଵଲକ୍ଷଣଲକ୍ଷିତା ॥ ୨୩-୨୦ ॥
ଵ୍ୟାଘ୍ରଚର୍ମାଵୃତା ମେଧ୍ୟା ତ୍ରିଵଲୀଵଲୟାଞ୍ଚିତା ।
ଗନ୍ଧର୍ଵୈଃ ସଂସ୍ତୁତା ସା ହି ତଥା ଚେନ୍ଦା ମହାପରା ॥ ୨୩-୨୧ ॥
ପଵିତ୍ରା ପରମା ମାୟା ମହାମାୟା ମହୋଦୟା ।
ଇତି ତେ କଥିତଂ ଦିଵ୍ୟଂ ଶତଂ ନାମ୍ନାଂ ମହେଶ୍ଵରି ॥ ୨୩-୨୨ ॥
ୟଃ ପଠେତ୍ ପ୍ରାତରୁତ୍ଥାୟ ସ ତୁ ଵିଦ୍ୟାନିଧିର୍ଭଵେତ୍ ।
ଇହ ଲୋକେ ସୁଖଂ ଭୁକ୍ତ୍ଵା ଦେଵୀସାୟୁଜ୍ୟମାପ୍ନୁୟାତ୍ ॥ ୨୩-୨୩ ॥
ତସ୍ୟ ଵଶ୍ୟା ଭଵନ୍ତ୍ୟେତେ ସିଦ୍ଧୌଘାଃ ସଚରାଚରାଃ ।
ଖେଚରା ଭୂଚରାଶ୍ଚୈଵ ତଥା ସ୍ଵର୍ଗଚରାଶ୍ଚ ୟେ ॥ ୨୩-୨୪ ॥
ତେ ସର୍ଵେ ଵଶମାୟାନ୍ତି ସାଧକସ୍ୟ ହି ନାନ୍ୟଥା ।
ନାମ୍ନାଂ ଵରଂ ମହେଶାନି ପରିତ୍ୟଜ୍ୟ ସହସ୍ରକମ୍ ॥ ୨୩-୨୫ ॥
ପଠିତଵ୍ୟଂ ଶତଂ ଦେଵି ଚତୁର୍ଵର୍ଗଫଲପ୍ରଦମ୍ ।
ଅଜ୍ଞାତ୍ଵା ପରମେଶାନି ନାମ୍ନାଂ ଶତଂ ମହେଶ୍ଵରି ॥ ୨୩-୨୬ ॥
ଭଜତେ ୟୋ ମହକାଲୀଂ ସିଦ୍ଧିର୍ନାସ୍ତି କଲୌ ୟୁଗେ ।
ପ୍ରପଠେତ୍ ପ୍ରୟତୋ ଭକ୍ତ୍ୟା ତସ୍ୟ ପୁଣ୍ୟଫଲଂ ଶୃଣୁ ॥ ୨୩-୨୭ ॥
ଲକ୍ଷଵର୍ଷସହସ୍ରସ୍ୟ କାଲୀପୂଜାଫଲଂ ଭଵେତ୍ ।
ବହୁନା କିମିହୋକ୍ତେନ ଵାଞ୍ଛିତାର୍ଥୀ ଭଵିଷ୍ୟତି ॥ ୨୩-୨୮ ॥
ଇତି ଶ୍ରୀବୃହନ୍ନୀଲତନ୍ତ୍ରେ ଭୈରଵପାର୍ଵତୀସଂଵାଦେ କାଲୀଶତନାମନିରୂପଣଂ
ତ୍ରୟୋଵିଂଶଃ ପଟଲଃ ॥ ୨୩ ॥
– Chant Stotra in Other Languages –
Goddess Durga Slokam » Kali Shatanama Stotram » Brihan Nila Tantra Lyrics in Sanskrit » English » Bengali » Gujarati » Kannada » Malayalam » Telugu » Tamil