॥ Kalidasa Gangashtakam 2 Malayalam Lyrics ॥
॥ ഗങ്ഗാഷ്ടകം 2 കാലിദാസകൃതം ॥
ശ്രീഗണേശായ നമഃ ॥
കത്യക്ഷീണി കരോടയഃ കതി കതി ദ്വീപിദ്വിപാനാം ത്വചഃ
കാകോലാഃ കതി പന്നഗാഃ കതി സുധാധാംനശ്ച ഖണ്ഡാ കതി ।
കിം ച ത്വം ച കതി ത്രിലോകജനനിത്വദ്വാരിപൂരോദരേ
മജ്ജജ്ജന്തുകദംബകം സമുദയത്യേകൈകമാദായ യത് ॥ 1 ॥
ദേവി ത്വത്പുലിനാങ്ഗണേ സ്ഥിതിജുഷാം നിര്‍മാനിനാം ജ്ഞാനിനാം
സ്വല്‍പാഹാരനിബദ്ധശുദ്ധവപുഷാം താര്‍ണം ഗൃഹം ശ്രേയസേ ।
നാന്യത്ര ക്ഷിതിമണ്ഡലേശ്വരശതൈഃ സംരക്ഷിതോ ഭൂപതേഃ
പ്രാസാദോ ലലനാഗണൈരധിഗതോ ഭോഗീന്ദ്രഭോഗോന്നതഃ ॥ 2 ॥
തത്തത്തീര്‍ഥഗതൈഃ കദര്‍ഥനശതൈഃ കിം തൈരനര്‍ഥാശ്രിതൈ-
ര്‍ജ്യോതിഷ്ടോമമുഖൈഃ കിമീശവിമുഖൈര്യജ്ഞൈരവജ്ഞാദ്ദതൈ ।
സൂതേ കേശവവാസവാദിവിബുധാഗാരാഭിരാമാം ശ്രിയം ഗങ്ഗേ
ദേവി ഭവത്തടേ യദി കുടീവാസഃ പ്രയാസം വിനാ ॥ 3 ॥
ഗങ്ഗാതീരമുപേത്യ ശീതലശിലാമാലംബ്യ ഹേമാചലീം
യൈരാകര്‍ണി കുതൂഹലാകുലതയാ കല്ലോലകോലാഹലഃ ।
തേ ശൃണ്വന്തി സുപര്‍വപര്‍വതശിലാസിംഹാസനാധ്യാസനാഃ
സങ്ഗീതാഗമശുദ്ധസിദ്ധരമണീമംജീരധീരധ്വനിം ॥ 4 ॥
ദൂരം ഗച്ഛ സകച്ഛഗം ച ഭവതോ നാലോകയാമോ
മുഖം രേ പാരാക വരാക സാകമിതരൈര്‍നാകപ്രദൈര്‍ഗംയതാം ।
സദ്യഃ പ്രോദ്യതമന്ദമാരുതരജഃപ്രാപ്താ കപോലസ്ഥലേ
ഗങ്ഗാംഭഃകണികാ വിമുക്തഗണികാസങ്ഗായ സംഭാവ്യതേ ॥ 5 ॥
വിഷ്ണോഃ സങ്ഗതികാരിണീ ഹരജടാജൂടാടവീചാരിണീ
പ്രായശ്ചിത്തനിവാരിണീ ജലകണൈഃ പുണ്യൌധവിസ്താരിണീ ।
ഭൂഭൃത്കന്ദരദാരിണീ നിജജലേ മജ്ജജ്ജനോത്താരിണീ
ശ്രേയഃ സ്വര്‍ഗവിഹാരിണീ വിജയതേ ഗങ്ഗാ മനോഹാരിണീ ॥ 6 ॥
വാചാലം വികലം ഖലം ശ്രിതമലം കാമാകുലം വ്യാകുലം
ചാണ്ഡാലം തരലം നിപീതഗരലം ദോഷാവിലം ചാഖിലം ।
കുംഭീപാകഗതം തമന്തകകരാദാകൃഷ്യ കസ്താരയേന്‍-
മാതര്‍ജഹ്നുനരേന്ദ്രനന്ദിനി തവ സ്വല്‍പോദബിന്ദും വിനാ ॥ 7 ॥
ശ്ലേഷമശ്ലേഷണയാനലേഽമൃതബിലേ ശാകാകുലേ വ്യാകുലേ
കണ്ഠേ ഘര്‍ഘരഘോഷനാദമലിനേ കായേ ച സമ്മീലതി ।
യാം ധ്യായന്ന്‍പി ഭാരഭങ്ഗുരതരാം പ്രാപ്നോതി മുക്തിം നരഃ
സ്നാതുശ്വേതസി ജാഹ്ന്വീ നിവസതാം സംസാരസന്താപഹൃത് ॥ 8 ॥
ഇതി ശ്രീമത്കാലിദാസവിരചിതം ഗങ്ഗാഷ്ടകസ്തോത്രം സമ്പൂര്‍ണം ॥
– Chant Stotra in Other Languages –
Kalidasa Gangashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil