॥ Kalidasa Gangashtakam 2 Telugu Lyrics ॥
॥ గఙ్గాష్టకమ్ ౨ కాలిదాసకృతమ్ ॥
శ్రీగణేశాయ నమః ॥
కత్యక్షీణి కరోటయః కతి కతి ద్వీపిద్విపానాం త్వచః
కాకోలాః కతి పన్నగాః కతి సుధాధామ్నశ్చ ఖణ్డా కతి ।
కిం చ త్వం చ కతి త్రిలోకజననిత్వద్వారిపూరోదరే
మజ్జజ్జన్తుకదమ్బకం సముదయత్యేకైకమాదాయ యత్ ॥ ౧ ॥
దేవి త్వత్పులినాఙ్గణే స్థితిజుషాం నిర్మానినాం జ్ఞానినాం
స్వల్పాహారనిబద్ధశుద్ధవపుషాం తార్ణం గృహం శ్రేయసే ।
నాన్యత్ర క్షితిమణ్డలేశ్వరశతైః సంరక్షితో భూపతేః
ప్రాసాదో లలనాగణైరధిగతో భోగీన్ద్రభోగోన్నతః ॥ ౨ ॥
తత్తత్తీర్థగతైః కదర్థనశతైః కిం తైరనర్థాశ్రితై-
ర్జ్యోతిష్టోమముఖైః కిమీశవిముఖైర్యజ్ఞైరవజ్ఞాద్దతై ।
సూతే కేశవవాసవాదివిబుధాగారాభిరామాం శ్రియం గఙ్గే
దేవి భవత్తటే యది కుటీవాసః ప్రయాసం వినా ॥ ౩ ॥
గఙ్గాతీరముపేత్య శీతలశిలామాలమ్బ్య హేమాచలీం
యైరాకర్ణి కుతూహలాకులతయా కల్లోలకోలాహలః ।
తే శృణ్వన్తి సుపర్వపర్వతశిలాసింహాసనాధ్యాసనాః
సఙ్గీతాగమశుద్ధసిద్ధరమణీమంజీరధీరధ్వనిమ్ ॥ ౪ ॥
దూరం గచ్ఛ సకచ్ఛగం చ భవతో నాలోకయామో
ముఖం రే పారాక వరాక సాకమితరైర్నాకప్రదైర్గమ్యతామ్ ।
సద్యః ప్రోద్యతమన్దమారుతరజఃప్రాప్తా కపోలస్థలే
గఙ్గామ్భఃకణికా విముక్తగణికాసఙ్గాయ సమ్భావ్యతే ॥ ౫ ॥
విష్ణోః సఙ్గతికారిణీ హరజటాజూటాటవీచారిణీ
ప్రాయశ్చిత్తనివారిణీ జలకణైః పుణ్యౌధవిస్తారిణీ ।
భూభృత్కన్దరదారిణీ నిజజలే మజ్జజ్జనోత్తారిణీ
శ్రేయః స్వర్గవిహారిణీ విజయతే గఙ్గా మనోహారిణీ ॥ ౬ ॥
వాచాలం వికలం ఖలం శ్రితమలం కామాకులం వ్యాకులం
చాణ్డాలం తరలం నిపీతగరలం దోషావిలం చాఖిలమ్ ।
కుమ్భీపాకగతం తమన్తకకరాదాకృష్య కస్తారయేన్-
మాతర్జహ్నునరేన్ద్రనన్దిని తవ స్వల్పోదబిన్దుం వినా ॥ ౭ ॥
శ్లేషమశ్లేషణయానలేఽమృతబిలే శాకాకులే వ్యాకులే
కణ్ఠే ఘర్ఘరఘోషనాదమలినే కాయే చ సమ్మీలతి ।
యాం ధ్యాయన్న్పి భారభఙ్గురతరాం ప్రాప్నోతి ముక్తిం నరః
స్నాతుశ్వేతసి జాహ్న్వీ నివసతాం సంసారసన్తాపహృత్ ॥ ౮ ॥
ఇతి శ్రీమత్కాలిదాసవిరచితం గఙ్గాష్టకస్తోత్రం సమ్పూర్ణమ్ ॥
– Chant Stotra in Other Languages –
Kalidasa Gangashtakam 2 Lyrics in Sanskrit » English » Bengali » Gujarati » Kannada » Malayalam » Odia » Tamil