॥ Kalidasa Gangashtakam Malayalam Lyrics ॥
॥ ഗങ്ഗാഷ്ടകം കാലിദാസകൃതം ॥
ശ്രീഗണേശായ നമഃ ॥
നമസ്തേഽസ്തു ഗങ്ഗേ ത്വദങ്ഗപ്രസങ്ഗാദ്ഭുജം ഗാസ്തുരങ്ഗാഃ കുരങ്ഗാഃ പ്ലവങ്ഗാഃ ।
അനങ്ഗാരിരങ്ഗാഃ സസങ്ഗാഃ ശിവാങ്ഗാ ഭുജങ്ഗാധിപാങ്ഗീകൃതാങ്ഗാ ഭവന്തി ॥ 1 ॥
നമോ ജഹ്നുകന്യേ ന മന്യേ ത്വദന്യൈര്‍നിസര്‍ഗേന്ദുചിഹ്നാദിഭിര്ലോകഭര്‍തുഃ ।
അതോഽഹം നതോഽഹം സതോ ഗൌരതോയേ വസിഷ്ഠാദിഭിര്‍ഗീയമാനാഭിധേയേ ॥ 2 ॥
ത്വദാമജ്ജനാത്സജ്ജനോ ദുര്‍ജനോ വാ വിമാനൈഃ സമാനഃ സമാനൈര്‍ഹി മാനൈഃ ।
സമായാതി തസ്മിന്‍പുരാരാതിലോകേ പുരദ്വാരസംരുദ്ധദിക്പാലലോകേ ॥ 3 ॥
സ്വരാവാസദംഭോലിദംഭോപി രംഭാപരീരംഭസംഭാവനാധീരചേതാഃ ।
സമാകാങ്ക്ഷതേ ത്വത്തടേ വൃക്ഷവാടീകുടീരേ വസന്നേതുമായുര്‍ദിനാനി ॥ 4 ॥
ത്രിലോകസ്യ ഭര്‍തുര്‍ജടാജൂടബന്ധാത്സ്വസീമാന്തഭാഗേ മനാക്പ്രസ്ഖലന്തഃ ।
ഭവാന്യാ രുഷാ പ്രോഢസാപന്തഭാവാത്കരേണാഹതാസ്തവത്തരങ്ഗാ ജയന്തി ॥ 5 ॥
ജലോന്‍മജ്ജദൈരാവതോദ്ദാനകുംഭസ്ഫുരത്പ്രസ്ഖലത്സാന്ദ്രസിന്ദൂരരാഗേ ।
ക്കചിത്പദ്മിനീരേണുഭങ്ഗേ പ്രസങ്ഗേ മനഃ ഖേലതാം ജഹ്നുകന്യാതരങ്ഗേ ॥ 6 ॥
ഭവത്തീരവാനീരവാതോത്ഥധൂലീലവസ്പര്‍ശതസ്തത്ക്ഷണം ക്ഷീണപാപഃ ।
ജനോഽയം ജഗത്പാവനേ ത്വത്പ്രസാദാത്പദേ പൌരുഹൂതേഽപി ധത്തേഽവഹേലാം ॥ 7 ॥
ത്രിസന്ധ്യാനമല്ലേഖകോടീരനാനാവിധാനേകരത്നാംശുബിംബപ്രഭാഭിഃ ।
സ്ഫുരത്പാദപീഠേ ഹഠേനാഷ്ടമൂര്‍തേര്‍ജടാജൂടവാസേ നതാഃ സ്മഃ പദം തേ ॥ 8 ॥
ഇദം യഃ പഠേദഷ്ടകം ജഹ്നുപുത്ര്യാസ്രികാലം കൃതം കാലിദാസേന രംയം ।
സമായാസ്യതീന്ദ്രാദിഭിര്‍ഗീയമാനം പദം കൈശവം ശൈശവം നോ ലഭേത്സഃ ॥ 9 ॥
ഇതി ശ്രീകാലിദാസകൃതം ഗങ്ഗാഷ്ടകസ്തോത്രം സമ്പൂര്‍ണം ॥
– Chant Stotra in Other Languages –
Kalidasa Gangashtakam Lyrics in Sanskrit » English » Bengali » Gujarati » Kannada » Odia » Telugu » Tamil