॥ Kalidasa Gangashtakam Telugu Lyrics ॥
॥ గఙ్గాష్టకం కాలిదాసకృతమ్ ॥
శ్రీగణేశాయ నమః ॥
నమస్తేఽస్తు గఙ్గే త్వదఙ్గప్రసఙ్గాద్భుజం గాస్తురఙ్గాః కురఙ్గాః ప్లవఙ్గాః ।
అనఙ్గారిరఙ్గాః ససఙ్గాః శివాఙ్గా భుజఙ్గాధిపాఙ్గీకృతాఙ్గా భవన్తి ॥ ౧ ॥
నమో జహ్నుకన్యే న మన్యే త్వదన్యైర్నిసర్గేన్దుచిహ్నాదిభిర్లోకభర్తుః ।
అతోఽహం నతోఽహం సతో గౌరతోయే వసిష్ఠాదిభిర్గీయమానాభిధేయే ॥ ౨ ॥
త్వదామజ్జనాత్సజ్జనో దుర్జనో వా విమానైః సమానః సమానైర్హి మానైః ।
సమాయాతి తస్మిన్పురారాతిలోకే పురద్వారసంరుద్ధదిక్పాలలోకే ॥ ౩ ॥
స్వరావాసదమ్భోలిదమ్భోపి రమ్భాపరీరమ్భసమ్భావనాధీరచేతాః ।
సమాకాఙ్క్షతే త్వత్తటే వృక్షవాటీకుటీరే వసన్నేతుమాయుర్దినాని ॥ ౪ ॥
త్రిలోకస్య భర్తుర్జటాజూటబన్ధాత్స్వసీమాన్తభాగే మనాక్ప్రస్ఖలన్తః ।
భవాన్యా రుషా ప్రోఢసాపన్తభావాత్కరేణాహతాస్తవత్తరఙ్గా జయన్తి ॥ ౫ ॥
జలోన్మజ్జదైరావతోద్దానకుమ్భస్ఫురత్ప్రస్ఖలత్సాన్ద్రసిన్దూరరాగే ।
క్కచిత్పద్మినీరేణుభఙ్గే ప్రసఙ్గే మనః ఖేలతాం జహ్నుకన్యాతరఙ్గే ॥ ౬ ॥
భవత్తీరవానీరవాతోత్థధూలీలవస్పర్శతస్తత్క్షణం క్షీణపాపః ।
జనోఽయం జగత్పావనే త్వత్ప్రసాదాత్పదే పౌరుహూతేఽపి ధత్తేఽవహేలామ్ ॥ ౭ ॥
త్రిసన్ధ్యానమల్లేఖకోటీరనానావిధానేకరత్నాంశుబిమ్బప్రభాభిః ।
స్ఫురత్పాదపీఠే హఠేనాష్టమూర్తేర్జటాజూటవాసే నతాః స్మః పదం తే ॥ ౮ ॥
ఇదం యః పఠేదష్టకం జహ్నుపుత్ర్యాస్రికాలం కృతం కాలిదాసేన రమ్యమ్ ।
సమాయాస్యతీన్ద్రాదిభిర్గీయమానం పదం కైశవం శైశవం నో లభేత్సః ॥ ౯ ॥
ఇతి శ్రీకాలిదాసకృతం గఙ్గాష్టకస్తోత్రం సమ్పూర్ణమ్ ॥