॥ Kamakshi Ashtakam Bengali Lyrics ॥
॥ কামাক্ষ্যষ্টকম্ ॥
শ্রীকাঞ্চীপুরবাসিনীং ভগবতীং শ্রীচক্রমধ্যে স্থিতাং
কল্যাণীং কমনীয়চারুমকুটাং কৌসুম্ভবস্ত্রান্বিতাম্ ।
শ্রীবাণীশচিপূজিতাঙ্ঘ্রিয়ুগলাং চারুস্মিতাং সুপ্রভাং
কামাক্ক্ষীং করুণাময়ীং ভগবতীং বন্দে পরাং দেবতাম্ ॥ ১ ॥
মালামৌক্তিককন্ধরাং শশিমুখীং শম্ভুপ্রিয়াং সুন্দরীং
শর্বাণীং শরচাপমণ্ডিতকরাং শীতাংশুবিম্বাননাম্ ।
বীণাগানবিনোদকেলিরসিকাং বিদ্যুত্প্রভাভাসুরাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ২ ॥
শ্যামাং চারুনিতম্বিনীং গুরুভুজাং চন্দ্রাবতংসাং শিবাং
শর্বালিঙ্গিতনীলচারুবপুষীং শান্তাং প্রবালাধরাম্ ।
বালাং বালতমালকান্তিরুচিরাং বালার্কবিম্বোজ্জ্বলাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৩ ॥
লীলাকল্পিতজীবকোটিনিবহাং চিদ্রূপিণীং শঙ্করীং
ব্রহ্মাণীং ভবরোগতাপশমনীং ভব্যাত্মিকাং শাশ্বতীম্ ।
দেবীং মাধবসোদরীং শুভকরীং পঞ্চাক্ষরীং পাবনীং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৪ ॥
বামাং বারিজলোচনাং হরিহরব্রহ্মেন্দ্রসম্পূজিতাং
কারুণ্যামৃতবর্ষিণীং গুণময়ীং কাত্যায়নীং চিন্ময়ীম্ ।
দেবীং শুম্ভনিষূদিনীং ভগবতীং কামেশ্বরীং দেবতাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৫ ॥
কান্তাং কাঞ্চনরত্নভূষিতগলাং সৌভাগ্যমুক্তিপ্রদাং
কৌমারীং ত্রিপুরান্তকপ্রণয়িনীং কাদম্বিনীং চণ্ডিকাম্ ।
দেবীং শঙ্করহৃত্সরোজনিলয়াং সর্বাঘহন্ত্রীং শুভাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৬ ॥
শান্তাং চঞ্চলচারুনেত্রয়ুগলাং শৈলেন্দ্রকন্যাং শিবাং
বারাহীং দনুজান্তকীং ত্রিনয়নীং সর্বাত্মিকাং মাধবীম্ ।
সৌম্যাং সিন্ধুসুতাং সরোজবদনাং বাগ্দেবতামম্বিকাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৭ ॥
চন্দ্রার্কানললোচনাং গুরুকুচাং সৌন্দর্যচন্দ্রোদয়াং
বিদ্যাং বিন্ধ্যনিবাসিনীং পুরহরপ্রাণপ্রিয়াং সুন্দরীম্ ।
মুগ্ধস্মেরসমীক্ষণেন সততং সম্মোহয়ন্তীং শিবাং
কামাক্ষীং করুণাময়ীং ভগবতীং বন্দে পরাং দেবতাম্ ॥ ৮ ॥
ইতি শ্রীকামাক্ষ্যষ্টকং সম্পূর্ণম্ ।
– Chant Stotra in Other Languages –
Goddess Durga Slokam » Kamakshya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil