॥ Kamakshi Ashtakam Odia Lyrics ॥
॥ କାମାକ୍ଷ୍ୟଷ୍ଟକମ୍ ॥
ଶ୍ରୀକାଞ୍ଚୀପୁରଵାସିନୀଂ ଭଗଵତୀଂ ଶ୍ରୀଚକ୍ରମଧ୍ୟେ ସ୍ଥିତାଂ
କଲ୍ୟାଣୀଂ କମନୀୟଚାରୁମକୁଟାଂ କୌସୁମ୍ଭଵସ୍ତ୍ରାନ୍ଵିତାମ୍ ।
ଶ୍ରୀଵାଣୀଶଚିପୂଜିତାଙ୍ଘ୍ରିୟୁଗଲାଂ ଚାରୁସ୍ମିତାଂ ସୁପ୍ରଭାଂ
କାମାକ୍କ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୧ ॥
ମାଲାମୌକ୍ତିକକନ୍ଧରାଂ ଶଶିମୁଖୀଂ ଶମ୍ଭୁପ୍ରିୟାଂ ସୁନ୍ଦରୀଂ
ଶର୍ଵାଣୀଂ ଶରଚାପମଣ୍ଡିତକରାଂ ଶୀତାଂଶୁବିମ୍ବାନନାମ୍ ।
ଵୀଣାଗାନଵିନୋଦକେଲିରସିକାଂ ଵିଦ୍ୟୁତ୍ପ୍ରଭାଭାସୁରାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୨ ॥
ଶ୍ୟାମାଂ ଚାରୁନିତମ୍ବିନୀଂ ଗୁରୁଭୁଜାଂ ଚନ୍ଦ୍ରାଵତଂସାଂ ଶିଵାଂ
ଶର୍ଵାଲିଙ୍ଗିତନୀଲଚାରୁଵପୁଷୀଂ ଶାନ୍ତାଂ ପ୍ରଵାଲାଧରାମ୍ ।
ବାଲାଂ ବାଲତମାଲକାନ୍ତିରୁଚିରାଂ ବାଲାର୍କବିମ୍ବୋଜ୍ଜ୍ଵଲାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୩ ॥
ଲୀଲାକଲ୍ପିତଜୀଵକୋଟିନିଵହାଂ ଚିଦ୍ରୂପିଣୀଂ ଶଙ୍କରୀଂ
ବ୍ରହ୍ମାଣୀଂ ଭଵରୋଗତାପଶମନୀଂ ଭଵ୍ୟାତ୍ମିକାଂ ଶାଶ୍ଵତୀମ୍ ।
ଦେଵୀଂ ମାଧଵସୋଦରୀଂ ଶୁଭକରୀଂ ପଞ୍ଚାକ୍ଷରୀଂ ପାଵନୀଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୪ ॥
ଵାମାଂ ଵାରିଜଲୋଚନାଂ ହରିହରବ୍ରହ୍ମେନ୍ଦ୍ରସମ୍ପୂଜିତାଂ
କାରୁଣ୍ୟାମୃତଵର୍ଷିଣୀଂ ଗୁଣମୟୀଂ କାତ୍ୟାୟନୀଂ ଚିନ୍ମୟୀମ୍ ।
ଦେଵୀଂ ଶୁମ୍ଭନିଷୂଦିନୀଂ ଭଗଵତୀଂ କାମେଶ୍ଵରୀଂ ଦେଵତାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୫ ॥
କାନ୍ତାଂ କାଞ୍ଚନରତ୍ନଭୂଷିତଗଲାଂ ସୌଭାଗ୍ୟମୁକ୍ତିପ୍ରଦାଂ
କୌମାରୀଂ ତ୍ରିପୁରାନ୍ତକପ୍ରଣୟିନୀଂ କାଦମ୍ବିନୀଂ ଚଣ୍ଡିକାମ୍ ।
ଦେଵୀଂ ଶଙ୍କରହୃତ୍ସରୋଜନିଲୟାଂ ସର୍ଵାଘହନ୍ତ୍ରୀଂ ଶୁଭାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୬ ॥
ଶାନ୍ତାଂ ଚଞ୍ଚଲଚାରୁନେତ୍ରୟୁଗଲାଂ ଶୈଲେନ୍ଦ୍ରକନ୍ୟାଂ ଶିଵାଂ
ଵାରାହୀଂ ଦନୁଜାନ୍ତକୀଂ ତ୍ରିନୟନୀଂ ସର୍ଵାତ୍ମିକାଂ ମାଧଵୀମ୍ ।
ସୌମ୍ୟାଂ ସିନ୍ଧୁସୁତାଂ ସରୋଜଵଦନାଂ ଵାଗ୍ଦେଵତାମମ୍ବିକାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୭ ॥
ଚନ୍ଦ୍ରାର୍କାନଲଲୋଚନାଂ ଗୁରୁକୁଚାଂ ସୌନ୍ଦର୍ୟଚନ୍ଦ୍ରୋଦୟାଂ
ଵିଦ୍ୟାଂ ଵିନ୍ଧ୍ୟନିଵାସିନୀଂ ପୁରହରପ୍ରାଣପ୍ରିୟାଂ ସୁନ୍ଦରୀମ୍ ।
ମୁଗ୍ଧସ୍ମେରସମୀକ୍ଷଣେନ ସତତଂ ସମ୍ମୋହୟନ୍ତୀଂ ଶିଵାଂ
କାମାକ୍ଷୀଂ କରୁଣାମୟୀଂ ଭଗଵତୀଂ ଵନ୍ଦେ ପରାଂ ଦେଵତାମ୍ ॥ ୮ ॥
ଇତି ଶ୍ରୀକାମାକ୍ଷ୍ୟଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Goddess Durga Slokam » Kamakshya Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil