॥ Kashyapa Geetaa Odia Lyrics ॥
॥ କାଶ୍ୟପଗୀତା ॥
ଅତ୍ରାପ୍ୟୁଦାହରନ୍ତୀମା ଗାଥା ନିତ୍ୟଂ କ୍ଷମାବତାମ୍ ।
ଗୀତାଃ କ୍ଷମାବତାଂ କୃଷ୍ଣେ କାଶ୍ୟପେନ ମହାତ୍ମନା । ୧ ।
କ୍ଷମା ଧର୍ମଃ କ୍ଷମା ଯଜ୍ଞଃ କ୍ଷମା ବେଦାଃ କ୍ଷମା ଶ୍ରୁତମ୍ ।
ଯ ଏତଦେବ ଜାନାତି ସ ସର୍ୱ କ୍ଷନ୍ତୁମର୍ହତି । ୨ ।
କ୍ଷମା ବ୍ରହ୍ମ କ୍ଷମା ସତ୍ୟଂ କ୍ଷମା ଭୂତଂ ଚ ଭାବି ଚ ।
କ୍ଷମା ତପଃ କ୍ଷମା ଶୌଚଂ କ୍ଷମୟେଦଂ ଧୃତଂ ଜଗତ୍ । ୩ ।
ଅତିୟଜ୍ଞବିଦାଂଲୋକାନ୍କ୍ଷମିଣଃ ପ୍ରାପ୍ନୁବନ୍ତି ଚ ।
ଅତିବ୍ରହ୍ମବିଦାଂଲୋକାନତିଚାପି ତପସ୍ୱିନାମ୍ । ୪ ।
ଅନ୍ୟେବୈ ଯଜୁଷାଂ ଲୋକାଃ କର୍ମିଣାମପରେ ତଥା ।
କ୍ଷମାବତାଂ ବ୍ରହ୍ମଲୋକେ ଲୋକାଃ ପରମପୂଜିତାଃ । ୫ ।
କ୍ଷମା ତେଜସ୍ୱିନାଂ ତେଜଃ କ୍ଷମା ବ୍ରହ୍ମ ତପସ୍ୱିନାମ୍ ।
କ୍ଷମା ସତ୍ୟଂ ସତ୍ୟବତାଂ କ୍ଷମା ଯଜ୍ଞଃ କ୍ଷମା ଶମଃ । ୬ ।
ତାଂ କ୍ଷମାଂ ତାଦୃଶୀଂ କୃଷ୍ଣେ କଥମସ୍ମଦ୍ୱିଧସ୍ତ୍ୟଜେତ୍ ।
ଯସ୍ୟାଂ ବ୍ରହ୍ମ ଚ ସତ୍ୟଂ ଚ ଯଜ୍ଞାଲୋକାଶ୍ଚଧିଷ୍ଠିତାଃ । ୭ ।
କ୍ଷନ୍ତବ୍ୟମେବ ସତତଂ ପୁରୁଷେଣ ବିଜାନତା ।
ଯଦା ହି କ୍ଷମତେ ସର୍ୱଂ ବ୍ରହ୍ମ ସମ୍ପଦ୍ୟତେ ତଦା । ୮ ।
କ୍ଷମାବତାମୟଂ ଲୋକଃ ପରଶ୍ଚୈବ କ୍ଷମାବତାମ୍ ।
ଇହ ସନ୍ମାନମୃଚ୍ଛତି ପରତ୍ର ଚ ଶୁଭାଂ ଗତିମ୍ । ୯ ।
ଯେଷାଂ ମନ୍ୟୁର୍ମନୁଷ୍ୟାଣାଂ କ୍ଷମୟାଽଭିହତଃ ସଦା ।
ତେଷାଂ ପରତରେ ଲୋକାସ୍ତସ୍ମାତ୍କ୍ଷାନ୍ତିଃ ପରା ମତା ॥ ୧୦ ॥
ଇତି ଗୀତାଃ କାଶ୍ୟପେନ ଗାଥା ନିତ୍ୟଂ କ୍ଷମାବତାମ୍ ।
ଶ୍ରୁତ୍ୱା ଗାଥାଃ କ୍ଷମାୟାସ୍ତ୍ୱଂ ତୁଷ୍ୟ ଦ୍ରୌପଦି ମାକ୍ରୁଧଃ । ୧୧ ।
ପିତାମହଃ ଶାନ୍ତନବଃ କ୍ଷମାଂ ସମ୍ପୂଜୟିଷ୍ୟତି ।
କୃଷ୍ଣଶ୍ଚ ଦେବକୀପୁତ୍ରଃ କ୍ଷମାଂ ସମ୍ପୂଜୟିଷ୍ୟତି । ୧୨ ।
ଆଚାର୍ୟୋ ବିଦୁରଃ କ୍ଷତ୍ତା ଶମମେବ ବଦିଷ୍ୟତଃ ।
କୃପଶ୍ଚ ସଂଜୟଶ୍ଚୈବ ଶମମେବ ବଦିଷ୍ୟତଃ । ୧୩ ।
ସୋମଦତ୍ତୋ ଯୁୟୁତ୍ସୁଶ୍ଚ ଦ୍ରୋଣପୁତ୍ରସ୍ତଥୈବ ଚ ।
ପିତାମହଶ୍ଚ ନୋ ବ୍ୟାସଃ ଶମଂ ବଦତି ନିତ୍ୟଶଃ । ୧୪ ।
ସୁୟୋଧନୋ ନାର୍ହତୀତି କ୍ଷମାମେବଂ ନ ବିନ୍ଦତି ।
ଅର୍ହସ୍ତତ୍ରାହମିତ୍ୟେବଂ ତସ୍ମାନ୍ମାଂ ବିନ୍ଦତେ କ୍ଷମା । ୧୫ ।
ଏତଦାତ୍ମବତାଂ ବୃତ୍ତମେଷ ଧର୍ମଃ ସନାତନଃ ।
କ୍ଷମାଚୈବାନୃଶଂସ୍ୟଂ ଚ ତତ୍କର୍ତାସ୍ମ୍ୟହମଂଜସା । ୧୬ ।
ପରୈସ୍ତାଡିତସ୍ୟାପିତତ୍ତାଡନସମର୍ଥସ୍ୟ
ଚିତେ କ୍ଷୋଭାନୁତ୍ପତ୍ତିଃ କ୍ଷମା । ୧୭ ।
। ଇତି କାଶ୍ୟପଗୀତା ସମାପ୍ତା ।
– Chant Stotra in Other Languages –
Kashyapa Gita in Sanskrit – English – Bengali – Gujarati – Kannada – Malayalam – Odia – Telugu – Tamil