॥ Katyayani Ashtakam Malayalam Lyrics ॥
॥ കാത്യായന്യഷ്ടകം ॥
ശ്രീഗണേശായ നമഃ ।
അവര്‍ഷിസംജ്ഞം പുരമസ്തി ലോകേ കാത്യായനീ തത്ര വിരാജതേ യാ ।
പ്രസാദദാ യാ പ്രതിഭാ തദീയാ സാ ഛത്രപുര്യാം ജയതീഹ ഗേയാ ॥ 1 ॥
ത്വമസ്യ ഭിന്നൈവ വിഭാസി തസ്യാസ്തേജസ്വിനീ ദീപജദീപകല്‍പാ ।
കാത്യായനീ സ്വാശ്രിതദുഃഖഹര്‍ത്രീ പവിത്രഗാത്രീ മതിമാനദാത്രീ ॥ 2 ॥
ബ്രഹ്മോരുവേതാലകസിംഹദാഢോസുഭൈരവൈരഗ്നിഗണാഭിധേന ।
സംസേവ്യമാനാ ഗണപത്യഭിഖ്യാ യുജാ ച ദേവി സ്വഗണൈരിഹാസി ॥ 3 ॥
ഗോത്രേഷു ജാതൈര്‍ജമദഗ്നിഭാരദ്വാജാഽത്രിസത്കാശ്യപകൌശികാനാം ।
കൌണ്ഡിന്യവത്സാന്വയജൈശ്ച വിപ്രൈര്‍നിജൈര്‍നിഷേവ്യേ വരദേ നമസ്തേ ॥ 4 ॥
ഭജാമി ഗോക്ഷീരകൃതാഭിഷേകേ രക്താംബരേ രക്തസുചന്ദനാക്തേ ।
ത്വാം ബില്വപത്രീശുഭദാമശോഭേ ഭക്ഷ്യപ്രിയേ ഹൃത്പ്രിയദീപമാലേ ॥ 5 ॥
ഖഡ്ഗം ച ശങ്ഖം മഹിഷാസുരീയം പുച്ഛം ത്രിശൂലം മഹിഷാസുരാസ്യേ ।
പ്രവേശിതം ദേവി കരൈര്‍ദധാനേ രക്ഷാനിശം മാം മഹിഷാസുരഘ്നേ ॥ 6 ॥
സ്വാഗ്രസ്ഥബാണേശ്വരനാമലിങ്ഗം സുരത്നകം രുക്മമയം കിരീട്മ ।
ശീര്‍ഷേ ദധാനേ ജയ ഹേ ശരണ്യേ വിദ്യുത്പ്രഭേ മാം ജയിനം കുരൂഷ്വ ॥ 7 ॥
നേത്രാവതീദക്ഷിണപാര്‍ശ്വസംസ്ഥേ വിദ്യാധരൈര്‍നാഗഗണൈശ്ച സേവ്യേ ।
ദയാഘനേ പ്രാപയ ശം സദാസ്മാന്‍മാതര്യശോദേ ശുഭദേ ശുഭാക്ഷി ॥ 8 ॥
ഇദം കാത്യായനീദേവ്യാഃ പ്രസാദാഷ്ടകമിഷ്ടദം ।
കുമഠാചാര്യജം ഭക്ത്യാ പഠേദ്യഃ സ സുഖീ ഭവേത് ॥ 9 ॥
॥ ഇതി ശ്രീകാത്യായന്യഷ്ടകം സമ്പൂര്‍ണം ॥
– Chant Stotra in Other Languages –
Goddess Durga Slokam » Katyayani Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil