॥ Keshavashtakam Telugu Lyrics ॥
॥ కేశవాష్టకమ్ ॥
నవప్రియకమఞ్జరీరచితకర్ణపూరశ్రియం
వినిద్రతరమాలతీకలితశేఖరేణోజ్జ్వలమ్ ।
దరోచ్ఛ్వసితయూథికాగ్రథితవల్గువైకక్షకృత్
వ్రజే విజయినం భజే విపినదేశతః కేశవమ్ ॥ ౧ ॥
పిశఙ్గి మణికస్తని ప్రణతశృఙ్గి పిఙ్గేక్షణే
మృదఙ్గముఖి ధూమలే శవలి హంసి వంశీప్రియే ।
ఇతి స్వసురభికులం తరలమాహ్వయన్తం ముదా
వ్రజే విజయినం భజే విపినదేశతః కేశవమ్ ॥ ౨ ॥
ఘనప్రణయమేదురాన్ మధురనర్మగోష్ఠీకలా
విలాసనిలయాన్ మిలద్వివిధవేశవిద్యోతినః ।
సఖీన్ అఖిలసారయా పథిషు హాసయన్తం గిరా
వ్రజే విజయినం భజే విపినదేశతః కేశవమ్ ॥ ౩ ॥
శ్రమామ్బుకణికావలీదరవిలీఢగణ్డాన్తరం
సమూఢాగిరిధాతుభిర్లిఖితచారుపత్రాఙ్కురమ్ ।
ఉదఞ్చదలిమణ్డలీద్యుతివిడమ్బివక్రాలకం
వ్రజే విజయినం భజే విపినదేశతః కేశవమ్ ॥ ౪ ॥
నిబద్ధనవతర్ణకావలివిలోకనోత్కణ్ఠయా
నటత్ఖురపుటాఞ్చలైరలఘుభిర్భువం భిన్దతీమ్ ।
కలేన ధవలాఘటాం లఘు నివర్తయన్తం పురో
వ్రజే విజయినం భజే విపినదేశతః కేశవమ్ ॥ ౫ ॥
పద్మాఙ్కతతిభిర్వరాం విరచయన్తమధ్వశ్రియం
చలత్తరలనైచికీనిచయధూలిధూమ్రస్రజమ్ ।
మరుల్లహరిచఞ్చలీకృతదుకూలచూడాఞ్చలం
వ్రజే విజయినం భజే విపినదేశతః కేశవమ్ ॥ ౬ ॥
విలాసమురలీకలధ్వనిభిరుల్లసన్మానసాః
క్షణాదఖిలవల్లవీః పులకయన్తమన్తర్గృహే ।
ముహుర్విదధతం హృది ప్రముదితాం చ గోష్ఠేశ్వరీం
వ్రజే విజయినం భజే విపినదేశతః కేశవమ్ ॥ ౭ ॥
ఉపేత్య పథి సున్దరీతతిభిరాభిరభ్యర్చితం
స్మితాఙ్కురకరమ్బితైర్నటదపాఙ్గభఙ్గీశతైః ।
స్తనస్తవకసఞ్చరన్నయనచఞ్చరీకాఞ్చలం
వ్రజే విజయినం భజే విపినదేశతః కేశవమ్ ॥ ౮ ॥
ఇదం నిఖిలవల్లవీకులమహోత్సవోల్లాసనం
క్రమేణ కిల యః పుమాన్ పఠతి సుష్ఠు పద్యాష్టకమ్ ।
తముజ్జ్వలధియం సదా నిజపదారవిన్దద్వయే
రతిం దదదచఞ్చలాం సుఖయతాద్ విశాఖాసఖః ॥ ౯ ॥
ఇతి శ్రీరూపగోస్వామివిరచితస్తవమాలాయాం శ్రీకేశవాష్టకం సమ్పూర్ణమ్ ।
– Chant Stotra in Other Languages –
Sri Krishna Mantra » Keshavashtakam Lyrics in Sanskrit » English » Bengali » Gujarati » Kannada » Malayalam » Odia » Tamil