॥ Kiratha Ashtakam Malayalam Lyrics ॥
ശ്രീഃ ॥
ശ്രീഗണേശായ നമഃ । കിരാതശാസ്ത്രേ നമഃ ॥
അഥ കിരാതാഷ്ടകം ॥
പ്രത്യര്‍ഥി-വ്രാത-വക്ഷഃസ്ഥല-രുധിരസുരാപാനമത്താ പൃഷത്കം
ചാപേ സന്ധായ തിഷ്ഠന്‍ ഹൃദയസരസിജേ മാമകേ താപഹം തം ।
പിംഭോത്തംസഃ ശരണ്യഃ പശുപതിതനയോ നീരദാഭഃ പ്രസന്നോ
ദേവഃ പായാദപായാത് ശബരവപുരസൌ സാവധാനഃ സദാ നഃ ॥ 1 ॥
ആഖേടായ വനേചരസ്യ ഗിരിജാസക്തസ്യ ശംഭോഃ സുതഃ
ത്രാതും യോ ഭുവനം പുരാ സമജനി ഖ്യാതഃ കിരാതാകൃതിഃ ।
കോദണ്ഡക്ഷുരികാധരോ ഘനരവഃ പിഞ്ഛാവതംസോജ്ജ്വലഃ
സ ത്വം മാമവ സര്‍വദാ രിപുഗണത്രസ്തം ദയാവാരിധേ ॥ 2 ॥
യോ മാം പീഡയതി പ്രസഹ്യ സതതം ദേഹീത്യനന്യാശ്രയം
ഭിത്വാ തസ്യ രിപോരുരഃ ക്ഷുരികയാ ശാതാഗ്രയാ ദുര്‍മതേഃ ।
ദേവ ത്വത്കരപങ്കജോല്ലസിതയാ ശ്രീമത്കിരാതാകൃതേഃ
തത്പ്രാണാന്‍ വിതരാന്തകായ ഭഗവന്‍ കാലാരിപുത്രാഞ്ജസാ ॥ 3 ॥
വിദ്ധോ മര്‍മസു ദുര്‍വചോഭിരസതാം സന്തപ്തശല്യോപമൈഃ
ദൃപ്താനാം ദ്വിഷതാമശാന്തമനസാം ഖിന്നോഽസ്മി യാവദ്ഭൃശം ।
താവത്ത്വം ക്ഷുരികാശരാസനധരശ്ചിത്തേ മമാവിര്‍ഭവന്‍
സ്വാമിന്‍ ദേവ കിരാതരൂപ ശമയ പ്രത്യര്‍ഥിഗര്‍വം ക്ഷണാത് ॥ 4 ॥
ഹര്‍തും വിത്തമധര്‍മതോ മമ രതാശ്ചോരാശ്ച യേ ദുര്‍ജനാഃ
തേഷാം മര്‍മസു താഡയാശു വിശിഖൈസ്ത്വത്കാര്‍മുകാന്നിഃസൃതൈഃ ॥
ശാസ്താരം ദ്വിഷതാം കിരാതവപുഷം സര്‍വാര്‍ഥദം ത്വാമൃതേ
പശ്യാംയത്ര പുരാരിപുത്ര ശരണം നാന്യം പ്രപന്നോഽംയഹം ॥ 5 ॥
യക്ഷപ്രേതപിശാചഭൂതനിവഹാ ദുഃഖപ്രദാ ഭീഷണാഃ
ബാധന്തേ നരശോണിതോത്സുകധിയോ യേ മാം രിപുപ്രേരിതാഃ ।
ചാപ-ജ്യാ-നിനദൈസ്ത്വമീശ സകലാന്‍ സംഹൃത്യ ദുഷ്ടഗ്രഹാന്‍
ഗൌരീശാത്മജ ദൈവതേശ്വര കിരാതാകാര സംരക്ഷ മാം ॥ 6 ॥
ദ്രോഗ്ധും യേ നിരതാഃ ത്വമദ്യ പദപദ്മൈകാന്തഭക്തായ മേ
മായാഛന്നകളേബരാശ്രുവിഷദാനാദ്യൈഃ സദാ കര്‍മഭിഃ ।
വശ്യസ്തംഭനമാരണാദികുശലപ്രാരംഭദക്ഷാനരീന്‍
ദുഷ്ടാന്‍ സംഹര ദേവദേവ ശബരാകാര ത്രിലോകേശ്വര ॥ 7 ॥
തന്വാ വാ മനസാ ഗിരാപി സതതം ദോഷം ചികീര്‍ഷത്യലം
ത്വത്പാദപ്രണതസ്യ നിരപരാധസ്യാപി യേ മാനവാഃ ।
സര്‍വാന്‍ സംഹര താന്‍ ഗിരീശസുത മേ താപത്രയൌഘാനപി
ത്വാമേകം ശബരാകൃതേ ഭയഹരം നാഥം പ്രപന്നോഽസ്ംയഹം ॥ 8 ॥
ക്ലിഷ്ടോ രാജഭടൈസ്തദാപി പരിഭൂതോഽഹം ഖലൈര്‍വ്യരിഭിഃ
ചാന്യൈര്‍ഘോരതരൈര്‍വിപജ്ജലനിധൌ മഗ്നോഽസ്മി ദുഃഖാതുരം ।
ഹാ ഹാ കിങ്കരവൈ വിഭോ ശബരവേഷം ത്വാമഭീഷ്ടാര്‍ഥദം
വന്ദേഽഹം പരദൈവതം കുരു കൃപാനാഥാര്‍തബന്ധോ മയി ॥ 9 ॥
സ്തോത്രം യഃ പ്രജപേത് പ്രശാന്തകരണൈര്‍നിത്യം കിരാതാഷ്ടകം
സ ക്ഷിപ്രം വശഗാന്‍ കരോതി നൃപതീനാബദ്ധവൈരാനപി ।
സംഹൃത്യാത്മവിരോധിനഃ ഖലജനാന്‍ ദുഷ്ടഗ്രഹാനപ്യസൌ
യാത്യന്തേ യമദൂതഭീതിരഹിതോ ദിവ്യാം ഗതിം ശാശ്വതീം ॥ 10 ॥
ഇതി കിരാതാഷ്ടകം സമ്പൂര്‍ണം ॥
– Chant Stotra in Other Languages –
Kiratha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil