॥ Kolani Dopariki Telugu Lyrics ॥
కొలని దోపరికి గొబ్బిళ్ళో యదు ।
కుల స్వామికిని గొబ్బిళ్ళో ॥
కొండ గొడుగుగా గోవుల గాచిన ।
కొండొక శిశువునకు గొబ్బిళ్ళో ।
దండగంపు దైత్యుల కెల్లను తల ।
గుండు గండనికి గొబ్బిళ్ళో ॥
పాప విధుల శిశుపాలుని తిట్టుల ।
కోపగానికిని గొబ్బిళ్ళో ।
యేపున కంసుని యిడుమల బెట్టిన ।
గోప బాలునికి గొబ్బిళ్ళో ॥
దండివైరులను తరిమిన దనుజుల ।
గుండె దిగులునకు గొబ్బిళ్ళో ।
వెండిపైడి యగు వేంకట గిరిపై ।
కొండలయ్యకును గొబ్బిళ్ళో ॥
– Chant Stotra in Other Languages –
Annamacharya Keerthanalu » Kolani Dopariki Lyrics in Sanskrit » English » Bengali » Kannada » Malayalam » Tamil