॥ Krishnakundashtakam Telugu Lyrics ॥
కిం తపశ్చచార తీర్థలక్షమక్షయం పురా
సుప్రసీదతి స్మ కృష్ణ ఏవ సదరం యతః ।
యత్ర వాసమాప సాధు తత్సమస్తదుర్లభే
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౧ ॥
యద్యరిష్టదానవోఽపి దానదో మహానిధే-
రస్మదాదిదుర్మతిభ్య ఇత్యహోవసీయతే ।
యో మృతిచ్ఛలేన యత్ర ముక్తిమద్భుతాం వ్యధాత్
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౨ ॥
గోవధస్య నిష్కృతిస్త్రిలోకతీర్థకోటిభీ
రాధయేత్యవాది తేన తా హరిః సమాహ్వయన్ ।
యత్ర పార్ష్ణిఘాటజే మమజ్జ చ స్వయం ముదా
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౩ ॥
క్వాపి పాపనాశ ఏవ కర్మబన్ధబన్ధనా-
ద్బ్రహ్మసౌఖ్యమేవ విష్ణులోకవాసితా క్వచిత్ ।
ప్రేమరత్నమత్యయత్నమేవ యత్ర లభ్యతే
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౪ ॥
ఫుల్లమాధవీరసాలనీపకుఞ్జమణ్డలే
భృఙ్గకోకకోకిలాదికాకలీ యదఞ్చతి ।
ఆష్టయామికావితర్కకోటిభేదసౌరభం
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౫ ॥
దోలకేలిచిత్రరాసనృత్యగీతవాదనై-
ర్నిహ్నవప్రసూనయుద్ధసీధుపానకౌతుకైః ।
యత్ర ఖేలతః కోశోరశేఖరౌ సహాలిభి-
స్తత్ర కృష్ణకుణ్డ ఏవ సంస్థితిః స్తుతాస్తు నః ॥ ౬ ॥
దివ్యరత్ననిర్మితావతారసారసౌష్టవై-
శ్ఛత్రికా విరాజి చారు కుట్టిమప్రభాభరైః ।
సర్వలోకలోచనాతిధన్యతా యతో భవేత్
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౭ ॥
మాథురం వికుణ్ఠతోఽపి జన్మధామదుర్లభం
వాస్కాననన్తతోఽపి పాణినా ధృతో గిరిః ।
శ్రీహరేస్తతోఽపి యత్పరం సరోఽతిపావనం
తత్ర కృష్ణకుణ్డ ఏవ సంస్థితిః స్తుతాస్తు నః ॥ ౮ ॥
కృష్ణకుణ్డతీరవాససాధకం పఠేదిదం
యోఽష్టకం ధియం నిమజ్య కేలకుఞ్జరాజితోః ।
రాధికాగిరీన్ద్రధారిణోః పదామ్బుజేషు స
ప్రేమదాస్యమేవ శీఘ్రమాప్నుయాదనామయమ్ ॥ ౯ ॥
ఇతి మహామహోపాధ్యాయశ్రీవిశ్వనాథచక్రవర్తివిరచితం
శ్రీకృష్ణకుణ్డాష్టకం సమాప్తమ్ ।
– Chant Stotra in Other Languages –
Krishnakundashtakam Lyrics in Sanskrit » English » Bengali » Gujarati » Kannada » Malayalam » Odia » Tamil