॥ ଲଲିତାପଞ୍ଚକମ୍ Odia Lyrics ॥
ପ୍ରାତଃ ସ୍ମରାମି ଲଲିତାଵଦନାରଵିନ୍ଦଂ ବିମ୍ବାଧରଂ ପୃଥୁଲମୌକ୍ତିକଶୋଭିନାସମ୍ ।
ଆକର୍ଣଦୀର୍ଘନୟନଂ ମଣିକୁଣ୍ଡଲାଢ୍ୟଂ ମନ୍ଦସ୍ମିତଂ ମୃଗମଦୋଜ୍ଜ୍ଵଲଭାଲଦେଶମ୍ ॥ ୧॥
ପ୍ରାତର୍ଭଜାମି ଲଲିତାଭୁଜକଲ୍ପଵଲ୍ଲୀଂ ରତ୍ନାଙ୍ଗୁଳୀୟଲସଦଙ୍ଗୁଲିପଲ୍ଲଵାଢ୍ୟାମ୍ ।
ମାଣିକ୍ୟହେମଵଲୟାଙ୍ଗଦଶୋଭମାନାଂ ପୁଣ୍ଡ୍ରେକ୍ଷୁଚାପକୁସୁମେଷୁସୃଣୀଃଦଧାନାମ୍ ॥ ୨॥
ପ୍ରାତର୍ନମାମି ଲଲିତାଚରଣାରଵିନ୍ଦଂ ଭକ୍ତେଷ୍ଟଦାନନିରତଂ ଭଵସିନ୍ଧୁପୋତମ୍ ।
ପଦ୍ମାସନାଦିସୁରନାୟକପୂଜନୀୟଂ ପଦ୍ମାଙ୍କୁଶଧ୍ଵଜସୁଦର୍ଶନଲାଞ୍ଛନାଢ୍ୟମ୍ ॥ ୩॥
ପ୍ରାତଃ ସ୍ତୁଵେ ପରଶିଵାଂ ଲଲିତାଂ ଭଵାନୀଂ ତ୍ରୟ୍ୟନ୍ତଵେଦ୍ୟଵିଭଵାଂ କରୁଣାନଵଦ୍ୟାମ୍ ।
ଵିଶ୍ଵସ୍ୟ ସୃଷ୍ଟଵିଲୟସ୍ଥିତିହେତୁଭୂତାଂ ଵିଶ୍ଵେଶ୍ଵରୀଂ ନିଗମଵାଙ୍ଗମନସାତିଦୂରାମ୍ ॥ ୪॥
ପ୍ରାତର୍ଵଦାମି ଲଲିତେ ତଵ ପୁଣ୍ୟନାମ କାମେଶ୍ଵରୀତି କମଲେତି ମହେଶ୍ଵରୀତି ।
ଶ୍ରୀଶାମ୍ଭଵୀତି ଜଗତାଂ ଜନନୀ ପରେତି ଵାଗ୍ଦେଵତେତି ଵଚସା ତ୍ରିପୁରେଶ୍ଵରୀତି ॥ ୫॥
ୟଃ ଶ୍ଲୋକପଞ୍ଚକମିଦଂ ଲଲିତାମ୍ବିକାୟାଃ ସୌଭାଗ୍ୟଦଂ ସୁଲଲିତଂ ପଠତି ପ୍ରଭାତେ ।
ତସ୍ମୈ ଦଦାତି ଲଲିତା ଝଟିତି ପ୍ରସନ୍ନା ଵିଦ୍ୟାଂ ଶ୍ରିୟଂ ଵିମଲସୌଖ୍ୟମନନ୍ତକୀର୍ତିମ୍ ॥ ୬॥
॥ ଇତି ଶ୍ରୀମଚ୍ଛଙ୍କରଭଗଵତଃ କୃତୌ ଲଲିତା ପଞ୍ଚକମ୍ ସମ୍ପୂର୍ଣମ୍ ॥