॥ মাতৃপঞ্চকম্ Lyrics ॥
ওঁ
শ্রীরামজয়ম্ ।
ওঁ সদ্গুরুশ্রীত্যাগরাজস্বামিনে নমো নমঃ ।
মাতৃগায়ত্রী
ওঁ মাতৃদেব্যৈ চ বিদ্মহে । বরদায়ৈ চ ধীমহি ।
তন্নো লক্ষ্মীঃ প্রচোদয়াত্ ॥
লক্ষ্মীং বরদপত্নীং চ ক্ষান্তাং সুপ্রিয়সেবিতাম্ ।
বীণাসঙ্গীতলোলাং চ মন্মাতরং নমাম্যহম্ ॥ ১॥
অন্নপূর্ণাং বুভুক্ষাহাং স্বস্তিবাচাস্পদাং বরাম্ ।
সত্কারুণ্যগুণামম্বাং মন্মাতরং নমাম্যহম্ ॥ ২॥
রোগপীডাপহশ্লোকাং রোগশোকোপশামনীম্ ।
শ্লোকপ্রিয়াং স্তুতাং স্তুত্যাং মন্মাতরং নমাম্যহম্ ॥ ৩॥
রামকৃষ্ণপ্রিয়াং ভক্তাং রামায়ণকথাপ্রিয়াম্ ।
শ্রীমদ্ভাগবতপ্রীতাং মন্মাতরং নমাম্যহম্ ॥ ৪॥
ত্যাগরাজকৃতিপ্রীতাং পুত্রীপুষ্পাপ্রিয়স্তুতাম্ ।
শতায়ুর্মঙ্গলাশীদাং মন্মাতরং নমাম্যহম্ ॥ ৫॥
মঙ্গলং মম মাত্রে চ লক্ষ্মীনাম্ন্যৈ সুমঙ্গলম্ ।
মঙ্গলং প্রিয়দাত্র্যৈ চ মনোগায়ৈ সুমঙ্গলম্ ॥ ৬॥
ইতি মাতৃপঞ্চকং পুত্র্যা পুষ্পয়া প্রীত্যা
মাতরি লক্ষ্ম্যাং সমর্পিতম্ ।
ওঁ শুভমস্তু ।