॥ Maya Panchakam Bengali Lyrics ॥
॥ মায়াপঞ্চকম্ ॥
নিরুপমনিত্যনিরংশকেঽপ্যখণ্ডে
ময়ি চিতি সর্ববিকল্পনাদিশূন্যে ।
ঘটয়তি জগদীশজীবভেদং
ত্বঘটিতঘটনাপটীয়সী মায়া ॥ ১॥
শ্রুতিশতনিগমান্তশোধকান-
প্যহহ ধনাদিনিদর্শনেন সদ্যঃ ।
কলুষয়তি চতুষ্পদাদ্যভিন্না-
নঘটিতঘটনাপটীয়সী মায়া ॥ ২॥
সুখচিদখণ্ডবিবোধমদ্বিতীয়ং
বিয়দনলাদিবিনির্মিতে নিয়োজ্য ।
ভ্রময়তি ভবসাগরে নিতান্তং
ত্বঘটিতঘটনাপটীয়সী মায়া ॥ ৩॥
অপগতগুণবর্ণজাতিভেদে
সুখচিতি বিপ্রবিডাদ্যহংকৃতিং চ ।
স্ফুটয়তি সুতদারগেহমোহং
ত্বঘটিতঘটনাপটীয়সী মায়া ॥ ৪॥
বিধিহরিহরবিভেদমপ্যখণ্ডে
বত বিরচয়্য বুধানপি প্রকামম্ ।
ভ্রময়তি হরিহরভেদভাবা-
নঘটিতঘটনাপটীয়সী মায়া ॥ ৫॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ
মায়াপঞ্চকম্
সম্পূর্ণম্ ॥
– Chant Stotra in Other Languages –
Maya Panchakam in Sanskrit – English – Bengali – Gujarati – – Kannada – Malayalam – Odia – Telugu – Tamil