॥ Maya Panchakam Odia Lyrics ॥
॥ ମାୟାପଞ୍ଚକମ୍ ॥
ନିରୁପମନିତ୍ୟନିରଂଶକେଽପ୍ୟଖଣ୍ଡେ
ମୟି ଚିତି ସର୍ଵଵିକଲ୍ପନାଦିଶୂନ୍ୟେ ।
ଘଟୟତି ଜଗଦୀଶଜୀଵଭେଦଂ
ତ୍ଵଘଟିତଘଟନାପଟୀୟସୀ ମାୟା ॥ ୧॥
ଶ୍ରୁତିଶତନିଗମାନ୍ତଶୋଧକାନ-
ପ୍ୟହହ ଧନାଦିନିଦର୍ଶନେନ ସଦ୍ୟଃ ।
କଲୁଷୟତି ଚତୁଷ୍ପଦାଦ୍ୟଭିନ୍ନା-
ନଘଟିତଘଟନାପଟୀୟସୀ ମାୟା ॥ ୨॥
ସୁଖଚିଦଖଣ୍ଡଵିବୋଧମଦ୍ଵିତୀୟଂ
ଵିୟଦନଲାଦିଵିନିର୍ମିତେ ନିୟୋଜ୍ୟ ।
ଭ୍ରମୟତି ଭଵସାଗରେ ନିତାନ୍ତଂ
ତ୍ଵଘଟିତଘଟନାପଟୀୟସୀ ମାୟା ॥ ୩॥
ଅପଗତଗୁଣଵର୍ଣଜାତିଭେଦେ
ସୁଖଚିତି ଵିପ୍ରଵିଡାଦ୍ୟହଂକୃତିଂ ଚ ।
ସ୍ଫୁଟୟତି ସୁତଦାରଗେହମୋହଂ
ତ୍ଵଘଟିତଘଟନାପଟୀୟସୀ ମାୟା ॥ ୪॥
ଵିଧିହରିହରଵିଭେଦମପ୍ୟଖଣ୍ଡେ
ବତ ଵିରଚୟ୍ୟ ବୁଧାନପି ପ୍ରକାମମ୍ ।
ଭ୍ରମୟତି ହରିହରଭେଦଭାଵା-
ନଘଟିତଘଟନାପଟୀୟସୀ ମାୟା ॥ ୫॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ
ଶ୍ରୀଗୋଵିନ୍ଦଭଗଵତ୍ପୂଜ୍ୟପାଦଶିଷ୍ୟସ୍ୟ
ଶ୍ରୀମଚ୍ଛଙ୍କରଭଗଵତଃ କୃତୌ
ମାୟାପଞ୍ଚକମ୍
ସମ୍ପୂର୍ଣମ୍ ॥
– Chant Stotra in Other Languages –
Maya Panchakam in Sanskrit – English – Bengali – Gujarati – – Kannada – Malayalam – Odia – Telugu – Tamil