॥ Minakshi Stotram 2 Gujarati Lyrics ॥
॥ શ્રીમીનાક્ષીસ્તોત્રમ્ ૨ ॥
ગૌરીં કાઞ્ચનપદ્મિનીતટગૃહાં શ્રીસુન્દરેશપ્રિયાં
નીપારણ્યસુવર્ણકન્દુકપરિક્રીડાવિલોલામિમામ્ ।
શ્રીમત્પાણ્ડ્યકુલાચલાગ્રવિલસદ્રત્નપ્રદીપાયિતાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૧ ॥
ગૌરીં વેદકદમ્બકાનનશુકીં શાસ્ત્રાટવીકેકિનીં
વેદાન્તાખિલધર્મહેમનલિનીહંસીં શિવાં શામ્ભવીમ્ ।
ઓઙ્કારમ્બુજનીલમત્તમધુપાં મન્ત્રામ્રશાખામ્બિકાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૨ ॥
ગૌરીં નૂપુરશોભિતાઙ્ઘ્રિકમલાં તૂણોલ્લસજ્જઙ્ઘિકાં
રત્નાદર્શસમાનજાનુયુગલાં રમ્ભાનિભોરૂદ્વયામ્ ।
કાઞ્ચીબદ્ધમનોજ્ઞપીનજઘનામાવર્તનાભીહૃદાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૩ ॥
ગૌરીં વ્યોમસમાનમધ્યમયુતામુત્તુઙ્ગવક્ષોરુહાં
વીણામઞ્જુલશારીકાન્વિતકરાં શઙ્ખાભકણ્ઠોજ્જ્વલામ્ ।
રાકાચન્દ્રસમાનચારુવદનાં રોલમ્વનીલાલકાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૪ ॥
ગૌરીં મઞ્જુલમીનનેત્રયુગલાં કોદણ્ડસુભ્રૂલતાં
બિમ્બોષ્ઠીં સ્મિતકુન્દદન્તરુચિરાં ચામ્પેયનાસોજ્જ્વલામ્ ।
અર્ધેન્દુપ્રતિબિમ્બફાલરુચિરામાદર્શગણ્ડસ્થલાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૫ ॥
ગૌરીં કુઙ્કુમપઙ્કલેપિતલસદ્વક્ષોજકુમ્ભોજ્જ્વલાં
કસ્તૂરીતિલકાલકાં મલયજાં ગન્ધોલસત્કન્ધરામ્ ।
લાક્ષાકર્દમશોભિપાદયુગલાં સિન્દૂરસીમન્તિનીં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૬ ॥
ગૌરીં ચમ્પકમલ્લિકાસુકુસુમૈઃ પુન્નાગસૌગન્ધિકા-
દ્રોણેન્દીવરકુન્દજાતિવકુલૈરાબદ્ધચૂલીયુતામ્ ।
મન્દારારુણપદ્મકેતકદલશ્રેણીલસદ્વેણિકાં
મીનાક્ષીં મધુરેશ્વરીં શુકધરાં શ્રીપાણ્ડ્યબાલાં ભજે ॥ ૫ ॥
॥ ઇતિ શ્રીમીનાક્ષીસ્તોત્રં સમ્પૂર્ણમ્ ॥
– Chant Stotra in Other Languages –
Meenakshi Amman Stotram 2 in Sanskrit – English – Bengali – Gujarati – Kannada – Malayalam – Odia – Telugu – Tamil