॥ Minakshi Stotram 2 Malayalam Lyrics ॥
॥ ശ്രീമീനാക്ഷീസ്തോത്രം 2 ॥
ഗൗരീം കാഞ്ചനപദ്മിനീതടഗൃഹാം ശ്രീസുന്ദരേശപ്രിയാം
നീപാരണ്യസുവർണകന്ദുകപരിക്രീഡാവിലോലാമിമാം ।
ശ്രീമത്പാണ്ഡ്യകുലാചലാഗ്രവിലസദ്രത്നപ്രദീപായിതാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 1 ॥
ഗൗരീം വേദകദംബകാനനശുകീം ശാസ്ത്രാടവീകേകിനീം
വേദാന്താഖിലധർമഹേമനലിനീഹംസീം ശിവാം ശാംഭവീം ।
ഓങ്കാരംബുജനീലമത്തമധുപാം മന്ത്രാമ്രശാഖാംബികാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 2 ॥
ഗൗരീം നൂപുരശോഭിതാംഘ്രികമലാം തൂണോല്ലസജ്ജംഘികാം
രത്നാദർശസമാനജാനുയുഗലാം രംഭാനിഭോരൂദ്വയാം ।
കാഞ്ചീബദ്ധമനോജ്ഞപീനജഘനാമാവർതനാഭീഹൃദാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 3 ॥
ഗൗരീം വ്യോമസമാനമധ്യമയുതാമുത്തുംഗവക്ഷോരുഹാം
വീണാമഞ്ജുലശാരീകാന്വിതകരാം ശംഖാഭകണ്ഠോജ്ജ്വലാം ।
രാകാചന്ദ്രസമാനചാരുവദനാം രോലമ്വനീലാലകാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 4 ॥
ഗൗരീം മഞ്ജുലമീനനേത്രയുഗലാം കോദണ്ഡസുഭ്രൂലതാം
ബിംബോഷ്ഠീം സ്മിതകുന്ദദന്തരുചിരാം ചാമ്പേയനാസോജ്ജ്വലാം ।
അർധേന്ദുപ്രതിബിംബഫാലരുചിരാമാദർശഗണ്ഡസ്ഥലാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 5 ॥
ഗൗരീം കുങ്കുമപങ്കലേപിതലസദ്വക്ഷോജകുംഭോജ്ജ്വലാം
കസ്തൂരീതിലകാലകാം മലയജാം ഗന്ധോലസത്കന്ധരാം ।
ലാക്ഷാകർദമശോഭിപാദയുഗലാം സിന്ദൂരസീമന്തിനീം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 6 ॥
ഗൗരീം ചമ്പകമല്ലികാസുകുസുമൈഃ പുന്നാഗസൗഗന്ധികാ-
ദ്രോണേന്ദീവരകുന്ദജാതിവകുലൈരാബദ്ധചൂലീയുതാം ।
മന്ദാരാരുണപദ്മകേതകദലശ്രേണീലസദ്വേണികാം
മീനാക്ഷീം മധുരേശ്വരീം ശുകധരാം ശ്രീപാണ്ഡ്യബാലാം ഭജേ ॥ 5 ॥
॥ ഇതി ശ്രീമീനാക്ഷീസ്തോത്രം സമ്പൂർണം ॥
– Chant Stotra in Other Languages –
Meenakshi Amman Stotram 2 in Sanskrit – English – Bengali – Gujarati – Kannada – Malayalam – Odia – Telugu – Tamil