॥ Yama Dharmaraja Stotram text Odia Lyrics ॥
ଶ୍ରୀଵ୍ୟାସ ଉଵାଚ —
ସ୍ଵପୁରୁଷମଭିଵୀକ୍ଷ୍ୟ ପାଶହସ୍ତଂ ଵଦତି ୟମଃ କିଲ ତସ୍ୟ କର୍ଣମୂଲେ ।
ପରିହର ମଧୁସୂଦନପ୍ରପନ୍ନାନ୍ ପ୍ରଭୁରହମନ୍ୟନୃଣାଂ ନ ଵୈଷ୍ଣଵାନାମ୍ ॥ ୧ ॥
ଅହମମରଗଣାର୍ଚିତେନ ଧାତ୍ରା ୟମ ଇତି ଲୋକହିତାହିତେ ନିୟୁକ୍ତଃ ।
ହରିଗୁରୁଵିମୁଖାନ୍ ପ୍ରଶାସ୍ମି ମର୍ତ୍ୟାନ୍ ହରିଚରଣପ୍ରଣତାନ୍ନମସ୍କରୋମି ॥ ୨ ॥
ସୁଗତିମଭିଲଷାମି ଵାସୁଦେଵାଦହମପି ଭାଗଵତେ ସ୍ଥିତାନ୍ତରାତ୍ମା ।
ମଧୁଵଧଵଶଗୋଽସ୍ମି ନ ସ୍ଵତନ୍ତ୍ରଃ ପ୍ରଭଵତି ସଂୟମନେ ମମାପି କୃଷ୍ଣଃ ॥ ୩ ॥
ଭଗଵତି ଵିମୁଖସ୍ୟ ନାସ୍ତି ସିଦ୍ଧିର୍ଵିଷମମୃତଂ ଭଵତୀତି ନେଦମସ୍ତି ।
ଵର୍ଷଶତମପୀହ ପଚ୍ୟମାନଂ ଵ୍ରଜତି ନ କାଞ୍ଚନତାମୟଃ କଦାଚିତ୍ ॥ ୪ ॥
ନହି ଶଶିକଲୁଷଚ୍ଛଵିଃ କଦାଚିଦ୍ଵିରମତି ନୋ ରଵିତାମୁପୈତି ଚନ୍ଦ୍ରଃ ।
ଭଗଵତି ଚ ହରାଵନନ୍ୟଚେତା ଭୃଶମଲିନୋଽପି ଵିରାଜତେ ମନୁଷ୍ୟଃ ॥ ୫ ॥
ମହଦପି ସୁଵିଚାର୍ୟ ଲୋକତତ୍ତ୍ଵଂ ଭଗଵଦୁପାସ୍ତିମୃତେ ନ ସିଦ୍ଧିରସ୍ତି ।
ସୁରଗୁରୁସୁଦୃଢପ୍ରସାଦଦୌ ତୌ ହରିଚରଣୌ ସ୍ମରତାପଵର୍ଗହେତୋଃ ॥ ୬ ॥
ଶୁଭମିଦମୁପଲଭ୍ୟ ମାନୁଷତ୍ଵଂ ସୁକୃତଶତେନ ଵୃଥେନ୍ଦ୍ରିୟାର୍ଥହେତୋଃ ।
ରମୟତି କୁରୁତେ ନ ମୋକ୍ଷମାର୍ଗଂ ଦହୟତି ଚନ୍ଦନମାଶୁ ଭସ୍ମହେତୋଃ ॥ ୭ ॥
ମୁକୁଲିତକରକୁଡ୍ମଲୈଃ ସୁରେନ୍ଦ୍ରୈଃ ସତତନମସ୍କୃତପାଦପଙ୍କଜୋ ୟଃ ।
ଅଵିହତଗତୟେ ସନାତନାୟ ଜଗତି ଜନିଂ ହରତେ ନମୋଽଗ୍ରଜାୟ ॥ ୮ ॥
ୟମାଷ୍ଟକମିଦଂ ପୁଣ୍ୟଂ ପଠତେ ୟଃ ଶୃଣୋତି ଵା ।
ମୁଚ୍ୟତେ ସର୍ଵପାପେଭ୍ୟୋ ଵିଷ୍ଣୁଲୋକଂ ସ ଗଚ୍ଛତି ॥ ୯ ॥
ଇତୀଦମୁକ୍ତଂ ୟମଵାକ୍ୟମୁତ୍ତମଂ ମୟାଧୁନା ତେ ହରିଭକ୍ତିଵର୍ଦ୍ଧନମ୍ ।
ପୁନଃ ପ୍ରଵକ୍ଷ୍ୟାମି ପୁରାତନୀଂ କଥାଂ ଭୃଗୋସ୍ତୁ ପୌତ୍ରେଣ ଚ ୟା ପୁରା କୃତା ॥ ୧୦ ॥
ଇତି ଶ୍ରୀନରସିଂହପୁରାଣେ ୟମାଷ୍ଟକନାମ ନଵମୋଽଧ୍ୟାୟଃ ॥
– Chant Stotra in Other Languages –
Yama Dharmaraja Stotram » Narasimhapurana Yamashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil