॥ Nigraha Ashtakam Malayalam Lyrics ॥
॥ നിഗ്രഹാഷ്ടകം ॥
ശ്രീമദപ്പയ്യദീക്ഷിതവിരചിതം ।
മാര്‍ഗേ സഹായം ഭഗവന്തമേവ
വിശ്വസ്യ വിശ്വാധിക നിര്‍ഗതോഽസ്മി ।
ശാസ്ത്രം പ്രമാണം യദി സാ വിപത്സ്യാ-
ത്തസ്യൈവ മന്ദോ മയി യാം ചികീര്‍ഷേത് ॥ 1 ॥
കാന്താരേ പ്രാന്തരേ വാ മദകുശലകൃതൌ സാന്തരം സാന്തരങ്ഗം
മഹ്യം ദ്രുഹ്യന്തമന്തം ഗമയതു ഭഗവാനന്തകസ്യാന്തകാരീ ।
ക്ഷിപ്രം വിപ്രാധമസ്യ ക്ഷിപതു തദുദരസ്യേവ മായാവിവര്‍താ
നാര്‍താന്‍ബന്ധൂനബന്ധൂനിവ മമ ശിശിരാഭ്യന്തരാന്‍സന്തനോതു ॥ 2 ॥
സഹസ്രം വര്‍തന്താം പഥിപഥി പരേ സാഹസകൃതം
പ്രവര്‍തന്താം ബാധം മയി വിവിധമപ്യാരചയിതും ।
ന ലക്ഷീകുര്‍വേഽഹം നലിനജലിപി പ്രാപ്തമപി തന-
മമ സ്വാമീ ചാമീകരശിഖരചാപോഽസ്തി പുരതഃ ॥ 3 ॥
സങ്കല്‍പ്യ സ്ഥാണുശാസ്ത്രപ്രചരണവിഹതിഃ സ്വേന കാര്യാ ഭുവീതി
ശ്മശ്രൂണി സ്വൈരമശ്രൂണ്യപി ഖലു മഹതാം സ്പര്‍ധയാ വര്‍ധയന്തം ।
ക്ഷുദ്രം വിദ്രാവയേയുര്‍ഝടിതി വൃഷപതിക്രോധനിഃശ്വാസലേശാഃ
ശാസ്ത്രം ശൈലാദിഭൃത്യാസ്തനുയുരഖിലഭൂമണ്ഡലവ്യാപ്തമേതത് ॥ 4 ॥
ക്വചിദവയവേ ദഗ്ധും കശ്ചിദ്ബലാദനുചിന്തയന്‍
നിരസനമിതോ ദേശാത്കര്‍തും മഹേശ്വരമാശ്രിതാന്‍ ।
പ്രമഥപരിഷദ്രോശൈര്‍ദഗ്ധാഽഖിലാവയവഃ സ്വയം
നിരസനമിതോ ലോകാദേവ ക്ഷണേന സമശ്നുതാം ॥ 5 ॥
കാലപ്രതീക്ഷാ നഹി തസ്യ കാര്യാ
പുലസ്ത്യപുത്രാഽഽദിവദന്തകാരേ ।
ത്വദാശ്രിതദ്രോഹകൃതോദ്യമാനാം
സദ്യഃ പതേദേവ ഹി മൂര്‍ധ്നി ദണ്ഡഃ ॥ 6 ॥
കണ്ഠേ രുദ്രാക്ഷമാലാം ഭസിതമതിസിതം ഫാലദേശേ ച പശ്യന്‍
നശ്യന്നേവ ക്രുധം യസ്തദപഹൃതമതിഃ സത്സു കുര്‍വീത ഗുര്‍വീം ।
തത്ഫാലാത്തൂര്‍ണമായുര്ലിഖിതമസുഗണം ചാപി തത്കണ്ഠദേശാത്
ക്രുദ്ധാസ്തേ ഹ്യുദ്ധരേയുര്‍നിജപദകമലാങ്ഗുഷ്ഠലീലാവിലാസാത് ॥ 7 ॥
സകലഭുവനകര്‍താ സാംബമൂര്‍തിഃ ശിവശ്ചേത്
സകലമപി പുരാണം സാഗമം ചേത്പ്രമാണം ।
യദി ഭവതി മഹത്വം ഭസ്മരുദ്രാക്ഷഭാജാം
കിമിതി ന മൃതിരസ്മദ്രോഹിണഃ സ്യാദകാണ്ഡേ ॥ 8 ॥
ഇതി ശ്രീഭാരദ്വാജകുലജലധികൌസ്തുഭശ്രീമദദ്വൈതവിദ്യാചാര്യ
ശ്രീമദപ്പയ്യദീക്ഷിതകൃതം ചക്രാങ്കിതനിഗ്രഹാഷ്ടകം സമ്പൂര്‍ണം ॥
ശ്രീരസ്തു । ശുഭമസ്തു ।
– Chant Stotra in Other Languages –
Nigraha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil