ଶ୍ରୀକୃଷ୍ଣରସଵିକ୍ଷିସ୍ତମାନସା ରତିଵର୍ଜିତାଃ ।
ଅନିର୍ଵୃତା ଲୋକଵେଦେ ତେ ମୁଖ୍ୟାଃ ଶ୍ରଵଣୋତ୍ସକାଃ ॥ ୧॥
ଵିକ୍ଲିନ୍ନମନସୋ ୟେ ତୁ ଭଗଵତ୍ସ୍ମୃତିଵିହ୍ଵଲାଃ ।
ଅର୍ଥୈକନିଷ୍ଠାସ୍ତେ ଚାପି ମଧ୍ୟମାଃ ଶ୍ରଵଣୋତ୍ସୁକାଃ ॥ ୨॥
ନିଃସନ୍ଦିଗ୍ଧଂ କୃଷ୍ଣତତ୍ତ୍ଵଂ ସର୍ଵଭାଵେନ ୟେ ଵିଦୁଃ ।
ତେ ତ୍ଵାଵେଶାତ୍ତୁ ଵିକଲା ନିରୋଧାଦ୍ଵା ନ ଚାନ୍ୟଥା ॥ ୩॥
ପୂର୍ଣଭାଵେନ ପୂର୍ଣାର୍ଥାଃ କଦାଚିନ୍ନ ତୁ ସର୍ଵଦା ।
ଅନ୍ୟାସକ୍ତାସ୍ତୁ ୟେ କେଚିଦଧମାଃ ପରିକୀର୍ତିତାଃ ॥ ୪॥
ଅନନ୍ୟମନସୋ ମର୍ତ୍ୟା ଉତ୍ତମାଃ ଶ୍ରଵଣାଦିଷୁ ।
ଦେଶକାଲଦ୍ରଵ୍ୟକର୍ତୃମନ୍ତ୍ରକର୍ମପ୍ରକାରତଃ ॥ ୫॥
ଇତି ଶ୍ରୀଵଲ୍ଲଭାଚାର୍ୟଵିରଚିତାନି ପଞ୍ଚପଦ୍ୟାନି ସମାପ୍ତାନି ।