॥ Pandurang Ashtakam Malayalam Lyrics ॥
॥ പാണ്ഡുരങ്ഗാഷ്ടകം ॥
മഹായോഗപീഠേ തടേ ഭീമരഥ്യാ
വരം പുണ്ഡരീകായ ദാതും മുനീന്ദ്രൈഃ ।
സമാഗത്യ നിഷ്ഠന്തമാനംദകംദം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 1 ॥
തടിദ്വാസസം നീലമേഘാവഭാസം
രമാമംദിരം സുംദരം ചിത്പ്രകാശം ।
വരം ത്വിഷ്ടകായാം സമന്യസ്തപാദം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 2 ॥
പ്രമാണം ഭവാബ്ധേരിദം മാമകാനാം
നിതംബഃ കരാഭ്യാം ധൃതോ യേന തസ്മാത് ।
വിധാതുര്‍വസത്യൈ ധൃതോ നാഭികോശഃ
പരബ്രഹ്മലിങ്ഗം ഭജേ പാണ്ഡുരങ്ഗം ॥ 3 ॥
സ്ഫുരത്കൌസ്തുഭാലങ്കൃതം കണ്ഠദേശേ
ശ്രിയാ ജുഷ്ടകേയൂരകം ശ്രീനിവാസം ।
ശിവം ശാംതമീഡ്യം വരം ലോകപാലം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 4 ॥
ശരച്ചംദ്രബിംബാനനം ചാരുഹാസം
ലസത്കുണ്ഡലാക്രാംതഗണ്ഡസ്ഥലാംതം ।
ജപാരാഗബിംബാധരം കഽജനേത്രം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 5 ॥
കിരീടോജ്വലത്സര്‍വദിക്പ്രാംതഭാഗം
സുരൈരര്‍ചിതം ദിവ്യരത്നൈരനര്‍ഘൈഃ ।
ത്രിഭങ്ഗാകൃതിം ബര്‍ഹമാല്യാവതംസം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 6 ॥
വിഭും വേണുനാദം ചരംതം ദുരംതം
സ്വയം ലീലയാ ഗോപവേഷം ദധാനം ।
ഗവാം ബൃന്ദകാനന്ദദം ചാരുഹാസം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 7 ॥
അജം രുക്മിണീപ്രാണസഞ്ജീവനം തം
പരം ധാമ കൈവല്യമേകം തുരീയം ।
പ്രസന്നം പ്രപന്നാര്‍തിഹം ദേവദേവം
പരബ്രഹ്മലിങ്ഗം ഭജേ പാണ്ഡുരങ്ഗം ॥ 8 ॥
സ്തവം പാണ്ഡുരംഗസ്യ വൈ പുണ്യദം യേ
പഠന്ത്യേകചിത്തേന ഭക്ത്യാ ച നിത്യം ।
ഭവാംഭോനിധിം തേ വിതീര്‍ത്വാന്തകാലേ
ഹരേരാലയം ശാശ്വതം പ്രാപ്നുവന്തി ॥
॥ ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛങ്കരഭഗവതഃ കൃതൌ
പാണ്ഡുരങ്ഗാഷ്ടകം സമ്പൂര്‍ണം ॥
– Chant Stotra in Other Languages –
Sri Vishnu Slokam » Pandurangashtakam Lyrics in Sanskrit » English » Bengali » Gujarati » Kannada » Odia » Telugu » Tamil