॥ Paramatma Ashtakam Odia Lyrics ॥
॥ परमात्माष्टकम ॥
॥ ପରମାତ୍ମାଷ୍ଟକମ୍ ॥
ଶ୍ରୀଗଣେଶାୟ ନମଃ ॥
ପରମାତ୍ମଁସ୍ତଵ ପ୍ରାପ୍ତୌ କୁଶଲୋଽସ୍ମି ନ ସଂଶୟଃ ।
ତଥାପି ମେ ମନୋ ଦୁଷ୍ଟଂ ଭୋଗେଷୁ ରମତେ ସଦା ॥ ୧ ॥
ୟଦା ୟଦା ତୁ ଵୈରାଗ୍ୟଂ ଭୋଗେଭ୍ୟଶ୍ଚ କରୋମ୍ୟହମ୍ ।
ତଦୈଵ ମେ ମନୋ ମୂଢଂ ପୁନର୍ଭୋଗେଷୁ ଗଚ୍ଛତି ॥ ୨ ॥
ଭୋଗାନ୍ଭୁକ୍ତ୍ଵା ମୁଦଂ ୟାତି ମନୋ ମେ ଚଞ୍ଚଲଂ ପ୍ରଭୋ ।
ତଵ ସ୍ମୃତିର୍ୟଦାଽଽୟାତି ତଦା ଭାତି ବହିର୍ମୁଖମ୍ ॥ ୩ ॥
ପ୍ରତ୍ୟହଂ ଶାସ୍ତ୍ରନିଚୟଂ ଚିନ୍ତୟାମି ସମାହିତଃ ।
ତଥାପି ମେ ମନୋ ମୂଢଂ ତ୍ୟକ୍ତ୍ଵା ତ୍ଵାଂ ଭୋଗମିଚ୍ଛତି ॥ ୪ ॥
ଶୋକମୋହୌ ମାନମଦୌ ତଵାଜ୍ଞ୍ନାଦ୍ଭଵନ୍ତି ଵୈ ।
ୟଦା ବୁଦ୍ଧିପଥଂ ୟାସି ୟାନ୍ତି ତେ ଵିଲୟଂ ତଦା ॥ ୫ ॥
କୃପାଂ କୁରୁ ତଥା ନାଥ ତ୍ଵୟି ଚିତ୍ତଂ ସ୍ଥିରଂ ୟଥା ।
ମମ ସ୍ୟାଜ୍ଜ୍ଞାନସଂୟୁକ୍ତଂ ତଵ ଧ୍ୟାନପରାୟଣମ୍ ॥ ୬ ॥
ମାୟୟା ତେ ଵିମୂଢୋଽସ୍ମି ନ ପଶ୍ୟାମି ହିତାହିତମ୍ ।
ସଂସାରପାରପାଥୋଧୌ ପତିତଂ ମାଂ ସମୁଦ୍ଧର ॥ ୭ ॥
ପରମାତ୍ମଁସ୍ତ୍ଵୟି ସଦା ମମ ସ୍ୟାନ୍ନିଶ୍ଚଲା ମତିଃ ।
ସଂସାରଦୁଃଖଗହନାତ୍ତ୍ଵଂ ସଦା ରକ୍ଷକୋ ମମ ॥ ୮ ॥
ପରମାତ୍ମନ ଇଦଂ ସ୍ତୋତ୍ରଂ ମୋହଵିଚ୍ଛେଦକାରକମ୍ ।
ଜ୍ଞାନଦଂ ଚ ଭଵେନ୍ନୄଣାଂ ୟୋଗାନନ୍ଦେନ ନିର୍ମିତମ୍ ॥ ୯ ॥
ଇତି ଶ୍ରୀୟୋଗାନନ୍ଦତୀର୍ଥଵିରଚିତଂ ପରମାତ୍ମାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Lord Shiva Slokam » Paramatma Ashtakam Lyrics in Sanskrit » English » Bengali » Gujarati » Marathi » Kannada » Malayalam » Telugu » Tamil