॥ Parashara Geetaa Bengali Lyrics ॥
॥ পরাশরগীতা ॥ (mahAbhArata shAntiparva Mokshadharma, Chapters 291-298)
অধ্যায় ২৭৯
য্
অতঃ পরং মহাবাহো যচ্ছ্রেয়স্তদ্বদস্ব মে ।
ন তৃপ্যাম্যমৃতস্যেব বসসস্তে পিতামহ ॥ ১॥
কিং কর্ম পুরুষঃ কৃৎবা শুভং পুরুষসত্তম ।
শ্রেয়ঃ পরমবাপ্নোতি প্রেত্য চেহ চ তদ্বদ ॥ ২॥
ভীষ্মোবাচ
অত্র তে বর্তয়িষ্যামি যথাপূর্বং মহায়শঃ ।
পরাশরং মহাত্মানং পপ্রচ্ছ জনকো নৃপঃ ॥ ৩॥
কিং শ্রেয়ঃ সর্বভূতানামস্মিঁল্লোকে পরত্র চ ।
যদ্ভবেৎপ্রতিপত্তব্যং তদ্ভবান্প্রব্রবীতু মে ॥ ৪॥
ততঃ স তপসা যুক্তঃ সর্বধর্মাবিধানবিৎ ।
নৃপায়ানুগ্রহ মনা মুনির্বাক্যমথাব্রবীৎ ॥ ৫॥
ধর্ম এব কৃতঃ শ্রেয়ানিহ লোকে পরত্র চ ।
তস্মাদ্ধি পরমং নাস্তি যথা প্রাহুর্মনীষিণঃ ॥ ৬॥
প্রতিপদ্য নরো ধর্মং স্বর্গলোকে মহীয়তে ।
ধর্মাত্মকঃ কর্ম বিধির্দেহিনাং নৃপসত্তম ।
তস্মিন্নাশ্রমিণঃ সন্তঃ স্বকর্মাণীহ কুর্বতে ॥ ৭॥
চতুর্বিধা হি লোকস্য যাত্রা তাত বিধীয়তে ।
মর্ত্যা যত্রাবতিষ্ঠন্তে সা চ কামাৎপ্রবর্ততে ॥ ৮॥
সুকৃতাসুকৃতং কর্ম নিষেব্য বিবিধৈঃ ক্রমৈঃ ।
দশার্ধ প্রবিভক্তানাং ভূতানাং বহুধা গতিঃ ॥ ৯॥
সৌবর্ণং রাজতং বাপি যথা ভান্দং নিষিচ্যতে ।
তথা নিষিচ্যতে জন্তুঃ পূর্বকর্ম বশানুগঃ ॥ ১০॥
নাবীজাজ্জায়তে কিং চিন্নাকৃৎবা সুখমেধতে ।
সুকৃতী বিন্দতি সুখং প্রাপ্য দেহক্ষয়ং নরঃ ॥ ১১॥
দৈবং তাত ন পশ্যামি নাস্তি দৈবস্য সাধনম্ ।
স্বভাবতো হি সংসিদ্ধা দেবগন্ধর্বদানবাঃ ॥ ১২॥
প্রেত্য জাতিকৃতং কর্ম ন স্মরন্তি সদা জনাঃ ।
তে বৈ তস্য ফলপ্রাপ্তৌ কর্ম চাপি চতুর্বিধম্ ॥ ১৩॥
লোকয়াত্রাশ্রয়শ্চৈব শব্দো বেদাশ্রয়ঃ কৃতঃ ।
শান্ত্যর্থং মনসস্তাত নৈতদ্বৃদ্ধানুশাসনম্ ॥ ১৪॥
চক্ষুষা মনসা বাচা কর্মণা চ চতুর্বিধম্ ।
কুরুতে যাদৃশং কর্ম তাদৃশং প্রতিপদ্যতে ॥ ১৫॥
নিরন্তরং চ মিশ্রং চ ফলতে কর্ম পার্থিব ।
কল্যানং যদি বা পাপং ন তু নাশোঽস্য বিদ্যতে ॥ ১৬॥
কদা চিৎসুকৃতং তাত কূতস্থমিব তিষ্ঠতি ।
মজ্জমানস্য সংসারে যাবদ্দুঃখাদ্বিমুচ্যতে ॥ ১৭॥
ততো দুঃখক্ষয়ং কৃৎবা সুকৃতং কর্ম সেবতে ।
সুকৃতক্ষয়াদ্দুষ্কৃতং চ তদ্বিদ্ধি মনুজাধিপ ॥ ১৮॥
দমঃ ক্ষমা ধৃতিস্তেজঃ সন্তোষঃ সত্যবাদিতা ।
হ্রীরহিংসাব্যসনিতা দাক্ষ্যং চেতি সুখাবহাঃ ॥ ১৯॥
দুষ্কৃতে সুকৃতে বাপি ন জন্তুরয়তো ভবেৎ ।
নিত্যং মনঃ সমাধানে প্রয়তেত বিচক্ষণঃ ॥ ২০॥
নায়ং পরস্য সুকৃতং দুষ্কৃতং বাপি সেবতে ।
করোতি যাদৃশং কর্ম তাদৃশং প্রতিপদ্যতে ॥ ২১॥
সুখদুঃখে সমাধায় পুমানন্যেন গচ্ছতি ।
অন্যেনৈব জনঃ সর্বঃ সঙ্গতো যশ্চ পার্থিব ॥ ২২॥
পরেষাং যদসূয়েত ন তৎকুর্যাৎস্বয়ং নরঃ ।
যো হ্যসূয়ুস্তথায়ুক্তঃ সোঽবহাসং নিয়চ্ছতি ॥ ২৩॥
ভীরূ রাজন্যো ব্রাহ্মণঃ সর্বভক্ষো
বৈশ্যোঽনীহাবান্হীনবর্ণোঽলসশ্ চ ।
বিদ্বাংশ্চাশীলো বৃত্তহীনঃ কুলীনঃ
সত্যাদ্ভ্রষ্টো ব্রাহ্মণঃ স্ত্রী চ দুষ্টা ॥ ২৪॥
রাগী মুক্তঃ পচমানোঽঽত্মহেতোর্
মূর্খো বক্তা নৃপ হীনং চ রাস্ত্রম্ ।
এতে সর্বে শোচ্যতাং যান্তি রাজন্
যশ্চায়ুক্তঃ স্নেহহীনঃ প্রজাসু ॥ ২৫॥
অধ্যায় ২৮০
পরাশরোবাচ
মনোরথরথং প্রাপ্য ইন্দ্রিয়ার্থ হয়ং নরঃ ।
রশ্মিভির্জ্ঞানসম্ভূতৈর্যো গচ্ছতি স বুদ্ধিমান্ ॥ ১॥
সেবাশ্রিতেন মনসা বৃত্তি হীনস্য শস্যতে ।
দ্বিজাতিহস্তান্নির্বৃত্তা ন তু তুল্যাৎপরস্পরম্ ॥ ২॥
আয়ুর্নসুলভং লব্ধ্বা নাবকর্ষেদ্বিশাং পতে ।
উৎকর্ষার্থং প্রয়ততে নরঃ পুণ্যেন কর্মণা ॥ ৩॥
বর্ণেভ্যোঽপি পরিভ্রষ্টঃ স বৈ সংমানমর্হতি ।
ন তু যঃ সৎক্রিয়াং প্রাপ্য রাজসং কর্ম সেবতে ॥ ৪॥
বর্ণোৎকর্ষমবাপ্নোতি নরঃ পুণ্যেন কর্মণা ।
দুর্লভং তমলব্ধা হি হন্যাৎপাপেন কর্মণা ॥ ৫॥
অজ্ঞানাদ্ধি কৃতং পাপং তপসৈবাভিনির্নুদেৎ ।
পাপং হি কর্মফলতি পাপমেব স্বয়ং কৃতম্ ।
তস্মাৎপাপং ন সেবেত কর্ম দুঃখফলোদয়ম্ ॥ ৬॥
পাপানুবন্ধং যৎকর্ম যদ্যপি স্যান্মহাফলম্ ।
ন তৎসেবেত মেধাবী শুচিঃ কুসলিলং যথা ॥ ৭॥
কিং কস্তমনুপশ্যামি ফলং পাপস্য কর্মণঃ ।
প্রত্যাপন্নস্য হি সতো নাত্মা তাবদ্বিরোচতে ॥ ৮॥
প্রত্যাপত্তিশ্চ যস্যেহ বালিশস্য ন জায়তে ।
তস্যাপি সুমহাংস্তাপঃ প্রস্থিতস্যোপজায়তে ॥ ৯॥
বিরক্তং শোধ্যতে বস্ত্রং ন তু কৃষ্ণোপসংহিতম্ ।
প্রয়ত্নেন মনুষ্যেন্দ্র পাপমেবং নিবোধ মে ॥ ১০॥
স্বয়ং কৃৎবা তু যঃ পাপং শুভমেবানুতিষ্ঠতি ।
প্রায়শ্চিত্তং নরঃ কর্তুমুভয়ং সোঽশ্নুতে পৃথক্ ॥ ১১॥
অজানাত্তু কৃতাং হিংসামহিংসা ব্যপকর্ষতি ।
ব্রাহ্মণাঃ শাস্ত্রনির্দেশাদিত্যাহুর্ব্রহ্মবাদিনঃ ॥ ১২॥
কথা কামকৃতং চাস্য বিহিংসৈবাপকর্ষতি ।
ইত্যাহুর্ধর্মশাস্ত্রজ্ঞা ব্রাহ্মণা বেদপারগাঃ ॥ ১৩॥
অহং তু তাবৎপশ্যামি কর্ম যদ্বর্ততে কৃতম্ ।
গুণয়ুক্তং প্রকাশং চ পাপেনানুপসংহিতম্ ॥ ১৪॥
যথা সূক্ষ্মাণি কর্মাণি ফলন্তীহ যথাতথম্ ।
বুদ্ধিয়ুক্তানি তানীহ কৃতানি মনসা সহ ॥ ১৫॥
ভবত্যল্পফলং কর্ম সেবিতং নিত্যমুল্বনম্ ।
অবুদ্ধিপূর্বং ধর্মজ্ঞ কৃতমুগ্রেণ কর্মণা ॥ ১৬॥
কৃতানি যানি কর্মাণি দৈবতৈর্মুনিভিস্তথা ।
নাচরেত্তানি ধর্মাত্মা শ্রুৎবা চাপি ন কুৎসয়েৎ ॥ ১৭॥
সঞ্চিন্ত্য মনসা রাজন্বিদিৎবা শক্তিমাত্মনঃ ।
করোতি যঃ শুভং কর্ম স বৈ ভদ্রাণি পশ্যতি ॥ ১৮॥
নবে কপালে সলিলং সংন্যস্তং হীয়তে যথা ।
নবেতরে তথা ভাবং প্রাপ্নোতি সুখভাবিতম্ ॥ ১৯॥
সতোয়েঽন্যত্তু যত্তোয়ং তস্মিন্নেব প্রসিচ্যতে ।
বৃদ্ধে বৃদ্ধিমবাপ্নোতি সলিলে সলিলং যথা ॥ ২০॥
এবং কর্মাণি যানীহ বুদ্ধিয়ুক্তানি ভূপতে ।
নসমানীহ হীনানি তানি পুণ্যতমান্যপি ॥ ২১॥
রাজ্ঞা জেতব্যাঃ সায়ুধাশ্চোন্নতাশ্ চ
সম্যক্কর্তব্যং পালনং চ প্রজানাম্ ।
অগ্নিশ্চেয়ো বহুভিশ্চাপি যজ্ঞৈর্
অন্তে মধ্যে বা বনমাশ্রিত্য স্থেয়ম্ ॥ ২২॥
দমান্বিতঃ পুরুষো ধর্মশীলো
ভূতানি চাত্মানমিবানুপশ্যেৎ ।
গরীয়সঃ পূজয়েদাত্মশক্ত্যা
সত্যেন শীলেন সুখং নরেন্দ্র ॥ ২৩॥
অধ্যায় ২৮১
পরাশরোবাচ
কঃ কস্য চোপকুরুতে কশ্ চ কস্মৈ প্রয়চ্ছতি ।
প্রানী করোত্যযং কর্ম সর্বমাত্মার্থমাত্মনা ॥ ১॥
গৌরবেণ পরিত্যক্তং নিঃস্নেহং পরিবর্জয়েৎ ।
সোদর্যং ভ্রাতরমপি কিমুতান্যং পৃথগ্জনম্ ॥ ২॥
বিশিষ্টস্য বিশিষ্টাচ্চ তুল্যৌ দানপ্রতিগ্রহৌ ।
তয়োঃ পুণ্যতরং দানং তদ্দ্বিজস্য প্রয়চ্ছতঃ ॥ ৩॥
ন্যায়াগতং ধনং বর্ণৈর্ন্যায়েনৈব বিবর্ধিতম্ ।
সংরক্ষ্যং যত্নমাস্থায় ধর্মার্থমিতি নিশ্চয়ঃ ॥ ৪॥
ন ধর্মার্থী নৃশংসেন কর্মণা ধনমর্জয়েৎ ।
শক্তিতঃ সর্বকার্যাণি কুর্যান্নর্দ্ধিমনুস্মরেৎ ॥ ৫॥
অপো হি প্রয়তঃ শীতাস্তাপিতা জ্বলনেন বা ।
শক্তিতোঽতিথয়ে দত্ত্বা ক্ষুধার্তায়াশ্নুতে ফলম্ ॥ ৬॥
রন্তিদেবেন লোকেষ্টা সিদ্ধিঃ প্রাপ্তা মহাত্মনা ।
ফলপত্রৈরথো মূলৈর্মুনীনর্চিতবানসৌ ॥ ৭॥
তৈরেব ফলপত্রৈশ্চ স মাথরমতোষয়ৎ ।
তস্মাল্লেভে পরং স্থানং শৈব্যোঽপি পৃথিবীপতিঃ ॥ ৮॥
দেবতাতিথিভৃত্যেভ্যঃ পিতৃভ্যোঽথাত্মনস্তথা ।
ঋণবাঞ্জায়তে মর্ত্যস্তস্মাদনৃণতাং ব্রজেৎ ॥ ৯॥
স্বাধ্যায়েন মহর্ষিভ্যো দেবেভ্যো যজ্ঞকর্মণা ।
পিতৃভ্যঃ শ্রাদ্ধদানেন নৃণাম্ অভ্যর্চনেন চ ॥ ১০॥
বাচঃ শেষাবহার্যেণ পালনেনাত্মনোঽপি চ ।
যথাবদ্ধৃত্য বর্গস্য চিকীর্ষেদ্ধর্মমাদিতঃ ॥ ১১॥
প্রয়ত্নেন চ সংসিদ্ধা ধনৈরপি বিবর্জিতাঃ ।
সম্যগ্ঘুৎবা হুতবহং মুনয়ঃ সিদ্ধিমাগতাঃ ॥ ১২॥
বিশ্বামিত্রস্য পুত্রৎবমৃচীক তনয়োঽগমৎ ।
ঋগ্ভিঃ স্তুৎবা মহাভাগো দেবান্বৈ যজ্ঞভাগিনঃ ॥ ১৩॥
গতঃ শুক্রৎবমুশনা দেবদেব প্রসাদনাৎ ।
দেবীং স্তুৎবা তু গগনে মোদতে তেজসা বৃতঃ ॥ ১৪॥
অসিতো দেবলশ্চৈব তথা নারদ পর্তবৌ ।
কক্ষীবাঞ্জামদগ্ন্যশ্চ রামস্তান্দ্যস্তথাংশুমান্ ॥ ১৫॥
বসিষ্ঠো জমদগ্নিশ্চ বিশ্বামিত্রোঽত্রিরেব চ ।
ভরদ্বাজো হরিশ্মশ্রুঃ কুন্দধারঃ শ্রুতশ্রবাঃ ॥ ১৬॥
এতে মহর্ষয়ঃ স্তুৎবা বিষ্ণুমৃগ্ভিঃ সমাহিতাঃ ।
লেভিরে তপসা সিদ্ধিং প্রসাদাত্তস্য ধীমতঃ ॥ ১৭॥
অনর্হাশ্চার্হতাং প্রাপ্তাঃ সন্তঃ স্তুৎবা তমেব হ ।
ন তু বৃদ্ধিমিহান্বিচ্ছেৎকর্মকৃৎবা জুগুপ্সিতম্ ॥ ১৮॥
যেঽর্থা ধর্মেণ তে সত্যা যেঽধর্মেণ ধিগস্তু তান্ ।
ধর্মং বৈ শাশ্বতং লোকে ন জহ্যাদ্ধনকাঙ্ক্ষয়া ॥ ১৯॥
আহিতাগ্নির্হি ধর্মাত্মা যঃ স পুণ্যকৃদুত্তমঃ ।
বেদা হি সর্বে রাজেন্দ্র স্থিতাস্ত্রিষ্বগ্নিষু প্রভো ॥ ২০॥
স চাপ্যগ্ন্যাহিতো বিপ্রঃ ক্রিয়া যস্য ন হীয়তে ।
শ্রেয়ো হ্যনাহিতাগ্নিৎবমগ্নিহোত্রং ন নিষ্ক্রিয়ম্ ॥ ২১॥
অগ্নিরাত্মা চ মাতা চ পিতা জনয়িতা তথা ।
গুরুশ্চ নরশার্দূল পরিচর্যা যথাতথম্ ॥ ২২॥
মানং ত্যক্ত্বা যো নরো বৃদ্ধসেবী
বিদ্বান্ক্লীবঃ পশ্যতি প্রীতিয়োগাৎ ।
দাক্ষ্যেণাহীনো ধর্ময়ুক্তো নদান্তো
লোকেঽস্মিন্বৈ পূজ্যতে সদ্ভিরার্যঃ ॥ ২৩॥
অধ্যায় ২৮২
পরাশরোবাচ
বৃত্তিঃ সকাশাদ্বর্ণেভ্যস্ত্রিভ্যো হীনস্য শোভনা ।
প্রীত্যোপনীতা নির্দিষ্টা ধর্মিষ্ঠান্কুরুতে সদা ॥ ১॥
বৃত্তিশ্চেন্নাস্তি শূদ্রস্য পিতৃপৈতামহী ধ্রুবা ।
ন বৃত্তিং পরতো মার্গেচ্ছুশ্রূসাং তু প্রয়োজয়েৎ ॥ ২॥
সদ্ভিস্তু সহ সংসর্গঃ শোভতে ধর্মদর্শিভিঃ ।
নিত্যং সর্বাস্ববস্থাসু নাসদ্ভিরিতি মে মতিঃ ॥ ৩॥
যথোদয় গিরৌ দ্রব্যং সংনিকর্ষেণ দীপ্যতে ।
তথা সৎসংনিকর্ষেণ হীনবর্ণোঽপি দীপ্যতে ॥ ৪॥
যাদৃশেন হি বর্ণেন ভাব্যতে শুক্লমম্বরম্ ।
তাদৃশং কুরুতে রূপমেতদেবমবৈহি মে ॥ ৫॥
তস্মাদ্গুণেষু রজ্যেথা মা দোষেষু কদা চন ।
অনিত্যমিহ মর্ত্যানাং জীবিতং হি চলাচলম্ ॥ ৬॥
সুখে বা যদি বা দুঃখে বর্তমানো বিচক্ষণঃ ।
যশ্চিনোতি শুভান্যেব স ভদ্রাণীহ পশ্যতি ॥ ৭॥
ধর্মাদপেতং যৎকর্ম যদ্যপি স্যান্মহাফলম্ ।
ন তৎসেবেত মেধাবী ন তদ্ধিতমিহোচ্যতে ॥ ৮॥
যো হৃৎবা গোসহস্রাণি নৃপো দদ্যাদরক্ষিতা ।
স শব্দমাত্রফলভাগ্রাজা ভবতি তস্করঃ ॥ ৯॥
স্বয়ম্ভূরসৃজচ্চাগ্রে ধাতারং লোকপূজিতম্ ।
ধাতাসৃজৎপুত্রমেকং প্রজানাং ধারণে রতম্ ॥ ১০॥
তমর্চয়িৎবা বৈশ্যস্তু কুর্যাদত্যর্থমৃদ্ধিমৎ ।
রক্ষিতব্যং তু রাজন্যৈরুপয়োজ্যং দ্বিজাতিভিঃ ॥ ১১॥
অজিহ্মৈরশথ ক্রোধৈর্হব্যকব্য প্রয়োক্তৃভিঃ ।
শূদ্রৈর্নির্মার্জনং কার্যমেবং ধর্মো ন নশ্যতি ॥ ১২॥
অপ্রনস্তে ততো ধর্মে ভবন্তি সুখিতাঃ প্রজাঃ ।
সুখেন তাসাং রাজেন্দ্র মোদন্তে দিবি দেবতাঃ ॥ ১৩॥
তস্মাদ্যো রক্ষতি নৃপঃ স ধর্মেণাভিপূজ্যতে ।
অধীতে চাপি যো বিপ্রো বৈশ্যো যশ্চার্জনে রতঃ ॥ ১৪॥
যশ্চ শুশ্রূসতে শূদ্রঃ সততং নিয়তেন্দ্রিয়ঃ ।
অতোঽন্যথা মনুষ্যেন্দ্র স্বধর্মাৎপরিহীয়তে ॥ ১৫॥
প্রাণ সন্তাপনির্দিষ্টাঃ কাকিন্যোঽপি মহাফলাঃ ।
ন্যায়েনোপার্জিতা দত্তাঃ কিমুতান্যাঃ সহস্রশঃ ॥ ১৬॥
সৎকৃত্য তু দ্বিজাতিভ্যো যো দদাতি নরাধিপ ।
যাদৃশং তাদৃশং নিত্যমশ্নাতি ফলমূর্জিতম্ ॥ ১৭॥
অভিগম্য দত্তং তুষ্ট্যা যদ্ধন্যমাহুরভিষ্টুতম্ ।
যাচিতেন তু যদ্দত্তং তদাহুর্মধ্যমং বুধাঃ ॥ ১৮॥
অবজ্ঞয়া দীয়তে যত্তথৈবাশ্রদ্ধয়াপি চ ।
তদাহুরধমং দানং মুনয়ঃ সত্যবাদিনঃ ॥ ১৯॥
অতিক্রমে মজ্জমানো বিবিধেন নরঃ সদা ।
তথা প্রয়ত্নং কুর্বীত যথা মুচ্যেত সংশয়াৎ ॥ ২০॥
দমেন শোভতে বিপ্রঃ ক্ষত্রিয়ো বিজয়েন তু ।
ধনেন বৈশ্যঃ শূদ্রস্তু নিত্যং দাক্ষ্যেণ শোভতে ॥ ২১॥
অধ্যায় ২৮৩
পরাশরোবাচ
প্রতিগ্রহাগতা বিপ্রে ক্ষত্রিয়ে শস্ত্রনির্জিতাঃ ।
বৈশ্যে ন্যায়ার্জিতাশ্চৈব শূদ্রে শুশ্রূসয়ার্জিতাঃ ।
স্বলাপ্যর্থাঃ প্রশস্যন্তে ধর্মস্যার্থে মহাফলাঃ ॥ ১॥
নিত্যং ত্রয়াণাং বর্ণানাং শূদ্রঃ শুশ্রূসুরুচ্যতে ।
ক্ষত্রধর্মা বৈশ্য ধর্মা নাবৃত্তিঃ পততি দ্বিজঃ ।
শূদ্র কর্মা যদা তু স্যাত্তদা পততি বৈ দ্বিজঃ ॥ ২॥
বানিজ্যং পাশুপাল্যং চ তথা শিল্পোপজীবনম্ ।
শূদ্রস্যাপি বিধীয়ন্তে যদা বৃত্তির্ন জায়তে ॥ ৩॥
রঙ্গাবতরণং চৈব তথারূপোপজীবনম্ ।
মদ্য মাংসোপজীব্যং চ বিক্রয়ো লোহচর্মণোঃ ॥ ৪॥
অপূর্বিণা ন কর্তব্যং কর্ম লোকে বিগর্হিতম্ ।
কৃতপূর্বিণস্তু ত্যজতো মহান্ধর্ম ইতি শ্রুতিঃ ॥ ৫॥
সংসিদ্ধিঃ পুরুষো লোকে যদাচরতি পাপকম্ ।
মদেনাভিপ্লুত মনাস্তচ্চ ন গ্রাহ্যমুচ্যতে ॥ ৬॥
শ্রূয়ন্তে হি পুরাণে বৈ প্রজা ধিগ্দন্দ শাসনাঃ ।
দান্তা ধর্মপ্রধানাশ্চ ন্যায়ধর্মানুবর্তকাঃ ॥ ৭॥
ধর্ম এব সদা নৄণামিহ রাজন্প্রশস্যতে ।
ধর্মবৃদ্ধা গুণানেব সেবন্তে হি নরা ভুবি ॥ ৮॥
তং ধর্মমসুরাস্তাত নামৃষ্যন্ত জনাধিপ ।
বিবর্ধমানাঃ ক্রমশস্তত্র তেঽন্বাবিশন্প্রজাঃ ॥ ৯॥
তেষাং দর্পঃ সমভবৎপ্রজানাং ধর্মনাশনঃ ।
দর্পাত্মনাং ততঃ ক্রোধঃ পুনস্তেষামজায়ত ॥ ১০॥
ততঃ ক্রোধাভিভূতানাং বৃত্তং লজ্জা সমন্বিতম্ ।
হ্রীশ্চৈবাপ্যনশদ্রাজংস্ততো মোহো ব্যজায়ত ॥ ১১॥
ততো মোহপরীতাস্তে নাপশ্যন্ত যথা পুরা ।
পরস্পরাবমর্দেন বর্তয়ন্তি যথাসুখম্ ॥ ১২॥
তান্প্রাপ্য তু স ধিগ্দণ্ডো ন কারণমতোঽভবৎ ।
ততোঽভ্যগচ্ছন্দেবাংশ্চ ব্রাহ্মণাংশ্চাবমন্য হ ॥ ১৩॥
এতস্মিন্নেব কালে তু দেবা দেববরং শিবম্ ।
অগচ্ছঞ্শরণং বীরং বহুরূপং গণাধিপম্ ॥ ১৪॥
তেন স্ম তে গগনগাঃ সপুরাঃ পাতিতাঃ ক্ষিতৌ ।
তিস্রোঽপ্যেকেন বানেন দেবাপ্যায়িত তেজসা ॥ ১৫॥
তেষামধিপতিস্ত্বাসীদ্ভীমো ভীমপরাক্রমঃ ।
দেবতানাং ভয়করঃ স হতঃ শূলপাণিনা ॥ ১৬॥
তস্মিন্হতেঽথ স্বং ভাবং প্রত্যপদ্যন্ত মানবাঃ ।
প্রাবর্তন্ত চ বেদা বৈ শাস্ত্রাণি চ যথা পুরা ॥ ১৭॥
ততোঽভ্যসিঞ্চন্রাজ্যেন দেবানাং দিবি বাসবম্ ।
সপ্তর্ষয়শ্চান্বয়ুঞ্জন্নরাণাং দন্দ ধারণে ॥ ১৮॥
সপ্তর্ষীণামথোর্ধ্বং চ বিপৃথুর্নাম পার্থিবঃ ।
রাজানঃ ক্ষত্রিয়াশ্চৈব মন্দলেষু পৃথক্পৃথক্ ॥ ১৯॥
মহাকুলেষু যে জাতা বৃত্তাঃ পূর্বতরাশ্ চ যে ।
তেষামথাসুরো ভাবো হৃদয়ান্নাপসর্পতি ॥ ২০॥
তস্মাত্তেনৈব ভাবেন সানুষঙ্গেন পার্থিবাঃ ।
আসুরাণ্যেব কর্মাণি ন্যসেবন্ভীমবিক্রমাঃ ॥ ২১॥
প্রত্যতিষ্ঠংশ্চ তেষ্বেব তান্যেব স্থাপয়ন্তি চ ।
ভজন্তে তানি চাদ্যাপি যে বালিশতমা নরাঃ ॥ ২২॥
তস্মাদহং ব্রবীমি ৎবাং রাজন্সঞ্চিন্ত্য শাস্ত্রতঃ ।
সংসিদ্ধাধিগমং কুর্যাৎকর্ম হিংসাত্মকং ত্যজেৎ ॥ ২৩॥
ন সঙ্করেণ দ্রবিণং বিচিন্বীত বিচক্ষণঃ ।
ধর্মার্থং ন্যায়মুৎসৃজ্য ন তৎকল্যানমুচ্যতে ॥ ২৪॥
স ৎবমেবংবিধো দান্তঃ ক্ষত্রিয়ঃ প্রিয়বান্ধবঃ ।
প্রজা ভৃত্যাংশ্চ পুত্রাংশ্চ স্বধর্মেণানুপালয় ॥ ২৫॥
ইষ্টানিষ্ট সমায়োগো বৈরং সৌহার্দমেব চ ।
অথ জাতিসহস্রাণি বহূনি পরিবর্ততে ॥ ২৬॥
তস্মাদ্গুণেষু রজ্যেথা মা দোষেষু কদা চন ।
নির্গুণো যো হি দুর্বুদ্ধিরাত্মনঃ সোঽরিরুচ্যতে ॥ ২৭॥
মানুষেষু মহারাজ ধর্মাধর্মৌ প্রবর্ততঃ ।
ন তথান্যেষু ভূতেষু মনুষ্যরহিতেষ্বিহ ॥ ২৮॥
ধর্মশীলো নরো বিদ্বানীহকোঽনীহকোঽপি বা ।
আত্মভূতঃ সদা লোকে চরেদ্ভূতান্যহিংসয়ন্ ॥ ২৯॥
যদা ব্যপেতদ্ধৃল্লেখং মনো ভবতি তস্য বৈ ।
নানৃতং চৈব ভবতি তদা কল্যানমৃচ্ছতি ॥ ৩০॥
অধ্যায় ২৮৪
পরাশরোবাচ
এষ ধর্মবিধিস্তাত গৃহস্থস্য প্রকীর্তিতঃ ।
তপস্বিধিং তু বক্ষ্যামি তন্মে নিগদতঃ শৃণু ॥ ১॥
প্রায়েন হি গৃহস্থস্য মমৎবং নাম জায়তে ।
সঙ্গাগতং নরশ্রেষ্ঠ ভাবৈস্তামসরাজসৈঃ ॥ ২॥
গৃহাণ্যাশ্রিত্য গাবশ্চ ক্ষেত্রাণি চ ধনানি চ ।
দারাঃ পুত্রাশ্চ ভৃত্যাশ্চ ভবন্তীহ নরস্য বৈ ॥ ৩॥
এবং তস্য প্রবৃত্তস্য নিত্যমেবানুপশ্যতঃ ।
রাগদ্বেষৌ বিবর্ধেতে হ্যনিত্যৎবমপশ্যতঃ ॥ ৪॥
রাগদ্বেষাভিভূতং চ নরং দ্রব্যবশানুগম্ ।
মোহজাতা রতির্নাম সমুপৈতি নরাধিপ ॥ ৫॥
কৃতার্থো ভোগতো ভূৎবা স বৈ রতিপরায়নঃ ।
লাভং গ্রাম্যসুখাদন্যং রতিতো নানুপশ্যতি ॥ ৬॥
ততো লোভাভিভূতাত্মা সঙ্গাদ্বর্ধয়তে জনম্ ।
পুষ্ট্যর্থং চৈব তস্যেহ জনস্যার্থং চিকীর্ষতি ॥ ৭॥
স জানন্নপি চাকার্যমর্থার্থং সেবতে নরঃ ।
বাল স্নেহপরীতাত্মা তৎক্ষয়াচ্চানুতপ্যতে ॥ ৮॥
ততো মানেন সম্পন্নো রক্ষন্নাত্মপরাজয়ম্ ।
করোতি যেন ভোগী স্যামিতি তস্মাদ্বিনশ্যতি ॥ ৯॥
তপো হি বুদ্ধিয়ুক্তানাং শাশ্বতং ব্রহ্ম দর্শনম্ ।
অন্বিচ্ছতাং শুভং কর্ম নরাণাং ত্যজতাং সুখম্ ॥ ১০॥
স্নেহায়তন নাশাচ্চ ধননাশাচ্চ পার্থিব ।
আধিব্যাধি প্রতাপাচ্চ নির্বেদমুপগচ্ছতি ॥ ১১॥
নির্বেদাদাত্মসম্বোধঃ সম্বোধাচ্ছাস্ত্র দর্শনম্ ।
শাস্ত্রার্থদর্শনাদ্রাজংস্তপ এবানুপশ্যতি ॥ ১২॥
দুর্লভো হি মনুষ্যেন্দ্র নরঃ প্রত্যবমর্শবান্ ।
যো বৈ প্রিয় সুখে ক্ষীণে তপঃ কর্তুং ব্যবস্যতি ॥ ১৩॥
তপঃ সর্বগতং তাত হীনস্যাপি বিধীয়তে ।
জিতেন্দ্রিয়স্য দান্তস্য স্বর্গমার্গপ্রদেশকম্ ॥ ১৪॥
প্রজাপতিঃ প্রজাঃ পূর্বমসৃজত্তপসা বিভুঃ ।
ক্ব চিৎক্ব চিদ্ব্রতপরো ব্রতান্যাস্থায় পার্থিব ॥ ১৫॥
আদিত্যা বসবো রুদ্রাস্তথৈবাগ্ন্যশ্বিমারুতাঃ ।
বিশ্বেদেবাস্তথা সাধ্যাঃ পিতরোঽথ মরুদ্গণাঃ ॥ ১৬॥
যক্ষরাক্ষস গন্ধর্বাঃ সিদ্ধাশ্চান্যে দিবৌকসঃ ।
সংসিদ্ধাস্তপসা তাত যে চান্যে স্বর্গবাসিনঃ ॥ ১৭॥
যে চাদৌ ব্রহ্মণা সৃষ্টা ব্রাহ্মণাস্তপসা পুরা ।
তে ভাবয়ন্তঃ পৃথিবীং বিচরন্তি দিবং তথা ॥ ১৮॥
মর্ত্যলোকে চ রাজানো যে চান্যে গৃহমেধিনঃ ।
মহাকুলেষু দৃশ্যন্তে তৎসর্বং তপসঃ ফলম্ ॥ ১৯॥
কৌশিকানি চ বস্ত্রাণি শুভান্যাভরণানি চ ।
বাহনাসন যানানি সর্বং তত্তপসঃ ফলম্ ॥ ২০॥
মনোঽনুকূলাঃ প্রমদা রূপবত্যঃ সহস্রশঃ ।
বাসঃ প্রাসাদপৃষ্ঠে চ তৎসর্বং তপসঃ ফলম্ ॥ ২১॥
শয়নানি চ মুখ্যানি ভোজ্যানি বিবিধানি চ ।
অভিপ্রেতানি সর্বাণি ভবন্তি কৃতকর্মণাম্ ॥ ২২॥
নাপ্রাপ্যং তপসা কিং চিত্ত্রৈলোক্যেঽস্মিন্পরন্তপ ।
উপভোগ পরিত্যাগঃ ফলান্যকৃতকর্মণাম্ ॥ ২৩॥
সুখিতো দুঃখিতো বাপি নরো লোভং পরিত্যজেৎ ।
অবেক্ষ্য মনসা শাস্ত্রং বুদ্ধ্যা চ নৃপসত্তম ॥ ২৪॥
অসন্তোষোঽসুখায়ৈব লোভাদিন্দ্রিয়বিভ্রমঃ ।
ততোঽস্য নশ্যতি প্রজ্ঞা বিদ্যেবাভ্যাস বর্জিতা ॥ ২৫॥
নষ্ট প্রজ্ঞো যদা ভবতি তদা ন্যায়ং ন পশ্যতি ।
তস্মাৎসুখক্ষয়ে প্রাপ্তে পুমানুগ্রং তপশ্ চরেৎ ॥ ২৬॥
যদিষ্টং তৎসুখং প্রাহুর্দ্বেষ্যং দুঃখমিহোচ্যতে ।
কৃতাকৃতস্য তপসঃ ফলং পশ্যস্ব যাদৃশম্ ॥ ২৭॥
নিত্যং ভদ্রাণি পশ্যন্তি বিষয়াংশ্চোপভুঞ্জতে ।
প্রাকাশ্যং চৈব গচ্ছন্তি কৃৎবা নিষ্কল্মষং তপঃ ॥ ২৮॥
অপ্রিয়াণ্যবমানাংশ্চ দুঃখং বহুবিধাত্মকম্ ।
ফলার্থী তৎপথত্যক্তঃ প্রাপ্নোতি বিষয়াত্মকম্ ॥ ২৯॥
ধর্মে তপসি দানে চ বিচিকিৎসাস্য জায়তে ।
স কৃৎবা পাপকান্যেব নিরয়ং প্রতিপদ্যতে ॥ ৩০॥
সুখে তু বর্তমানো বৈ দুঃখে বাপি নরোত্তম ।
স্ববৃত্তাদ্যো ন চলতি শাস্ত্রচক্ষুঃ স মানবঃ ॥ ৩১॥
ইষুপ্রপাত মাত্রং হি স্পর্শয়োগে রতিঃ স্মৃতা ।
রসনে দর্শনে ঘ্রাণে শ্রবণে চ বিশাং পতে ॥ ৩২॥
ততোঽস্য জায়তে তীব্রা বেদনা তৎক্ষয়াৎপুনঃ ।
বুধা যেন প্রশংসন্তি মোক্ষং সুখমনুত্তমম্ ॥ ৩৩॥
ততঃ ফলার্থং চরতি ভবন্তি জ্যায়সো গুণাঃ ।
ধর্মবৃত্ত্যা চ সততং কামার্থাভ্যাং ন হীয়তে ॥ ৩৪॥
অপ্রয়ত্নাগতাঃ সেব্যা গৃহস্থৈর্বিষয়াঃ সদা ।
প্রয়ত্নেনোপগম্যশ্চ স্বধর্ম ইতি মে মতিঃ ॥ ৩৫॥
মানিনাং কুলজাতানাং নিত্যং শাস্ত্রার্থচক্ষুষাম্ ।
ধর্মক্রিয়া বিয়ুক্তানামশক্ত্যা সংবৃতাত্মনাম্ ॥ ৩৬॥
ক্রিয়মাণং যদা কর্ম নাশং গচ্ছতি মানুষম্ ।
তেষাং নান্যদৃতে লোকে তপসঃ কর্ম বিদ্যতে ॥ ৩৭॥
সর্বাত্মনা তু কুর্বীত গৃহস্থঃ কর্ম নিশ্চয়ম্ ।
দাক্ষ্যেণ হব্যকব্যার্থং স্বধর্মং বিচরেন্নৃপ ॥ ৩৮॥
যথা নদীনদাঃ সর্বে সাগরে যান্তি সংস্থিতম্ ।
এবমাশ্রমিণঃ সর্বে গৃহস্থে যান্তি সংস্থিতম্ ॥ ৩৯॥
অধ্যায় ২৮৫
জনক
বর্ণো বিশেষবর্ণানাং মহর্ষে কেন জায়তে ।
এতদিচ্ছাম্যহং শ্রোতুং তদ্ব্রূহি বদতাং বর ॥ ১॥
যদেতজ্জায়তেঽপত্যং স এবায়মিতি শ্রুতিঃ ।
কথং ব্রাহ্মণতো জাতো বিশেষগ্রহণং গতঃ ॥ ২॥
পরাশরোবাচ
এবমেতন্মহারাজ যেন জাতঃ স এব সঃ ।
তপসস্ত্বপকর্ষেণ জাতিগ্রহণতাং গতঃ ॥ ৩॥
সুক্ষেত্রাচ্চ সুবীজাচ্চ পুণ্যো ভবতি সম্ভবঃ ।
অতোঽন্যতরতো হীনাদবরো নাম জায়তে ॥ ৪॥
বক্রাদ্ভুজাভ্যামূরুভ্যাং পদ্ভ্যাং চৈবাথ জজ্ঞিরে ।
সৃজতঃ প্রজাপতের্লোকানিতি ধর্মবিদো বিদুঃ ॥ ৫॥
মুখজা ব্রাহ্মণাস্তাত বাহুজাঃ ক্ষত্রবন্ধবঃ ।
ঊরুজা ধনিনো রাজন্পাদজাঃ পরিচারকাঃ ॥ ৬॥
চতুর্ণামেব বর্ণানামাগমঃ পুরুষর্ষভ ।
অতোঽন্যে ৎবতিরিক্তা যে তে বৈ সঙ্করজাঃ স্মৃতাঃ ॥ ৭॥
ক্ষত্রজাতিরথাম্বস্থা উগ্রা বৈদেহকাস্তথা ।
শ্বপাকাঃ পুল্কসাঃ স্তেনা নিষাদাঃ সূতমাগধাঃ ॥ ৮॥
আয়োগাঃ করণা ব্রাত্যাশ্চন্দালাশ্চ নরাধিপ ।
এতে চতুর্ভ্যো বর্ণেভ্যো জায়ন্তে বৈ পরস্পরম্ ॥ ৯॥
জনক
ব্রহ্মণৈকেন জাতানাং নানাৎবং গোত্রতঃ কথম্ ।
বহূনীহ হি লোকে বৈ গোত্রাণি মুনিসত্তম ॥ ১০॥
যত্র তত্র কথং জাতাঃ স্বয়োনিং মুনয়ো গতাঃ ।
শূদ্রয়োনৌ সমুৎপন্না বিয়োনৌ চ তথাপরে ॥ ১১॥
পরাশরোবাচ
রাজন্নেতদ্ভবেদ্গ্রাহ্যমপকৃষ্টেন জন্মনা ।
মহাত্মানং সমুৎপত্তিস্তপসা ভাবিতাত্মনাম্ ॥ ১২॥
উৎপাদ্য পুত্রান্মুনয়ো নৃপতৌ যত্র তত্র হ ।
স্বেনৈব তপসা তেষামৃষিৎবং বিদধুঃ পুনঃ ॥ ১৩॥
পিতামহশ্চ মে পূর্বমৃশ্যশৃঙ্গশ্চ কাশ্যপঃ ।
বতস্তান্দ্যঃ কৃপশ্চৈব কক্ষীবান্কমথাদয়ঃ ॥ ১৪॥
যবক্রীতশ্চ নৃপতে দ্রোণশ্চ বদতাং বরঃ ।
আয়ুর্মতঙ্গো দত্তশ্ চ দ্রুপদো মৎস্য এব চ ॥ ১৫॥
এতে স্বাং প্রকৃতিং প্রাপ্তা বৈদেহ তপসোঽঽশ্রয়াৎ ।
প্রতিষ্ঠিতা বেদবিদো দমে তপসি চৈব হি ॥ ১৬॥
মূলগোত্রাণি চৎবারি সমুৎপন্নানি পার্থিব ।
অঙ্গিরাঃ কশ্যপশ্চৈব বসিষ্ঠো ভৃগুরেব চ ॥ ১৭॥
কর্মতোঽন্যানি গোত্রাণি সমুৎপন্নানি পার্থিব ।
নামধেয়ানি তপসা তানি চ গ্রহণং সতাম্ ॥ ১৮॥
জনক
বিশেষধর্মান্বর্ণানাং প্রব্রূহি ভগবন্মম ।
তথা সামান্য ধর্মাংশ্চ সর্বত্র কুশলো হ্যসি ॥ ১৯॥
পরা
প্রতিগ্রহো যাজনং চ তথৈবাধ্যাপনং নৃপ ।
বিশেষধর্মো বিপ্রাণাং রক্ষা ক্ষত্রস্য শোভনা ॥ ২০॥
কৃষিশ্চ পাশুপাল্যং চ বানিজ্যং চ বিশাম্ অপি ।
দ্বিজানাং পরিচর্যা চ শূত্র কর্ম নরাধিপ ॥ ২১॥
বিশেষধর্মা নৃপতে বর্ণানাং পরিকীর্তিতাঃ ।
ধর্মান্সাধারণাংস্তাত বিস্তরেণ শৃণুষ্ব মে ॥ ২২॥
আনৃশংস্যমহিংসা চাপ্রমাদঃ সংবিভাগিতা ।
শ্রাদ্ধকর্মাতিথেয়ং চ সত্যমক্রোধ এব চ ॥ ২৩॥
স্বেষু দারেষু সন্তোষঃ শৌচং নিত্যানসূয়তা ।
আত্মজ্ঞানং তিতিক্ষা চ ধর্মাঃ সাধারণা নৃপ ॥ ২৪॥
ব্রাহ্মণাঃ ক্ষত্রিয়া বৈশ্যাস্ত্রয়ো বর্ণা দ্বিজাতয়ঃ ।
অত্র তেষামধীকারো ধর্মেষু দ্বিপদাং বর ॥ ২৫॥
বিকর্মাবস্থিতা বর্ণাঃ পতন্তি নৃপতে ত্রয়ঃ ।
উন্নমন্তি যথা সন্তমাশ্রিত্যেহ স্বকর্মসু ॥ ২৬॥
ন চাপি শূদ্রঃ পততীতি নিশ্চয়ো
ন চাপি সংস্কারমিহার্হতীতি বা ।
শ্রুতিপ্রবৃত্তং ন চ ধর্মমাপ্নুতে
ন চাস্য ধর্মে প্রতিষেধনং কৃতম্ ॥ ২৭॥
বৈদেহকং শূদ্রমুদাহরন্তি
দ্বিজা মহারাজ শ্রুতোপপন্নাঃ ।
অহং হি পশ্যামি নরেন্দ্র দেবং
বিশ্বস্য বিষ্ণুং জগতঃ প্রধানম্ ॥ ২৮॥
সতাং বৃত্তমনুষ্ঠায় নিহীনা উজ্জিহীর্ষবঃ ।
মন্ত্রবর্জং ন দুষ্যন্তি কুর্বাণাঃ পৌষ্টিকীঃ ক্রিয়াঃ ॥ ২৯॥
যথা যথা হি সদ্বৃত্তমালম্বন্তীতরে জনাঃ ।
তথা তথা সুখং প্রাপ্য প্রেত্য চেহ চ শেরতে ॥ ৩০॥
জ
কিং কর্ম দূসয়ত্যেনমথ জাতির্মহামুনে ।
সন্দেহো মে সমুৎপন্নস্তন্মে ব্যাখ্যাতুমর্হসি ॥ ৩১॥
পরা
অসংশয়ং মহারাজ উভয়ং দোষকারকম্ ।
কর্ম চৈব হি জাতিশ্চ বিশেষং তু নিশাময় ॥ ৩২॥
জাত্যা চ কর্মণা চৈব দুষ্টং কর্ম নিষেবতে ।
জাত্যা দুষ্টশ্চ যঃ পাপং ন করোতি স পূরুষঃ ॥ ৩৩॥
জাত্যা প্রধানং পুরুষং কুর্বাণং কর্ম ধিক্কৃতম্ ।
কর্ম তদ্দূসয়ত্যেনং তস্মাৎকর্ম ন শোভনম্ ॥ ৩৪॥
জ
কানি কর্মাণি ধর্ম্যাণি লোকেঽস্মিন্দ্বিজসত্তম ।
ন হিংসন্তীহ ভূতানি ক্রিয়মাণানি সর্বদা ॥ ৩৫॥
পরা
শৃণু মেঽত্র মহারাজ যন্মাং ৎবং পরিপৃচ্ছসি ।
যানি কর্মাণ্যহিংস্রাণি নরং ত্রায়ন্তি সর্বদা ॥ ৩৬॥
সংন্যস্যাগ্নীনুপাসীনাঃ পশ্যন্তি বিগতজ্বরাঃ ।
নৈঃশ্রেয়সং ধর্মপথং সমারুহ্য যথাক্রমম্ ॥ ৩৭॥
প্রশ্রিতা বিনয়োপেতা দমনিত্যাঃ সুসংশিতাঃ ।
প্রয়ান্তি স্থানমজরং সর্বকর্ম বিবর্জিতাঃ ॥ ৩৮॥
সর্বে বর্ণা ধর্মকার্যাণি সম্যক্
কৃৎবা রাজন্সত্যবাক্যানি চোক্ত্বা ।
ত্যক্ত্বাধর্মং দারুণং জীবলোকে
যান্তি স্বর্গং নাত্র কার্যো বিচারঃ ॥ ৩৯॥
অধ্যায় ২৮৬
পরাশরোবাচ
পিতা সুখায়ো গুরবঃ স্ত্রিয়শ্ চ
ন নির্গুণা নাম ভবন্তি লোকে ।
অনন্যভক্তাঃ প্রিয়বাদিনশ্ চ
হিতাশ্চ বশ্যাশ্চ তথৈব রাজন্ ॥ ১॥
পিতা পরং দৈবতং মানবানাং
মাতুর্বিশিষ্টং পিতরং বদন্তি ।
জ্ঞানস্য লাভং পরমং বদন্তি
জিতেন্দ্রিয়ার্থাঃ পরমাপ্নুবন্তি ॥ ২॥
রণাজিরে যত্র শরাগ্নিসংস্তরে
নৃপাত্মজো ঘাতমবাপ্য দহ্যতে ।
প্রয়াতি লোকানমরৈঃ সুদুর্লভান্
নিষেবতে স্বর্গফলং যথাসুখম্ ॥ ৩॥
শ্রান্তং ভীতং ভ্রষ্ট শস্ত্রং রুদন্তং
পরাঙ্মুখং পরিবর্হৈশ্চ হীনম্ ।
অনুদ্যতং রোগিণং যাচমানং
ন বৈ হিংস্যাদ্বালবৃদ্ধৌ চ রাজন্ ॥ ৪॥
পরিবর্হৈঃ সুসম্পন্নমুদ্যতং তুল্যতাং গতম্ ।
অতিক্রমেত নৃপতিঃ সঙ্গ্রামে ক্ষত্রিয়াত্মজম্ ॥ ৫॥
তুল্যাদিহ বধঃ শ্রেয়ান্বিশিষ্টাচ্চেতি নিশ্চয়ঃ ।
নিহীনাৎকাতরাচ্চৈব নৃপাণাং গর্হিতো বধঃ ॥ ৬॥
পাপাৎপাপসমাচারান্নিহীনাচ্চ নরাধিপ ।
পাপ এব বধঃ প্রোক্তো নরকায়েতি নিশ্চয়ঃ ॥ ৭॥
ন কশ্চিত্ত্রাতি বৈ রাজন্দিষ্টান্ত বশমাগতম্ ।
সাবশেষায়ুষং চাপি কশ্চিদেবাপকর্ষতি ॥ ৮॥
স্নিগ্ধৈশ্চ ক্রিয়মাণানি কর্মাণীহ নিবর্তয়েৎ ।
হিংসাত্মকানি কর্মাণি নায়ুরিচ্ছেৎপরায়ুষা ॥ ৯॥
গৃহস্থানাং তু সর্বেষাং বিনাশমভিকাঙ্ক্ষিতাম্ ।
নিধনং শোভনং তাত পুলিনেষু ক্রিয়াবতাম্ ॥ ১০॥
আয়ুষি ক্ষয়মাপন্নে পঞ্চৎবমুপগচ্ছতি ।
নাকারণাত্তদ্ভবতি কারণৈরুপপাদিতম্ ॥ ১১॥
তথা শরীরং ভবতি দেহাদ্যেনোপপাদিতম্ ।
অধ্বানং গতকশ্চায়ং প্রাপ্তশ্চায়ং গৃহাদ্গৃহম্ ॥ ১২॥
দ্বিতীয়ং কারণং তত্র নান্যৎকিং চন বিদ্যতে ।
তদ্দেহং দেহিনাং যুক্তং মোক্ষভূতেষু বর্ততে ॥ ১৩॥
সিরা স্নায়্বস্থি সঙ্ঘাতং বীভৎসা মেধ্য সঙ্কুলম্ ।
ভূতানামিন্দ্রিয়াণাং চ গুণানাং চ সমাগতম্ ॥ ১৪॥
ৎবগন্তং দেহমিত্যাহুর্বিদ্বাংসোঽধ্যাত্মচিন্তকাঃ ।
পুনৈরপি পরিক্ষীণং শরীরং মর্ত্যতাং গতম্ ॥ ১৫॥
শরীরিণা পরিত্যক্তং নিশ্চেষ্টং গতচেতনম্ ।
ভূতৈঃ প্রকৃতমাপন্নৈস্ততো ভূমৌ নিমজ্জতি ॥ ১৬॥
ভাবিতং কর্ময়োগেন জায়তে তত্র তত্র হ ।
ইদং শরীরং বৈদেহ ম্রিয়তে যত্র তত্র হ ।
তৎস্বভাবোঽপরো দৃষ্টো বিসর্গঃ কর্মণস্তথা ॥ ১৭॥
ন জায়তে তু নৃপতে কং চিৎকালময়ং পুনঃ ।
পরিভ্রমতি ভূতাত্মা দ্যামিবাম্বুধরো মহান্ ॥ ১৮॥
স পুনর্জায়তে রাজন্প্রাপ্যেহায়তনং নৃপ ।
মনসঃ পরমো হ্যাত্মা ইন্দ্রিয়েভ্যঃ পরং মনঃ ॥ ১৯॥
দ্বিবিধানাং চ ভূতানাং জঙ্গমাঃ পরমা নৃপ ।
জঙ্গমানামপি তথা দ্বিপদাঃ পরমা মতাঃ ।
দ্বিপদানামপি তথা দ্বিজা বৈ পরমাঃ স্মৃতাঃ ॥ ২০॥
দ্বিজানামপি রাজেন্দ্র প্রজ্ঞাবন্তঃ পরা মতাঃ ।
প্রাজ্ঞানামাত্মসম্বুদ্ধাঃ সম্বুদ্ধানামমানিনঃ ॥ ২১॥
জাতমন্বেতি মরণং নৃণামিতি বিনিশ্চয়ঃ ।
অন্তবন্তি হি কর্মাণি সেবন্তে গুণতঃ প্রজাঃ ॥ ২২॥
আপন্নে তূত্তরাং কাষ্ঠাং সূর্যে যো নিধনং ব্রজেৎ ।
নক্ষত্রে চ মুহূর্তে চ পুণ্যে রাজন্স পুণ্যকৃৎ ॥ ২৩॥
অয়োজয়িৎবা ক্লেশেন জনং প্লাব্য চ দুষ্কৃতম্ ।
মৃত্যুনাপ্রাকৃতেনেহ কর্মকৃৎবাত্মশক্তিতঃ ॥ ২৪॥
বিষমুদ্বন্ধনং দাহো দস্যু হস্তাত্তথা বধঃ ।
দংস্ত্রিভ্যশ্চ পশুভ্যশ্চ প্রাকৃতো বধ উচ্যতে ॥ ২৫॥
ন চৈভিঃ পুণ্যকর্মাণো যুজ্যন্তে নাভিসন্ধিজৈঃ ।
এবংবিধৈশ্চ বহুভিরপরৈঃ প্রাকৃতৈরপি ॥ ২৬॥
ঊর্ধ্বং হিৎবা প্রতিষ্ঠন্তে প্রানাঃ পুণ্যকৃতাং নৃপ ।
মধ্যতো মধ্যপুণ্যানামধো দুষ্কৃত কর্মণাম্ ॥ ২৭॥
একঃ শত্রুর্ন দ্বিতীয়োঽস্তি শত্রুর্
অজ্ঞানতুল্যঃ পুরুষস্য রাজন্ ।
যেনাবৃতঃ কুরুতে সম্প্রয়ুক্তো
ঘোরাণি কর্মাণি সুদারুণানি ॥ ২৮॥
প্রবোধনার্থং শ্রুতিধর্ময়ুক্তং
বৃদ্দ্ধানুপাস্যং চ ভবেত যস্য ।
প্রয়ত্নসাধ্যো হি স রাজপুত্র
প্রজ্ঞাশরেণোন্মথিতঃ পরৈতি ॥ ২৯॥
অধীত্য বেদাংস্তপসা ব্রহ্মচারী
যজ্ঞাঞ্শক্ত্যা সংনিসৃজ্যেহ পঞ্চ ।
বনং গচ্ছেৎপুরুষো ধর্মকামঃ
শ্রেয়শ্চিৎবা স্থাপয়িৎবা স্ববংশম্ ॥ ৩০॥
উপভোগৈরপি ত্যক্তং নাত্মানমবসাদয়েৎ ।
চন্দালৎবেঽপি মানুষ্যং সর্বথা তাত দুর্লভম্ ॥ ৩১॥
ইয়ং হি যোনিঃ প্রথমা যাং প্রাপ্য জগতীপতে ।
আত্মা বৈ শক্যতে ত্রাতুং কর্মভিঃ শুভলক্ষণৈঃ ॥ ৩২॥
কথং ন বিপ্রনশ্যেম যোনীতোঽস্যা ইতি প্রভো ।
কুর্বন্তি ধর্মং মনুজাঃ শ্রুতিপ্রামান্য দর্শনাৎ ॥ ৩৩॥
যো দুর্লভতরং প্রাপ্য মানুষ্যমিহ বৈ নরঃ ।
ধর্মাবমন্তা কামাত্মা ভবেৎস খলু বঞ্চ্যতে ॥ ৩৪॥
যস্তু প্রীতিপুরোগেণ চক্ষুষা তাত পশ্যতি ।
দীপোপমানি ভূতানি যাবদর্চির্ন নশ্যতি ॥ ৩৫॥
সান্ত্বেনানুপ্রদানেন প্রিয়বাদেন চাপ্যুত ।
সমদুঃখসুখো ভূৎবা স পরত্র মহীয়তে ॥ ৩৬॥
দানং ত্যাগঃ শোভনা মূর্তিরদ্ভ্যো
ভূয়ঃ প্লাব্যং তপসা বৈ শরীরম্ ।
সরস্বতী নৈমিষপুষ্করেষু
যে চাপ্যন্যে পুণ্যদেশাঃ পৃথিব্যাম্ ॥ ৩৭॥
গৃহেষু যেষামসবঃ পতন্তি
তেষামথো নির্হরনং প্রশস্তম্ ।
যানেন বৈ প্রাপনং চ শ্মশানে
শৌচেন নূনং বিধিনা চৈব দাহঃ ॥ ৩৮॥
ইষ্টিঃ পুষ্টির্যজনং যাজনং চ
দানং পুণ্যানাং কর্মণাং চ প্রয়োগঃ ।
শক্ত্যা পিত্র্যং যচ্চ কিং চিৎপ্রশস্তং
সর্বাণ্যাত্মার্থে মানবো যঃ করোতি ॥ ৩৯॥
ধর্মশাস্ত্রাণি বেদাশ্চ ষডঙ্গানি নরাধিপ ।
শ্রেয়সোঽর্থে বিধীয়ন্তে নরস্যাক্লিষ্ট কর্মণঃ ॥ ৪০॥
ভীষ্মোবাচ
এবদ্বৈ সর্বমাখ্যাতং মুনিনা সুমহাত্মনা ।
বিদেহরাজায় পুরা শ্রেয়সোঽর্থে নরাধিপ ॥ ৪১॥
অধ্যায় ২৮৭
ভীষ্মোবাচ
পুনরেব তু পপ্রচ্ছ জনকো মিথিলাধিপঃ ।
পরাশরং মহাত্মানং ধর্মে পরমনিশ্চয়ম্ ॥ ১॥
কিং শ্রেয়ঃ কা গতির্ব্রহ্মন্কিং কৃতং ন বিনশ্যতি ।
ক্ব গতো ন নিবর্তেত তন্মে ব্রূহি মহামুনে ॥ ২॥
পরাশরোবাচ
অসঙ্গঃ শ্রেয়সো মূলং জ্ঞানং জ্ঞানগতিঃ পরা ।
চীর্ণং তপো ন প্রনশ্যেদ্বাপঃ ক্ষেত্রে ন নশ্যতি ॥ ৩॥
ছিত্ত্বাধর্মময়ং পাশং যদা ধর্মেঽভিরজ্যতে ।
দত্ত্বাভয় কৃতং দানং তদা সিদ্ধিমবাপ্নুয়াৎ ॥ ৪॥
যো দদাতি সহস্রাণি গবামশ্বশতানি চ ।
অভয়ং সর্বভূতেভ্যস্তদ্দানমতিবর্ততে ॥ ৫॥
বসন্বিষয়মধ্যেঽপি ন বসত্যেব বুদ্ধিমান্ ।
সংবসত্যেব দুর্বুদ্ধিরসৎসু বিষয়েষ্বপি ॥ ৬॥
নাধর্মঃ শ্লিষ্যতে প্রাজ্ঞমাপঃ পুষ্কর পর্ণবৎ ।
অপ্রাজ্ঞমধিকং পাপং শ্লিষ্যতে জতু কাষ্ঠবৎ ॥ ৭॥
নাধর্মঃ কারণাপেক্ষী কর্তারমভিমুঞ্চতি ।
কর্তা খলু যথাকালং তৎসর্বমভিপদ্যতে ।
ন ভীদ্যন্তে কৃতাত্মান আত্মপ্রত্যয দর্শিনঃ ॥ ৮॥
বুদ্ধিকর্মেন্দ্রিয়াণাং হি প্রমত্তো যো ন বুধ্যতে ।
শুভাশুভেষু সক্তাত্মা প্রাপ্নোতি সুমহদ্ভয়ম্ ॥ ৯॥
বীতরাগো জিতক্রোধঃ সম্যগ্ভবতি যঃ সদা ।
বিষয়ে বর্তমানোঽপি ন স পাপেন যুজ্যতে ॥ ১০॥
মর্যাদায়াং ধর্মসেতুর্নিবদ্ধো নৈব সীদতি ।
পুষ্টস্রোত ইবায়ত্তঃ স্ফীতো ভবতি সঞ্চয়ঃ ॥ ১১॥
যথা ভানুগতং তেজো মনিঃ শুদ্ধঃ সমাধিনা ।
আদত্তে রাজশার্দূল তথা যোগঃ প্রবর্ততে ॥ ১২॥
যথা তিলানামিহ পুষ্পসংশ্রয়াৎ
পৃথক্পৃথগ্যানি গুণোঽতিসৌম্যতাম্ ।
তথা নরাণাং ভুবি ভাবিতাত্মনাং
যথাশ্রয়ং সত্ত্বগুণঃ প্রবর্ততে ॥ ১৩॥
জহাতি দারানিহতে ন সম্পদঃ
সদশ্বয়ানং বিবিধাশ্চ যাঃ ক্রিয়াঃ ।
ত্রিবিষ্টপে জাতমতির্যদা নরস্
তদাস্য বুদ্ধির্বিষয়েষু ভীদ্যতে ॥ ১৪॥
প্রসক্তবুদ্ধির্বিষয়েষু যো নরো
যো বুধ্যতে হ্যাত্মহিতং কদা চন ।
স সর্বভাবানুগতেন চেতসা
নৃপামিষেণেব ঝষো বিকৃষ্যতে ॥ ১৫॥
সঙ্ঘাতবান্মর্ত্যলোকঃ পরস্পরমপাশ্রিতঃ ।
কদলী গর্ভনিঃসারো নৌরিবাপ্সু নিমজ্জতি ॥ ১৬॥
ন ধর্মকালঃ পুরুষস্য নিশ্চিতো
নাপি মৃত্যুঃ পুরুষং প্রতীক্ষতে ।
ক্রিয়া হি ধর্মস্য সদৈব শোভনা
যদা নরো মৃত্যুমুখেঽভিবর্ততে ॥ ১৭॥
যথান্ধঃ স্বগৃহে যুক্তো হ্যভ্যাসাদেব গচ্ছতি ।
তথায়ুক্তেন মনসা প্রাজ্ঞো গচ্ছতি তাং গতিম্ ॥ ১৮॥
মরণং জন্মনি প্রোক্তং জন্ম বৈ মরণাশ্রিতম্ ।
অবিদ্বান্মোক্ষধর্মেষু বদ্ধোভ্রমতি চক্রবৎ ॥ ১৯॥
যথা মৃণালোঽনুগতমাশু মুঞ্চতি কর্দমম্ ।
তথাত্মা পুরুষস্যেহ মনসা পরিমুচ্যতে ।
মনঃ প্রনয়তেঽঽত্মানং স এনমভিয়ুঞ্জতি ॥ ২০॥
পরার্থে বর্তমানস্তু স্বকার্যং যোঽভিমন্যতে ।
ইন্দ্রিয়ার্থেষু সক্তঃ সন্স্বকার্যাৎপরিহীয়তে ॥ ২১॥
অধস্তির্যগ্গতিং চৈব স্বর্গে চৈব পরাং গতিম্ ।
প্রাপ্নোতি স্বকৃতৈরাত্মা প্রাজ্ঞস্যেহেতরস্য চ ॥ ২২॥
মৃন্ময়ে ভাজনে পক্বে যথা বৈ ন্যস্যতে দ্রবঃ ।
তথা শরীরং তপসা তপ্তং বিষয়মশ্নুতে ॥ ২৩॥
বিষয়ানশ্নুতে যস্তু ন স ভোক্ষ্যত্যসংশয়ম্ ।
যস্তু ভোগাংস্ত্যজেদাত্মা স বৈ ভোক্তুং ব্যবস্যতি ॥ ২৪॥
নীহারেণ হি সংবীতঃ শিশ্নোদর পরায়নঃ ।
জাত্যন্ধ ইব পন্থানমাবৃতাত্মা ন বুধ্যতে ॥ ২৫॥
বণিগ্যথা সমুদ্রাদ্বৈ যথার্থং লভতে ধনম্ ।
তথা মর্ত্যার্ণবে জন্তোঃ কর্ম বিজ্ঞানতো গতিঃ ॥ ২৬॥
অহোরাত্র ময়ে লোকে জরা রূপেণ সঞ্চরন্ ।
মৃত্যুর্গ্রসতি ভূতানি পবনং পন্নগো যথা ॥ ২৭॥
স্বয়ং কৃতানি কর্মাণি জাতো জন্তুঃ প্রপদ্যতে ।
নাকৃতং লভতে কশ্চিৎকিং চিদত্র প্রিয়াপ্রিয়ম্ ॥ ২৮॥
শয়ানং যান্তমাসীনং প্রবৃত্তং বিষয়েষু চ ।
শুভাশুভানি কর্মাণি প্রপদ্যন্তে নরং সদা ॥ ২৯॥
ন হ্যন্যত্তীরমাসাদ্য পুনস্তর্তুং ব্যবস্যতি ।
দুর্লভো দৃশ্যতে হ্যস্য বিনিপাতো মহার্ণবে ॥ ৩০॥
যথা ভারাবসক্তা হি নৌর্মহাম্ভসি তন্তুনা ।
তথা মনোঽভিয়োগাদ্বৈ শরীরং প্রতিকর্ষতি ॥ ৩১॥
যথা সমুদ্রমভিতঃ সংস্যূতাঃ সরিতোঽপরাঃ ।
তথাদ্যা প্রকৃতির্যোগাদভিসংস্যূয়তে সদা ॥ ৩২॥
স্নেহপাশৈর্বহুবিভৈরাসক্তমনসো নরাঃ ।
প্রকৃতিষ্ঠা বিষীদন্তি জলে সৈকত বেশ্মবৎ ॥ ৩৩॥
শরীরগৃহ সংস্থস্য শৌচতীর্থস্য দেহিনঃ ।
বুদ্ধিমার্গ প্রয়াতস্য সুখং ৎবিহ পরত্র চ ॥ ৩৪॥
বিস্তরাঃ ক্লেশসংয়ুক্তাঃ সঙ্ক্ষেপাস্তু সুখাবহাঃ ।
পরার্থং বিস্তরাঃ সর্বে ত্যাগমাত্মহিতং বিদুঃ ॥ ৩৫॥
সঙ্কল্পজো মিত্রবর্গো জ্ঞাতয়ঃ কারণাত্মকাঃ ।
ভার্যা দাসাশ্চ পুত্রাশ্চ স্বমর্থমনুয়ুঞ্জতে ॥ ৩৬॥
ন মাতা ন পিতা কিং চিৎকস্য চিৎপ্রতিপদ্যতে ।
দানপথ্যোদনো জন্তুঃ স্বকর্মফলমশ্নুতে ॥ ৩৭॥
মাতাপুত্রঃ পিতা ভ্রাতা ভার্যা মিত্র জনস্তথা ।
অষ্টাপদ পদস্থানে ৎবক্ষমুদ্রেব ন্যস্যতে ॥ ৩৮॥
সর্বাণি কর্মাণি পুরা কৃতানি
শুভাশুভান্যাত্মনো যান্তি জন্তোর্ ।
উপস্থিতং কর্মফলং বিদিৎবা
বুদ্ধিং তথা চোদয়তেঽন্তরাত্মা ॥ ৩৯॥
ব্যবসায়ং সমাশ্রিত্য সহায়ান্যোঽধিগচ্ছতি ।
ন তস্য কশ্চিদারম্ভঃ কদা চিদবসীদতি ॥ ৪০॥
অদ্বৈধ মনসং যুক্তং শূরং ধীরং বিপশ্চিতম্ ।
ন শ্রীঃ সন্ত্যজতে নিত্যমাদিত্যমিব রশ্ময়ঃ ॥ ৪১॥
আস্তিক্য ব্যবসায়াভ্যামুপায়াদ্বিস্ময়াদ্ধিয়া ।
যমারভত্যনিন্দ্যাত্মা ন সোঽর্থঃ পরিষীদতি ॥ ৪২॥
সর্বৈঃ স্বানি শুভাশুভানি নিয়তং কর্মাণি জন্তুঃ স্বয়ং
গর্ভাৎসম্প্প্রতিপদ্যতে তদুভয়ং যত্তেন পূর্বং কৃতম্ ।
মৃত্যুশ্চাপরিহারবান্সমগতিঃ কালেন বিচ্ছেদিতা
দারোশ্চূর্ণমিবাশ্মসারবিহিতং কর্মান্তিকং প্রাপয়েৎ ॥ ৪৩॥
স্বরূপতামাত্মকৃতং চ বিস্তরং
কুলান্বয়ং দ্রব্যসমৃদ্ধি সঞ্চয়ম্ ।
নরো হি সর্বো লভতে যথাকৃতং
শুভশুভেনাত্ম কৃতেন কর্মণা ॥ ৪৪॥
ভীষ্মোবাচ
ইত্যুক্তো জনকো রাজন্যথাতথ্যং মনীসিনা ।
শ্রুৎবা ধর্মবিদাং শ্রেষ্ঠঃ পরাং মুদমবাপ হ ॥ ৪৫॥
॥ ইতি পরাশরগীতা সমাপ্তা ॥
– Chant Stotra in Other Languages –
Parashara Gita in Sanskrit – English – Bengali – Gujarati – Kannada – Malayalam – Odia – Telugu – Tamil