॥ Parashurama Ashtottarashatanama Stotram Odia Lyrics ॥
॥ ରକାରାଦି ଶ୍ରୀପରଶୁରାମାଷ୍ଟୋତ୍ତରଶତନାମସ୍ତୋତ୍ରମ୍ ॥
ଶ୍ରୀ ହୟଗ୍ରୀଵାୟ ନମଃ ।
ହରିଃ ଓଂ
ରାମୋ ରାଜାଟଵୀଵହ୍ନି ରାମଚନ୍ଦ୍ରପ୍ରସାଦକଃ ।
ରାଜରକ୍ତାରୁଣସ୍ନାତୋ ରାଜୀଵାୟତଲୋଚନଃ ॥ ୧ ॥
ରୈଣୁକେୟୋ ରୁଦ୍ରଶିଷ୍ୟୋ ରେଣୁକାଚ୍ଛେଦନୋ ରୟୀ ।
ରଣଧୂତମହାସେନୋ ରୁଦ୍ରାଣୀଧର୍ମପୁତ୍ରକଃ ॥ ୨ ॥
ରାଜତ୍ପରଶୁଵିଚ୍ଛିନ୍ନକାର୍ତଵୀର୍ୟାର୍ଜୁନଦ୍ରୁମଃ ।
ରାତାଖିଲରସୋ ରକ୍ତକୃତପୈତୃକତର୍ପଣଃ ॥ ୩ ॥
ରତ୍ନାକରକୃତାଵାସୋ ରତୀଶକୃତଵିସ୍ମୟଃ ।
ରାଗହୀନୋ ରାଗଦୂରୋ ରକ୍ଷିତବ୍ରହ୍ମଚର୍ୟକଃ ॥ ୪ ॥
ରାଜ୍ୟମତ୍ତକ୍ଷତ୍ତ୍ରବୀଜ ଭର୍ଜନାଗ୍ନିପ୍ରତାପଵାନ୍ ।
ରାଜଦ୍ଭୃଗୁକୁଲାମ୍ବୋଧିଚନ୍ଦ୍ରମା ରଞ୍ଜିତଦ୍ଵିଜଃ ॥ ୫ ॥
ରକ୍ତୋପଵୀତୋ ରକ୍ତାକ୍ଷୋ ରକ୍ତଲିପ୍ତୋ ରଣୋଦ୍ଧତଃ ।
ରଣତ୍କୁଠାରୋ ରଵିଭୂଦଣ୍ଡାୟିତ ମହାଭୁଜଃ ॥ ୬ ॥
ରମାନାଧଧନୁର୍ଧାରୀ ରମାପତିକଲାମୟଃ ।
ରମାଲୟମହାଵକ୍ଷା ରମାନୁଜଲସନ୍ମୁଖଃ ॥ ୭ ॥
ରସୈକମଲ୍ଲୋ ରସନାଽଵିଷୟୋଦ୍ଦଣ୍ଡ ପୌରୁଷଃ ।
ରାମନାମଶ୍ରୁତିସ୍ରସ୍ତକ୍ଷତ୍ରିୟାଗର୍ଭସଞ୍ଚୟଃ ॥ ୮ ॥
ରୋଷାନଲମୟାକାରୋ ରେଣୁକାପୁନରାନନଃ ।
ରାଧେୟଚାତକାମ୍ଭୋଦୋ ରୁଦ୍ଧଚାପକଲାପଗଃ ॥ ୯ ॥
ରାଜୀଵଚରଣଦ୍ଵନ୍ଦ୍ଵଚିହ୍ନପୂତମହେନ୍ଦ୍ରକଃ ।
ରାମଚନ୍ଦ୍ରନ୍ୟସ୍ତତେଜା ରାଜଶବ୍ଦାର୍ଧନାଶନଃ ॥ ୧୦ ॥
ରାଦ୍ଧଦେଵଦ୍ଵିଜଵ୍ରାତୋ ରୋହିତାଶ୍ଵାନନାର୍ଚିତଃ ।
ରୋହିତାଶ୍ଵଦୁରାଧର୍ଷୋ ରୋହିତାଶ୍ଵପ୍ରପାଵନଃ ॥ ୧୧ ॥
ରାମନାମପ୍ରଧାନାର୍ଧୋ ରତ୍ନାକରଗଭୀରଧୀଃ ।
ରାଜନ୍ମୌଞ୍ଜୀସମାବଦ୍ଧ ସିଂହମଧ୍ୟୋ ରଵିଦ୍ୟୁତିଃ ॥ ୧୨ ॥
ରଜତାଦ୍ରିଗୁରୁସ୍ଥାନୋ ରୁଦ୍ରାଣୀପ୍ରେମଭାଜନମ୍ ।
ରୁଦ୍ରଭକ୍ତୋ ରୌଦ୍ରମୂର୍ତୀ ରୁଦ୍ରାଧିକପରାକ୍ରମଃ ॥ ୧୩ ॥
ରଵିତାରାଚିରସ୍ଥାୟୀ ରକ୍ତଦେଵର୍ଷିଭାଵନଃ ।
ରମ୍ୟୋ ରମ୍ୟଗୁଣୋ ରକ୍ତୋ ରାତଭକ୍ତାଖିଲେପ୍ସିତଃ ॥ ୧୪ ॥
ରଚିତସ୍ଵର୍ଣସୋପାନୋ ରନ୍ଧିତାଶୟଵାସନଃ ।
ରୁଦ୍ଧପ୍ରାଣାଦିସଞ୍ଚାରୋ ରାଜଦ୍ବ୍ରହ୍ମପଦସ୍ଥିତଃ ॥ ୧୫ ॥
ରତ୍ନସୂନୁମହାଧୀରୋ ରସାସୁରଶିଖାମଣିଃ ।
ରକ୍ତସିଦ୍ଧୀ ରମ୍ୟତପା ରାତତୀର୍ଥାଟନୋ ରସୀ ॥ ୧୬ ॥
ରଚିତଭ୍ରାତୃହନନୋ ରକ୍ଷିତଭାତୃକୋ ରଣୀ ।
ରାଜାପହୃତତାତେଷ୍ଟିଧେନ୍ଵାହର୍ତା ରସାପ୍ରଭୁଃ ॥ ୧୭ ॥
ରକ୍ଷିତବ୍ରାହ୍ମ୍ୟସାମ୍ରାଜ୍ୟୋ ରୌଦ୍ରାଣେୟଜୟଧ୍ଵଜଃ ।
ରାଜକୀର୍ତିମୟଚ୍ଛତ୍ରୋ ରୋମହର୍ଷଣଵିକ୍ରମଃ ॥ ୧୮ ॥
ରାଜଶୌର୍ୟରସାମ୍ଭୋଧିକୁମ୍ଭସମ୍ଭୂତିସାୟକଃ ।
ରାତ୍ରିନ୍ଦିଵସମାଜାଗ୍ର ତ୍ପ୍ରତାପଗ୍ରୀଷ୍ମଭାସ୍କରଃ ॥ ୧୯ ॥
ରାଜବୀଜୋଦରକ୍ଷୋଣୀପରିତ୍ୟାଗୀ ରସାତ୍ପତିଃ ।
ରସାଭାରହରୋ ରସ୍ୟୋ ରାଜୀଵଜକୃତକ୍ଷମଃ ॥ ୨୦ ॥
ରୁଦ୍ରମେରୁଧନୁର୍ଭଙ୍ଗ କୃଦ୍ଧାତ୍ମା ରୌଦ୍ରଭୂଷଣଃ ।
ରାମଚନ୍ଦ୍ରମୁଖଜ୍ୟୋତ୍ସ୍ନାମୃତକ୍ଷାଲିତହୃନ୍ମଲଃ ॥ ୨୧ ॥
ରାମାଭିନ୍ନୋ ରୁଦ୍ରମୟୋ ରାମରୁଦ୍ରୋ ଭୟାତ୍ମକଃ ।
ରାମପୂଜିତପାଦାବ୍ଜୋ ରାମଵିଦ୍ଵେଷିକୈତଵଃ ॥ ୨୨ ॥
ରାମାନନ୍ଦୋ ରାମନାମୋ ରାମୋ ରାମାତ୍ମନିର୍ଭିଦଃ ।
ରାମପ୍ରିୟୋ ରାମତୃପ୍ତୋ ରାମଗୋ ରାମଵିଶ୍ରମଃ ॥ ୨୩ ॥
ରାମଜ୍ଞାନକୁଠାରାତ୍ତ ରାଜଲୋକମହାତମାଃ ।
ରାମାତ୍ମମୁକ୍ତିଦୋ ରାମୋ ରାମଦୋ ରାମମଙ୍ଗଲଃ ॥ ୨୪ ॥
ମଙ୍ଗଲଂ ଜାମଦଗ୍ନ୍ୟାୟ କାର୍ତଵୀର୍ୟାର୍ଜୁନଚ୍ଛିଦେ ।
ମଙ୍ଗଲଂ ପରମୋଦାର ସଦା ପରଶୁରାମ ତେ ॥ ୨୫ ॥
ମଙ୍ଗଲଂ ରାଜକାଲାୟ ଦୁରାଧର୍ଷାୟ ମଙ୍ଗଲଂ ।
ମଙ୍ଗଲଂ ମହନୀୟାୟ ଜାମଦଗ୍ନ୍ୟାୟ ମଙ୍ଗଲମ୍ ॥ ୨୬ ॥
ଜମଦଗ୍ନି ତନୂଜାୟ ଜିତାଖିଲମହୀଭୃତେ ।
ଜାଜ୍ଵଲ୍ୟମାନାୟୁଧାୟ ଜାମଦଗ୍ନ୍ୟାୟ ମଙ୍ଗଲମ୍ ॥ ୨୭ ॥
॥ ଇତି ରାମେଣକୃତଂ ପରାଭଵାବ୍ଦେ ଵୈଶାଖଶୁଦ୍ଧ ତ୍ରିତୀୟାୟାଂ
ପରଶୁରାମ ଜୟନ୍ତ୍ୟାଂ ରକାରାଦି ଶ୍ରୀ ପରଶୁରାମାଷ୍ଟୋତ୍ତରଶତମ୍
ଶ୍ରୀ ହୟଗ୍ରୀଵାୟ ସମର୍ପିତମ୍ ॥
– Chant Stotra in Other Languages –
Sri Parshuram Slokam » Parashurama Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil