॥ Parivrridha Ashtakam Telugu Lyrics ॥
॥ పరివృఢాష్టకమ్ ॥
కలిన్దోద్భూతాయాస్తటమనుచరన్తీ పశుపజాం
రహస్యేకాం దృష్ట్వా నవసుభగవక్షోజయుగలామ్ ।
దృఢం నీవీగ్రన్ధి శ్లథయతి మృగాక్ష్యా హటతరం
రతిప్రాదుర్భావో భవతు సతతం శ్రీపరివృఢే ॥ ౧ ॥
సమాయాతే స్వస్మిన్సురనిలయసామ్యం గతవతి
వ్రజే వైశిష్ట్యం యో నిజపదగతాబ్జాఙ్కుశయవైః ।
అకార్షీత్తస్మిన్మే యదుకులసముద్భాసితమణౌ
రతిప్రాదుర్భావో భవతు సతతం శ్రీపరివఢే ॥ ౨ ॥
హిహీహీహీకారాన్ ప్రతిపశు వనే కుర్వతి సదా
నమద్భహ్మేశేన్ద్రప్రభృతిషు చ మౌనం ధృతవతి ।
మృగాక్షీభిః స్వేక్షానవకువలయైరర్చితపదే
రతిప్రాదుర్భావో భవతు సతతం శ్రీపరివృఢే ॥ ౩ ॥
సకృత్స్మృత్వా కుమ్భీ యమిహ పరమం లోకమగమ-
చ్చిరం ధ్యాత్వా ధాతా సమాధిగతవాన్యం న తపసా ।
విభౌ తస్మిన్మహ్యం సజలజలదాలీనిభతనౌ
రతిప్రాదుర్భావో భవతు సతతం శ్రీపరివృఢే ॥ ౪ ॥
పరా కాష్ఠా ప్రేమ్ణాం పశుపతరుణీనాం క్షితిభుజాం
సుదృక్తానాం త్రాసాస్పదమఖిలభాగ్యం యదుపతేః ।
విభుర్యస్తస్మిన్మే దరవికచజమ్బాలజముఖే
రతిప్రాదుర్భావో భవతు సతతం శ్రీపరివృఢే ॥ ౫ ॥
దరప్రాదుర్భూతద్విజగణమహః పూరితవనే
చరం కుహ్వాం రాకారుచిరతరశోభాధికరుచి ।
హరిర్యస్తస్మింస్త్రీగణపరివృతో నృత్యతి సదా
రతిప్రాదుర్భావో భవతు సతతం శ్రీపరివృఢే ॥ ౬ ॥
స్ఫురద్గుఞ్జాపుఞ్జాకలితనిజపాదాబ్జవిలుఠత్-
స్రజి శ్యామాకామాస్పదపదయుగే మేచకరుచి ।
వరాఙ్గే శృఙ్గారం దధతి శిఖినాం పిచ్ఛపటలైః
రతిప్రాదుర్భావో భవతు సతతం శ్రీపరివృఢే ॥ ౭ ॥
దురన్తం దుఃఖాబ్ధిం హసితసుధయా శోషయతి యో
యదాస్యేన్దుర్గోపీనయననలినానన్దకరణమ్ ।
అనఙ్గః సాఙ్గత్వం వ్రజతి మమ తస్మిన్ మురరిపౌ
రతిప్రాదుర్భావో భవతు సతతం శ్రీపరివృఢే ॥ ౮ ॥
ఇదం యః స్తోత్రం శ్రీపరివృఢసమీపే పఠతి వా
శృణోతి శ్రద్ధావాన్ రతిపతిపితుః పాదయుగలే ।
రతిం ప్రేప్సుః శశ్వత్కువలయదలశ్యామలతనౌ
రతిః ప్రాదుర్భూతా భవతి న చిరాత్తస్య సుదృఢా ॥ ౯ ॥
ఇతి శ్రీవల్లభాచార్యకృతం శ్రీపరివృఢాష్టకం సమాప్తమ్ ।
– Chant Stotra in Other Languages –
Parivrridha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil