॥ Pradoshastotra Ashtakam Bengali Lyrics ॥
॥ প্রদোষস্তোত্রাষ্টকম্ ॥
শ্রী গণেশায় নমঃ ।
সত্যং ব্রবীমি পরলোকহিতং ব্রব্রীমি
সারং ব্রবীম্যুপনিষদ্ধৃদয়ং ব্রবীমি ।
সংসারমুল্বণমসারমবাপ্য জন্তোঃ
সারোঽয়মীশ্বরপদাম্বুরুহস্য সেবা ॥ ১ ॥
য়ে নার্চয়ন্তি গিরিশং সময়ে প্রদোষে
য়ে নার্চিতং শিবমপি প্রণমন্তি চান্যে ।
এতত্কথাং শ্রুতিপুটৈর্ন পিবন্তি মূঢাস্তে
জন্মজন্মসু ভবন্তি নরা দরিদ্রাঃ ॥ ২ ॥
য়ে বৈ প্রদোষসময়ে পরমেশ্বরস্য,
কুর্বন্ত্যনন্যমনসোংঽঘ্রিসরোজপূজাম্ ।
নিত্যং প্রবৃদ্ধধনধান্যকলত্রপুত্রসৌভাগ্য-
সম্পদধিকাস্ত ইহৈব লোকে ॥ ৩ ॥
কৈলাসশৈলভুবনে ত্রিজগজ্জনিত্রীং গৌরীং
নিবেশ্য কনকাচিতরত্নপীঠে ।
নৃত্যং বিধাতুমভিবাঞ্ছতি শূলপাণৌ
দেবাঃ প্রদোষসময়ে নু ভজন্তি সর্বে ॥ ৪ ॥
বাগ্দেবী ধৃতবল্লকী শতমখো বেণুং দধত্পদ্মজ-
স্তালোন্নিদ্রকরো রমা ভগবতী গেয়প্রয়োগান্বিতা ।
বিষ্ণুঃ সান্দ্রমৃদঙ্গবাদনপটুর্দেবাঃ সমন্তাত্স্থিতাঃ
সেবন্তে তমনু প্রদোষসময়ে দেবং মৃডানীপতিম্ ॥ ৫ ॥
গন্ধর্বয়ক্ষপতগোরগসিদ্ধসাধ্য-
বিদ্যাধরামরবরাপ্সরসাং গণাংশ্চ ।
য়েঽন্যে ত্রিলোকনিলয়া সহভূতবর্গাঃ
প্রাপ্তে প্রদোষসময়ে হরপার্শ্বসংস্থাঃ ॥ ৬ ॥
অতঃ প্রদোষে শিব এক এব
পূজ্যোঽথ নান্যে হরিপদ্মজাদ্যাঃ ।
তস্মিন্মহেশে বিধিনেজ্যমানে
সর্বে প্রসীদন্তি সুরাধিনাথাঃ ॥ ৭ ॥
এষ তে তনয়ঃ পূর্বজন্মনি ব্রাহ্মণোত্তমঃ ।
প্রতিগ্রহৈর্বয়ো নিন্যে ন দানাদ্যৈঃ সুকর্মভিঃ ॥ ৮ ॥
অতো দারিদ্র্যমাপন্নঃ পুত্রস্তে দ্বিজভামিনি ।
তদ্দোষপরিহারার্থং শরণাং য়াতু শঙ্করম্ ॥ ৯ ॥
॥ ইতি শ্রীস্কান্দোক্তং প্রদোষস্তোত্রাষ্টকং সম্পূর্ণম্ ॥
– Chant Stotra in Other Languages –
Lord Shiva Slokam » Pradosha Stotra Ashtakam Lyrics in Sanskrit » English » Gujarati » Marathi » Kannada » Malayalam » Odia » Telugu » Tamil