॥ Pradoshastotra Ashtakam Odia Lyrics ॥
॥ ପ୍ରଦୋଷସ୍ତୋତ୍ରାଷ୍ଟକମ୍ ॥
ଶ୍ରୀ ଗଣେଶାୟ ନମଃ ।
ସତ୍ୟଂ ବ୍ରଵୀମି ପରଲୋକହିତଂ ବ୍ରଵ୍ରୀମି
ସାରଂ ବ୍ରଵୀମ୍ୟୁପନିଷଦ୍ଧୃଦୟଂ ବ୍ରଵୀମି ।
ସଂସାରମୁଲ୍ବଣମସାରମଵାପ୍ୟ ଜନ୍ତୋଃ
ସାରୋଽୟମୀଶ୍ଵରପଦାମ୍ବୁରୁହସ୍ୟ ସେଵା ॥ ୧ ॥
ୟେ ନାର୍ଚୟନ୍ତି ଗିରିଶଂ ସମୟେ ପ୍ରଦୋଷେ
ୟେ ନାର୍ଚିତଂ ଶିଵମପି ପ୍ରଣମନ୍ତି ଚାନ୍ୟେ ।
ଏତତ୍କଥାଂ ଶ୍ରୁତିପୁଟୈର୍ନ ପିବନ୍ତି ମୂଢାସ୍ତେ
ଜନ୍ମଜନ୍ମସୁ ଭଵନ୍ତି ନରା ଦରିଦ୍ରାଃ ॥ ୨ ॥
ୟେ ଵୈ ପ୍ରଦୋଷସମୟେ ପରମେଶ୍ଵରସ୍ୟ,
କୁର୍ଵନ୍ତ୍ୟନନ୍ୟମନସୋଂଽଘ୍ରିସରୋଜପୂଜାମ୍ ।
ନିତ୍ୟଂ ପ୍ରଵୃଦ୍ଧଧନଧାନ୍ୟକଲତ୍ରପୁତ୍ରସୌଭାଗ୍ୟ-
ସମ୍ପଦଧିକାସ୍ତ ଇହୈଵ ଲୋକେ ॥ ୩ ॥
କୈଲାସଶୈଲଭୁଵନେ ତ୍ରିଜଗଜ୍ଜନିତ୍ରୀଂ ଗୌରୀଂ
ନିଵେଶ୍ୟ କନକାଚିତରତ୍ନପୀଠେ ।
ନୃତ୍ୟଂ ଵିଧାତୁମଭିଵାଞ୍ଛତି ଶୂଲପାଣୌ
ଦେଵାଃ ପ୍ରଦୋଷସମୟେ ନୁ ଭଜନ୍ତି ସର୍ଵେ ॥ ୪ ॥
ଵାଗ୍ଦେଵୀ ଧୃତଵଲ୍ଲକୀ ଶତମଖୋ ଵେଣୁଂ ଦଧତ୍ପଦ୍ମଜ-
ସ୍ତାଲୋନ୍ନିଦ୍ରକରୋ ରମା ଭଗଵତୀ ଗେୟପ୍ରୟୋଗାନ୍ଵିତା ।
ଵିଷ୍ଣୁଃ ସାନ୍ଦ୍ରମୃଦଙ୍ଗଵାଦନପଟୁର୍ଦେଵାଃ ସମନ୍ତାତ୍ସ୍ଥିତାଃ
ସେଵନ୍ତେ ତମନୁ ପ୍ରଦୋଷସମୟେ ଦେଵଂ ମୃଡାନୀପତିମ୍ ॥ ୫ ॥
ଗନ୍ଧର୍ଵୟକ୍ଷପତଗୋରଗସିଦ୍ଧସାଧ୍ୟ-
ଵିଦ୍ୟାଧରାମରଵରାପ୍ସରସାଂ ଗଣାଂଶ୍ଚ ।
ୟେଽନ୍ୟେ ତ୍ରିଲୋକନିଲୟା ସହଭୂତଵର୍ଗାଃ
ପ୍ରାପ୍ତେ ପ୍ରଦୋଷସମୟେ ହରପାର୍ଶ୍ଵସଂସ୍ଥାଃ ॥ ୬ ॥
ଅତଃ ପ୍ରଦୋଷେ ଶିଵ ଏକ ଏଵ
ପୂଜ୍ୟୋଽଥ ନାନ୍ୟେ ହରିପଦ୍ମଜାଦ୍ୟାଃ ।
ତସ୍ମିନ୍ମହେଶେ ଵିଧିନେଜ୍ୟମାନେ
ସର୍ଵେ ପ୍ରସୀଦନ୍ତି ସୁରାଧିନାଥାଃ ॥ ୭ ॥
ଏଷ ତେ ତନୟଃ ପୂର୍ଵଜନ୍ମନି ବ୍ରାହ୍ମଣୋତ୍ତମଃ ।
ପ୍ରତିଗ୍ରହୈର୍ଵୟୋ ନିନ୍ୟେ ନ ଦାନାଦ୍ୟୈଃ ସୁକର୍ମଭିଃ ॥ ୮ ॥
ଅତୋ ଦାରିଦ୍ର୍ୟମାପନ୍ନଃ ପୁତ୍ରସ୍ତେ ଦ୍ଵିଜଭାମିନି ।
ତଦ୍ଦୋଷପରିହାରାର୍ଥଂ ଶରଣାଂ ୟାତୁ ଶଙ୍କରମ୍ ॥ ୯ ॥
॥ ଇତି ଶ୍ରୀସ୍କାନ୍ଦୋକ୍ତଂ ପ୍ରଦୋଷସ୍ତୋତ୍ରାଷ୍ଟକଂ ସମ୍ପୂର୍ଣମ୍ ॥
– Chant Stotra in Other Languages –
Lord Shiva Slokam » Pradosha Stotra Ashtakam Lyrics in Sanskrit » English » Bengali » Gujarati » Marathi » Kannada » Malayalam » Telugu » Tamil