॥ Prapattyashtakam Gujarati Lyrics ॥
॥ પ્રપત્ત્યષ્ટકમ્ ॥
આવર્તપુર્યાં જનિતં પ્રપદ્યે પાણ્ડ્યેશદેશે વિહૃતં પ્રપદ્યે ।
શોણાચલપ્રસ્થચરં પ્રપદ્યે ભિક્ષું તપઃક્લેશસહં પ્રપદ્યે ॥ ૧ ॥
આબ્રહ્મકીટાન્તસમં પ્રપદ્યે જિતારિષડ્વર્ગમહં પ્રપદ્યે ।
સર્વજ્ઞતાસારભૃતં પ્રપદ્યે નિસ્સીમકારુણ્યનિધિં પ્રપદ્યે ॥ ૨ ॥
અસ્માત્પ્રપઞ્ચાદધિકં પ્રપદ્યે વિશ્વાધિકોક્તેર્વિષયં પ્રપદ્યે ।
કાલગ્રહગ્રાહભયાપનુત્યૈ કૃતાન્તશિક્ષાકૃતિનં પ્રપદ્યે ॥ ૩ ॥
વિનેતુમાર્તિં વિષયાધ્વજન્યાં વિજ્ઞાનમૂર્તિં દધતં પ્રપદ્યે ।
કન્દર્પદર્પજ્વરવારણાય કામારિલીલાવતારં પ્રપદ્યે ॥ ૪ ॥
આજન્મવર્ણિવ્રતિનં પ્રપદ્યે કુણ્ડીભૃતં દણ્ડધરં પ્રપદ્યે ।
બ્રહ્માસનધ્યાનરતં પ્રપદ્યે બ્રહ્માત્મભૂયં યતિનં પ્રપદ્યે ॥ ૫ ॥
હરં પ્રપદ્યે વિજરં પ્રપદ્યે સ્વતન્ત્રતાયાઃ સદનં પ્રપદ્યે ।
અમેયસામર્થ્યવહં પ્રપદ્યે વિશુદ્ધવિજ્ઞાનિવરં પ્રપદ્યે ॥ ૬ ॥
દૌર્ભાગ્ય તાપત્રય કર્મ મોહ સન્તાપહન્તારમહં પ્રપદ્યે ।
યથાર્થસઙ્કલ્પમપેતપાપમવાપ્ત કામં વિશુચં પ્રપદ્યે ॥ ૭ ॥
મનઃ પ્રસાદં ભજતાં દદાનં મુગ્ધસ્મિતોલ્લાસિમુખં પ્રપદ્યે ।
વ્યથામશેષાં વ્યપનીય મોદપ્રદેન નામ્ના રમણં પ્રપદ્યે ॥ ૮ ॥
શિવં પ્રપદ્યે શિવદં પ્રપદ્યે ગુરું પ્રપદ્યે ગુણિનં પ્રપદ્યે ।
મદીયહૃત્પદ્મજુષં પ્રપદ્યે શરણ્યમીશં શરણં પ્રપદ્યે ॥ ૯ ॥
પ્રપત્તિં રમણસ્યૈતાં તન્વતાં તત્ત્વદર્શિનઃ
તત્ક્રતુન્યાયરસિકાઃ તત્તાદૃશફલાપ્તયે ॥ ૧૦ ॥
॥ ઇતિ શ્રીજગદીશ શાસ્ત્રી વિરચિતં પ્રપત્ત્યષ્ટકમ્ સમ્પૂર્ણમ્ ॥
– Chant Stotra in Other Languages –
Prapattyashtakam Eight Verses of Surrender Lyrics in Sanskrit » English » Bengali » Kannada » Malayalam » Odia » Telugu » Tamil