॥ Prayag Ashtakam Telugu Lyrics ॥
॥ ప్రయాగాష్టకమ్ ॥
శ్రీగణేశాయ నమః ।
మునయ ఊచుః
సురమునిదితిజేన్ద్రైః సేవ్యతే యోఽస్తతన్ద్రైర్గురుతరదురితానాం కా కథా మానవానామ్ ।
స భువి సుకృతకర్తుర్వాఞ్ఛితావాప్తిహేతుర్జయతి విజితయాగస్తీర్థరాజః ప్రయాగః ॥ ౧ ॥
శ్రుతిః ప్రమాణం స్మృతయః ప్రమాణం పురాణమప్యత్ర పరం ప్రమా ణమ్ ।
యత్రాస్తి గఙ్గా యమునా ప్రమాణం స తీర్థరాజో జయతి ప్రయాగః ॥ ౨ ॥
న యత్ర యోగాచరణప్రతీక్షా న యత్ర యజ్ఞేష్టివిశిష్టదీక్షా ।
న తారకజ్ఞానగురోరపేక్షా స తీర్థరాజో జయతి ప్రయాగః ॥ ౩ ॥
చిరం నివాసం న సమీక్షతే యో హ్యుదారచిత్తః ప్రదదాతి చ క్రమాత్ ।
యః కల్పితాథాంర్శ్చ దదాతి పుంసః స తీర్థరాజో జయతి ప్రయాగః ॥ ౪ ॥
యత్రాప్లుతానాం న యమో నియన్తా యత్రాస్థితానాం సుగతిప్రదాతా ।
యత్రాశ్రితానామమృతప్రదాతా స తీర్థరాజో జయతి ప్రయాగః ॥ ౫ ॥
పుర్యః సప్త ప్రసిద్ధాఃప్రతివచనకరీస్తీర్థరాజస్య నార్యో
నైకటయాన్ముక్తిదానే ప్రభవతి సుగుణా కాశ్యతే బ్రహ్మ యస్యామ్ ।
సేయం రాజ్ఞీ ప్రధానా ప్రియవచనకరీ ముక్తిదానేన యుక్తా
యేన బ్రహ్మాణ్డమధ్యే స జయతి సుతరాం తీర్థరాజః ప్రయాగః ॥ ౬ ॥
తీర్థావలీ యస్య తు కణ్ఠభాగే దానావలీ వల్గతి పాదమూలే ।
వ్రతావలీ దక్షిణపాదమూలే స తీర్థరాజో జయతి ప్రయాగః ॥ ౭ ॥
ఆజ్ఞాపి యజ్ఞాః ప్రభవోపి యజ్ఞాః సప్తర్షిసిద్ధాః సుకృతానభిజ్ఞాః ।
విజ్ఞాపయన్తః సతతం హి కాలే స తీర్థరాజో జయతి ప్రయాగః ॥ ౮ ॥
సితాసితే యత్ర తరఙ్గచామరే నద్యౌ విభాతే మునిభానుకన్యకే ।
లీలాతపత్రం వట ఏక సాక్షాత్స తీర్థరాజో జయతి ప్రయాగః ॥ ౯ ॥
తీర్థరాజప్రయాగస్య మాహాత్మ్యం కథయిష్యతి ।
శృణ్వతః సతతం భక్త్యా వాఞ్ఛితం ఫలమాప్నుయాత్ ॥ ౧౦ ॥
ఇతి శ్రీమత్స్యపురాణే ప్రయాగరాజమాహాత్మ్యాష్టకం సమాప్తమ్ ॥
– Chant Stotra in Other Languages –
Prayag Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil