॥ Premendu Sagara Stotra Odia Lyrics ॥
॥ ପ୍ରେମେନ୍ଦୁସାଗରସ୍ତୋତ୍ରମ୍ ॥
ଶ୍ରୀପ୍ରେମେନ୍ଦୁସାଗରସଂଜ୍ଞକଶ୍ରୀକୃଷ୍ଣାଷ୍ଟୋତ୍ତରଶତନାମମାଲିକା ।
କଲହାନ୍ତରିତାଵୃତ୍ତା କାଚିଦ୍ ଵଲ୍ଲଵସୁନ୍ଦରୀ ।
ଵିରହୋତ୍ତାପଖିନ୍ନାଙ୍ଗୀ ସଖୀଂ ସୋତ୍କଣ୍ଠମବ୍ରଵୀତ୍ ॥ ୧ ॥
ହନ୍ତ ଗୌରି ସ କିଂ ଗନ୍ତା ପନ୍ଥାନଂ ମମ ନେତ୍ରୟୋଃ ।
ଶ୍ରୀକୃଷ୍ଣଃ କରୁଣାସିନ୍ଧୁଃ କୃଷ୍ଣୋ ଗୋକୁଲଵଲ୍ଲଭଃ ॥ ୨ ॥
ଗୋଵିନ୍ଦଃ ପରମାନନ୍ଦୋ ନନ୍ଦମନ୍ଦିରମଙ୍ଗଲମ୍ ।
ୟଶୋଦାଖନିମାଣିକ୍ୟଂ ଗୋପେନ୍ଦ୍ରାମ୍ଭୋଧିଚନ୍ଦ୍ରମାଃ ॥ ୩ ॥
ନଵାମ୍ଭୋଧରସଂରମ୍ଭଵିଡମ୍ବିରୁଚିଡମ୍ବରଃ ।
କ୍ଷିପ୍ତହାଟକଶୌଟୀର୍ୟପଟ୍ଟପୀତାମ୍ବରାଵୃତଃ ॥ ୪ ॥
କନ୍ଦର୍ପରୂପସନ୍ଦର୍ପହାରିପାଦନଖଦ୍ୟୁତିଃ ।
ଧ୍ଵଜାମ୍ଭୋରୁହଦମ୍ଭୋଲି ୟଵାଙ୍କୁଶଲସତ୍ପଦଃ ॥ ୫ ॥
ପଦପଞ୍ଜରସିଞ୍ଜାନମଞ୍ଜୁମଞ୍ଜୀରଖଞ୍ଜନଃ ।
ମସାରସମ୍ପୁଟାକାରଧାରି ଜାନୁୟୁଗୋଜ୍ଜ୍ଵଲଃ ॥ ୬ ॥
ଶୌଣ୍ଡସ୍ତମ୍ବେରମୋଦ୍ଦଣ୍ଡଶୁଣ୍ଡାରମ୍ୟୋରୁସୌଷ୍ଠଵଃ ।
ମଣିକିଙ୍କିଣିସଙ୍କୀର୍ଣଵିଶଙ୍କଟକଟିସ୍ଥଲଃ ॥ ୭ ॥
ମଧ୍ୟମାଧୁର୍ୟଵିଧ୍ଵସ୍ତଦିଵ୍ୟସିଂହମଦୋଦ୍ଧତିଃ ।
ଗାରୁତ୍ମତଗିରିଗ୍ରାଵଗରିଷ୍ଠୋରସ୍ତଟାନ୍ତରଃ ॥ ୮ ॥
କମ୍ବୁକଣ୍ଠସ୍ଥଲାଲମ୍ବିମଣିସମ୍ରାଡ୍ ଅଲଙ୍କୃତିଃ ।
ଆଖଣ୍ଡଲମଣିସ୍ତମ୍ଭସ୍ପର୍ଧିଦୋର୍ଦଣ୍ଡଚଣ୍ଡିମା ॥ ୯ ॥
ଖଣ୍ଡିତାଖଣ୍ଡକୋଟୀନ୍ଦୁସୌନ୍ଦର୍ୟମୁଖମଣ୍ଡଲଃ ।
ଲାଵଣ୍ୟଲହରୀସିନ୍ଧୁଃ ସିନ୍ଦୂରତୁଲିତାଧରଃ ॥ ୧୦ ॥
ଫୁଲ୍ଲାରଵିନ୍ଦସୌନ୍ଦର୍ୟ କନ୍ଦଲୀତୁନ୍ଦିଲେକ୍ଷଣଃ ।
ଗଣ୍ଡାନ୍ତତାଣ୍ଡଵକ୍ରୀଡାହିଣ୍ଡନ୍ମକରକୁଣ୍ଡଲଃ ॥ ୧୧ ॥
ନଵୀନୟୌଵନାରମ୍ଭଜୃମ୍ଭିତୋଜ୍ଜ୍ଵଲଵିଗ୍ରହଃ ।
ଅପାଙ୍ଗତୁଙ୍ଗିତାନଙ୍ଗକୋଟିକୋଦଣ୍ଡଵିକ୍ରମଃ ॥ ୧୨ ॥
ସୁଧାନିର୍ୟାସମାଧୁର୍ୟଧୁରୀଣୋଦାରଭାଷିତଃ ।
ସାନ୍ଦ୍ରଵୃନ୍ଦାଟଵୀକୁଞ୍ଜକନ୍ଦରାଗନ୍ଧସିନ୍ଧୁରଃ ॥ ୧୩ ॥
ଧନ୍ୟଗୋଵର୍ଧନୋତ୍ତୁଙ୍ଗଶୃଙ୍ଗୋତ୍ସଙ୍ଗନଵାମ୍ବୁଧଃ ।
କଲିନ୍ଦନନ୍ଦିନୀକେଲିକଲ୍ୟାଣକଲହଂସକଃ ॥ ୧୪ ॥
ନନ୍ଦୀଶ୍ଵରଧୃତାନନ୍ଦୋ ଭାଣ୍ଡୀରତଟତାଣ୍ଡଵୀ ।
ଶଙ୍ଖଚୂଡହରଃ କ୍ରୀଦାଗେଣ୍ଡୂକୃତଗିରୀଶ୍ଵରଃ ॥ ୧୫ ॥
ଵାରୀନ୍ଦ୍ରାର୍ବୁଧଗମ୍ଭୀରଃ ପାରୀନ୍ଦ୍ରାର୍ବୁଦଵିକ୍ରମୀ ।
ରୋହିଣୀନନ୍ଦନାନନ୍ଦୀ ଶ୍ରୀଦାମୋଦ୍ଦାମସୌହୃଦଃ ॥ ୧୬ ॥
ସୁବଲପ୍ରେମଦୟିତଃ ସୁହୃଦାଂ ହୃଦୟଙ୍ଗମଃ ।
ନନ୍ଦଵ୍ରଜଜନାନନ୍ଦସନ୍ଦୀପନମହାଵ୍ରତୀ ॥ ୧୭ ॥
ଶୃଙ୍ଗିନୀସଙ୍ଘସଙ୍ଗ୍ରାହିଵେଣୁସଙ୍ଗୀତମଣ୍ଡଲଃ ।
ଉତ୍ତୁଙ୍ଗପୁଙ୍ଗଵାରବ୍ଧସଙ୍ଗରାସଙ୍ଗକୌତୁକୀ ॥ ୧୮ ॥
ଵିସ୍ଫୁରଦ୍ଵନ୍ୟଶୃଙ୍ଗାରଃ ଶୃଙ୍ଗାରାଭୀଷ୍ଟଦୈଵତମ୍ ।
ଉଦଞ୍ଚତ୍ପିଞ୍ଛଵିଞ୍ଛୋଲୀଲାଞ୍ଛିତୋଜ୍ଜ୍ଵଲଵିଗ୍ରହଃ ॥ ୧୯ ॥
ସଞ୍ଚରଚ୍ଚଞ୍ଚରୀକାଲିପଞ୍ଚଵର୍ଣସ୍ରଗଞ୍ଚିତଃ ।
ସୁରଙ୍ଗରଙ୍ଗଣସ୍ଵର୍ଣୟୂଥିଗ୍ରଥିତମେଖଲଃ ॥ ୨୦ ॥
ଧାତୁଚିତ୍ରଵିଚିତ୍ରାଙ୍ଗଲାଵଣ୍ୟଲହରୀଭରଃ ।
ଗୁଞ୍ଜାପୁଞ୍ଜକୃତାକଲ୍ପଃ କେଲିତଲ୍ପିତପଲ୍ଲଵଃ ॥ ୨୧ ॥
ଵପୁରାମୋଦମାଧ୍ଵୀକଵର୍ଧିତପ୍ରମଦାମଦଃ ।
ଵୃନ୍ଦାଵନାରଵିନ୍ଦାକ୍ଷୀଵୃନ୍ଦକନ୍ଦର୍ପଦୀପନଃ ॥ ୨୨ ॥
ମୀନାଙ୍କସଙ୍କୁଲାଭୀରୀକୁଚକୁଙ୍କୁମପଙ୍କିଲଃ ।
ମୁଖେନ୍ଦୁମାଧୁରୀଧାରାରୁଦ୍ଧସାଧ୍ଵୀଵିଲୋଚନଃ ॥ ୨୩ ॥
କୁମାରୀପଟଲୁଣ୍ଠାକଃ ପ୍ରୌଢନର୍ମୋକ୍ତିକର୍ମଠଃ ।
ଅମନ୍ଦମୁଗ୍ଧଵୈଦଗ୍ଧୀଦିଗ୍ଧରାଧାସୁଧାମ୍ବୁଧି ॥ ୨୪ ॥
ଚାରୁଚନ୍ଦ୍ରାଵଲୀବୁଦ୍ଧିକୌମୁଦୀଶରଦାଗମଃ ।
ଧୀରଲାଲିତ୍ୟଲକ୍ଷ୍ମୀଵାନ୍ କନ୍ଦର୍ପାନନ୍ଦବନ୍ଧୁରଃ ॥ ୨୫ ॥
ଚନ୍ଦ୍ରାଵଲୀଚକୋରେନ୍ଦ୍ରୋ ରାଧିକାମାଧଵୀମଧୁଃ ।
ଲଲିତାକେଲିଲଲିତୋ ଵିଶାଖୋଡୁନିଶାକରଃ ॥ ୨୬ ॥
ପଦ୍ମାଵଦନପଦ୍ମାଲିଃ ଶୈଵ୍ୟାସେଵ୍ୟପଦାମ୍ବୁଜଃ ।
ଭଦ୍ରାହୃଦୟନିଦ୍ରାଲୁଃ ଶ୍ୟାମଲାକାମଲାଲସଃ ॥ ୨୭ ॥
ଲୋକୋତ୍ତରଚମତ୍କାରଲୀଲାମଞ୍ଜରିନିଷ୍କୁଟଃ ।
ପ୍ରେମସମ୍ପଦୟସ୍କାନ୍ତକାନ୍ତକୃତକୃଷ୍ଣାୟସଵ୍ରତଃ ॥ ୨୮ ॥
ମୁରଲୀଚୌରଗୌରାଙ୍ଗୀକୁଚକଞ୍ଚୁକଲୁଞ୍ଚନଃ ।
ରାଧାଭିସାରସର୍ଵସ୍ଵଃ ସ୍ଫାରନାଗରତାଗୁରୁଃ ॥ ୨୯ ॥
ରାଧାନର୍ମୋକ୍ତିଶୁଶ୍ରୂଷାଵୀରୁନ୍ନୀରୁଦ୍ଧଵିଗ୍ରହଃ ।
କଦମ୍ବମଞ୍ଜରୀହାରିରାଧିକାରୋଧନୋଦ୍ଧୁରଃ ॥ ୩୦ ॥
କୁଡୁଙ୍ଗକ୍ରୋଡସଙ୍ଗୂଢରାଧାସଙ୍ଗମରଙ୍ଗଵାନ୍ ।
କ୍ରୀଡୋଡ୍ଡାମରଧୀରାଧାତାଡଙ୍କୋତ୍ପଲତାଡିତଃ ॥ ୩୧ ॥
ଅନଙ୍ଗସଙ୍ଗରୋଦ୍ଗାରିକ୍ଷୁଣ୍ଣକୁଙ୍କୁମକଙ୍କଟଃ ।
ତ୍ରିଭଙ୍ଗିଲଙ୍ଗିମାକାରୋ ଵେଣୁସଙ୍ଗମିତାଧରଃ ॥ ୩୨ ॥
ଵେଣୁଵିସ୍ତୃତଗାନ୍ଧର୍ଵସାରସନ୍ଦର୍ଭସୌଷ୍ଠଵଃ ।
ଗୋପୀୟୂଥସହସ୍ରେନ୍ଦ୍ରଃ ସାନ୍ଦ୍ରରାସରସୋନ୍ମଦଃ ॥ ୩୩ ॥
ସ୍ମରପଞ୍ଚଶରୀକୋଟିକ୍ଷୋଭକାରିଦୃଗଞ୍ଚଲଃ ।
ଚଣ୍ଡାଂଶୁନନ୍ଦିନୀତୀରମଣ୍ଡଲାରବ୍ଧତାଣ୍ଡଵଃ ॥ ୩୪ ॥
ଵୃଷଭାନୁସୁତାଭୃଙ୍ଗୀକାମଧୁକ୍କମଲାକରଃ ।
ଗୂଢାକୂତପରୀହାସରାଧିକାଜନିତସ୍ମିତଃ ॥ ୩୫ ॥
ନାରୀଵେଶନିଗୂଢାତ୍ମା ଵ୍ୟୂଢଚିତ୍ତଚମତ୍କୃତିଃ ।
କର୍ପୂରାଲମ୍ବିତାମ୍ବୂଲକରମ୍ବିତମୁଖାମ୍ବୁଜଃ ॥ ୩୬ ॥
ମାନିଚନ୍ଦ୍ରାଵଲୀଦୂତୀକୢପ୍ତସନ୍ଧାନକୌଶଲଃ ।
ଛଦ୍ମଘଟ୍ଟତଟୀରୁଦ୍ଧରାଧାଭ୍ରୂକୁଟିଘଟ୍ଟିତଃ ॥ ୩୭ ॥
ଦକ୍ଷରାଧାସଖୀହାସଵ୍ୟାଜୋପାଲମ୍ଭଲଜ୍ଜିତଃ ।
ମୂର୍ତିମଦ୍ଵଲ୍ଲଵୀପ୍ରେମା କ୍ଷେମାନନ୍ଦରସାକୃତିଃ ॥ ୩୮ ॥
ଅଭିସାରୋଲ୍ଲସଦ୍ଭଦ୍ରାକିଙ୍କିଣୀନିନଦୋନ୍ମୁଖଃ ।
ଵାସସଜ୍ଜୀଭଵତ୍ପଦ୍ମାପ୍ରେକ୍ଷ୍ୟମାଣାଗ୍ରପଦ୍ଧତିଃ ॥ ୩୯ ॥
ଉତ୍କଣ୍ଠିତାର୍ତଲଲିତାଵିତର୍କପଦଵୀଂ ଗତଃ ।
ଵିପ୍ରଲବ୍ଧଵିଶାଖୋରୁଵିଲାପଭରଵର୍ଧନଃ ॥ ୪୦ ॥
କଲହାନ୍ତରିତାଶ୍ୟାମାମୃଗ୍ୟମାଣମୁଖେକ୍ଷଣଃ ।
ଖଣ୍ଡିତୋଚ୍ଚଣ୍ଡଧୀଶୈଵ୍ୟାରୋଷୋକ୍ତିରସିକାନ୍ତରଃ ॥ ୪୧ ॥
ଵିଶ୍ଲେଷଵିକ୍ଲଵଚ୍ଚନ୍ଦ୍ରାଵଲୀସନ୍ଦେଶନନ୍ଦିତଃ ।
ସ୍ଵାଧୀନଭର୍ତୃକୋତ୍ଫୁଲ୍ଲରାଧାମଣ୍ଡନପଣ୍ଡିତଃ ॥ ୪୨ ॥
ଚୁମ୍ବଵେଣୁଗ୍ଲହଦ୍ୟୁତିଜୟିରାଧାଧୃତାଞ୍ଚଲଃ ।
ରାଧାପ୍ରେମରସାଵର୍ତଵିଭ୍ରମଭ୍ରମିତାନ୍ତରଃ ॥ ୪୩ ॥
ଇତ୍ୟେଷୋନ୍ମତ୍ତଧୀଃ ପ୍ରେମ୍ନା ଶଂସନ୍ତୀ କଂସମର୍ଦନମ୍ ।
ସ୍ଫୁରନ୍ତଂ ପୁରତଃ ପ୍ରେକ୍ଷ୍ୟ ପ୍ରୌଢାନନ୍ଦୋତ୍ସଵଂ ୟୟୌ ॥ ୪୪ ॥
ପ୍ରେମେନ୍ଦୁସାଗରାଖ୍ୟେଽସ୍ମିନ୍ନାମ୍ନାମଷ୍ଟୋତ୍ତରେ ଶତେ ।
ଵିଗାହୟନ୍ତୁ ଵିବୁଧାଃ ପ୍ରୀତ୍ୟା ରସନମନ୍ଦରମ୍ ॥ ୪୫ ॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ପ୍ରେମେନ୍ଦୁସାଗରସ୍ତୋତ୍ରଂ
ଅଥଵା ଶ୍ରୀକୃଷ୍ଣାଷ୍ଟୋତ୍ତରଶତନାମଂ ସମ୍ପୂର୍ଣମ୍ ।
– Chant Stotra in Other Languages –
Premendu Sagara Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil