॥ Pushkara Ashtakam Telugu Lyrics ॥
॥ పుష్కరాష్టకమ్ ॥
శ్రీగణేశాయ నమః ॥
శ్రియాయుతం త్రిదేహతాపపాపరాశినాశకం
మునీన్ద్రసిద్ధసాధ్యదేవదానవైరభిష్టుతమ్ ।
తటేస్తి యజ్ఞపర్వతస్య ముక్తిదం సుఖాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౧ ॥
సదార్యమాసశుష్కపఞ్చవాసరే వరాగతం
తదన్యథాన్తరిక్షగం సుతన్త్రభావనానుగమ్ ।
తదమ్బుపానమజ్జనం దృశాం సదామృతాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౨ ॥
త్రిపుష్కర త్రిపుష్కర త్రిపుష్కరేతి సంస్మరేత్-
స దూరదేశగోఽపి యస్తదఙ్గపాపనాశనమ్ ।
ప్రపన్నదుఃఖభఞ్జనం సురఞ్జనం సుధాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౩ ॥
మృకణ్డుమఙ్కణౌ పులస్త్యకణ్వపర్వతాసితా
అగస్త్యభార్గవౌ దధీచినారదౌ శుకాదయః।
సపద్మతీర్థపావనైకద్దష్ట్యో దయాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౪ ॥
సదా పితామహేక్షితం వరాహవిష్ణునేక్షితం
తథాఽమరేశ్వరేక్షితం సురాసురైః సమీక్షితమ్ ।
ఇహైవ భుక్తిముక్తిదం ప్రజాకరం ఘనాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౫ ॥
త్రిదణ్డిదణ్డిబ్రహ్మచారితాపసైః సుసేవితం
పురార్ధచన్ద్రప్రాప్తదేవనన్దికేశ్వరాభిధైః ।
సవైద్యనాథనీలకణ్ఠసేవితం సుధాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౬ ॥
సుపఞ్చధా సరస్వతీ విరాజతే యదన్త్తరే
తథైకయోజనాయతం విభాతి తీర్థనాయకమ్ ।
అనేకదైవపైత్రతీర్థసాగరం రసాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౭ ॥
యమాదిసంయుతో నరస్త్రిపుష్కరం నిమజ్జతి
పితామహశ్చ మాధవోప్యుమాధవః ప్రసన్నతామ్ ।
ప్రయాతి తత్పదం దదాత్యయత్నతో గుణాకరం
నమామి బ్రహ్మపుష్కరం సవైష్ణవం సశఙ్కరమ్ ॥ ౮ ॥
ఇదం హి పుష్కరాష్టకం సునీతినీరజాశ్రితం
స్థితం మదీయమానసే కదాపి మాఽపగచ్ఛతు ।
త్రిసన్ధ్యమాపఠన్తి యే త్రిపుష్కరాష్టకం నరాః
ప్రదీప్తదేహభూషణా భవన్తి మేశకిఙ్కరాః ॥ ౯ ॥
ఇతి శఞ్కరాచార్యవిరచితం శ్రీపుష్కరాష్టకం సమాప్తమ్ ॥
– Chant Stotra in Other Languages –
Pushkara Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil