॥ Ramapatya Ashtakam Bengali Lyrics ॥
॥ রমাপত্যষ্টকম্ ॥
শ্রীগণেশায় নমঃ ॥
জগদাদিমনাদিমজং পুরুষং শরদম্বরতুল্যতনুং বিতনুম্ ।
ধৃতকঞ্জরথাঙ্গগদং বিগদং প্রণমামি রমাধিপতিং তমহম্ ॥ ১ ॥
কমলাননকঞ্জরতং বিরতং হৃদি য়োগিজনৈঃ কলিতং ললিতম্ ।
কুজনৈঃ সুজনৈরলভং সুলভং প্রণমামি রমাধিপতিং তমহম্ ॥ ২ ॥
মুনিবৃন্দহৃদিস্থপদং সুপদং নিখিলাধ্বরভাগভুজং সুভুজম্ ।
হৃতবাসবমুখ্যমদং বিমদং প্রণমামি রমাধিপতিং তমহম্ ॥ ৩ ॥
হৃতদানবদৃপ্তবলং সুবলং স্বজনাস্তসমস্তমলং বিমলম্ ।
সমপাস্ত গজেন্দ্রদরং সুদরং প্রণমামি রমাধিপতিং তমহম্ ॥ ৪ ॥
পরিকল্পিতসর্বকলং বিকলং সকলাগমগীতগুণং বিগুণম্ ।
ভবপাশনিরাকরণং শরণং প্রণমামি রমাধিপতিং তমহম্ ॥ ৫ ॥
মৃতিজন্মজরাশমনং কমনং শরণাগতভীতিহরং দহরম্ ।
পরিতুষ্টরমাহৃদয়ং সুদয়ং প্রণমামি রমাধিপতিং তমহম্ ॥ ৬ ॥
সকলাবনিবিম্বধরং স্বধরং পরিপূরিতসর্বদিশং সুদৃশম্ ।
গতশোকমশোককরং সুকরং প্রণমামি রমাধিপতিং তমহম্ ॥ ৭ ॥
মথিতার্ণবরাজরসং সরসং গ্রথিতাখিললোকহৃদং সুহৃদম্ ।
প্রথিতাদ্ভুতশক্তিগণং সুগণং প্রণমামি রমাধিপতিং তমহম্ ॥ ৮ ॥
সুখরাশিকরং ভববন্ধহরং পরমাষ্টকমেতদনন্যমতিঃ ।
পঠতীহ তু য়োঽনিশমেব নরো লভতে খলু বিষ্ণুপদং স পরম্ ॥ ৯ ॥
ইতি শ্রীপরমহংসস্বামিব্রহ্মানন্দবিরচিতং শ্রীরমাপত্যষ্টকং সম্পূর্ণম্ ॥
– Chant Stotra in Other Languages –
Sri Rama Astakam » Ramapati Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil