॥ Ananda Ramayana Sri Rama Ashtakam Telugu Lyrics ॥
॥ రామాష్టకం ౧ శ్రీమదానన్దరామాయణే ॥
॥ అథ రామాష్టకమ్ ॥
శ్రీశివ ఉవాచ ।
సుగ్రీవమిత్రం పరమం పవిత్రం సీతాకలత్రం నవమేఘగాత్రమ్ ।
కారుణ్యపాత్రం శతపత్రనేత్రం శ్రీరామచన్ద్రం సతతం నమామి ॥ ౧౧౬ ॥ ౧ ॥
సంసారసారం నిగమప్రచారం ధర్మావతారం హృతభూమిభారమ్ ।
సదావికారం సుఖసిన్ధుసారం శ్రీరామచద్రం సతతం నమామి ॥ ౧౧౭ ॥ ౨ ॥
లక్ష్మీవిలాసం జగతాం నివాసం లఙ్కావినాశం భువనప్రకాశమ్ ।
భూదేవవాసం శరదిన్దుహాసం శ్రీరామచన్ద్రం సతతం నమామి ॥ ౧౧౮ ॥ ౩ ॥
మన్దారమాలం వచనే రసాలం గుణైర్విశాలం హతసప్తతాలమ్ ।
క్రవ్యాదకాలం సురలోకపాలం శ్రీరామచన్ద్రం సతతం నమామి ॥ ౧౧౯ ॥ ౪ ॥
వేదాన్తగానం సకలైః సమానం హృతారిమానం త్రిదశప్రధానమ్ ।
గజేన్ద్రయానం విగతావసానం శ్రీరామచన్ద్రం సతతం నమామి ॥ ౧౨౦ ॥ ౫ ॥
శ్యామాభిరామం నయనాభిరామం గుణాభిరామం వచనాభిరామమ్ ।
విశ్వప్రణామం కృతభక్తకామం శ్రీరామచన్ద్రం సతతం నమామి ॥ ౧౨౧ ॥ ౬ ॥
లీలాశరీరం రణరఙ్గధీరం విశ్వైకసారం రఘువంశహారమ్ ।
గమ్భీరనాదం జితసర్వవాదం శ్రీరామచన్ద్రం సతతం నమామి ॥ ౧౨౨ ॥ ౭ ॥
ఖలే కృతాన్తం స్వజనే వినీతం సామోపగీతం మనసా ప్రతీతమ్ ।
రాగేణ గీతం వచనాదతీతం శ్రీరామచన్ద్రం సతతం నమామి ॥ ౧౨౩ ॥ ౮ ॥
శ్రీరామచన్ద్రస్య వరాష్టకం త్వాం మయేరితం దేవి మనోహరం యే ।
పఠన్తి శృణ్వన్తి గృణన్తి భక్త్యా తే స్వీయకామాన్ ప్రలభన్తి నిత్యమ్ ॥ ౧౨౪ ॥ ౯ ॥
ఇతి శతకోటిరామచరితాన్తర్గతే శ్రీమదానన్దరామాయణే
వాల్మీకీయే సారకాణ్డే యుద్ధచరితే ద్వాదశసర్గాన్తర్గతం
శ్రీరామాష్టకం సమాప్తమ్ ॥
– Chant Stotra in Other Languages –
Sri Vishnu Stotram » Ramashtakam From Ananda Ramayana Lyrics in Sanskrit » English » Bengali » Gujarati » Kannada » Malayalam » Odia » Tamil